ਅੱਧੀ ਰਾਤ ਬੰਦ ਕੋਠੀ ਅੰਦਰ ਬਜ਼ੁਰਗ ਜੋੜੇ ਨਾਲ ਹੋਇਆ ਵੱਡਾ ਕਾਂਡ

ਦਿਲ ਨੂੰ ਦਹਿਲਾ ਕੇ ਰੱਖ ਦੇਣ ਵਾਲਾ ਮਾਮਲਾ ਹੈ ਲੁਧਿਆਣਾ ਦੇ ਪਾਸ਼ ਇਲਾਕੇ ਭਾਈ ਰਣਧੀਰ ਸਿੰਘ ਨਗਰ ਦਾ, ਜਿੱਥੇ ਤਸਵੀਰ ‘ਚ ਦਿਖਾਈ ਦੇਣ ਵਾਲੇ 66 ਸਾਲਾ ਸੁਖਦੇਵ ਸਿੰਘ ਅਤੇ ਉਹਨਾਂ ਦੀ ਘਰਵਾਲੀ ਗੁਰਮੀਤ ਕੌਰ ਰਹਿੰਦੀ ਸੀ | ਸੁਖਦੇਵ ਸਿੰਘ ਇੱਕ ਸਰਕਾਰੀ ਮਹਿਕਮੇ ਤੋਂ ਸਹਾਇਕ ‘ਇੰਜੀਨੀਅਰ ਦੇ ਅਹੁਦੇ ਨੂੰ ਰਿਟਾਇਰਡ ਸਨ ਤੇ ਇਸ ਵੇਲੇ ਇਨਕਮ ਟੈਕਸ ਸਰਵੇਅਰ ਵਜੋਂ ਕੰਮ ਕਰ ਰਹੇ ਸਨ। ਉਹਨਾਂ ਦਾ ਇੱਕ ਪੁੱਤ ਕੈਨੇਡਾ ਅਤੇ ਦੂਜਾ ਸਕਾਟਲੈਂਡ ਚ ਰਹਿੰਦਾ ਹੈ ਤੇ ਹੀ ਸ਼ਹਿਰ ਦੇ ਅਗਰ ਨਗਰ ਇਲਾਕੇ ‘ਚ ਰਹੀ ਰਹੀ ਹੈ | ਸੁਖਦੇਵ ਸਿੰਘ ਨੇ ਵੀ ਆਪਣੇ ਪੁੱਤਾਂ ਨੂੰ ਮਿਲਣ ਵਿਦੇਸ਼ ਜਾਣਾ ਸੀ, ਜਿਸਦੀ 15-16 ਮਈ ਦੀ ਫਲਾਈਟ ਬੁੱਕ ਸੀ | ਪਰ ਹੋਣੀ ਨੂੰ ਕੁੱਝ ਹੋਰ ਹੀ ਮੰਜੂਰ ਸੀ |
ਲੰਘੀ ਰਾਤ ਕਰੀਬ 9.30 ਵਜੇ ਸੁਖਦੇ ਸਿੰਘ ਆਪਣੀ ਧੀ ਰਿੰਪੀ ਨਾਲ ਫੋਨ ਤੇ ਗੱਲ ਕਰ ਰਿਹਾ ਸੀ | ਏਨੇ ਨੂੰ ਰਿੰਪੀ ਫੋਨ ਤੇ ਕਿਸੇ ਦੀ ਆਉਣ ਦੀ ਆਵਾਜ਼ ਸੁਣਦੀ ਹੈ, ਉਸਦਾ ਪਿਤਾ ਸੁਖਦੇਵ ਸਿੰਘ ਕਿਸੇ ਵਿਅਕਤੀ ਨੂੰ ਬੈਠ ਕੇ ਗੱਲ ਕਰਨ ਲਈ | ਰਿੰਪੀ ਮੁਤਾਬਿਕ ਗੱਲ ਬਾਤ ਸੁਣ ਇੰਝ ਜਾਪ ਰਿਹਾ ਸੀ ਜਿਵੇਂ ਉਹ ਵਿਅਕਤੀ ਜਾਣ ਪਛਾਣ ਵਾਲਾ ਹੈ | ਏਨੀ ਦੇਰ ਨੂੰ ਰਿੰਪੀ ਨੂੰ ਫੋਨ ਤੇ ਆਪਣੇ ਮਾਂ ਬਾਪ ਦੀਆਂ ਚੀਕਾਂ ਦੀਆਂ ਅਵਾਜ਼ਾਂ ਸੁਣਨੀਆਂ ਸ਼ੁਰੂ ਹੋ ਜਾਂਦੀਆਂ ਨੇ | ਰਿੰਪੀ ਹੈਲੋ ਹੈਲੋ ਕਰਦੀ ਹੈ ਪਰ ਕੋਈ ਜਵਾਬ ਨਹੀਂ ਆਉਂਦਾ | ਫੇਰ ਰਿੰਪੀ ਆਪਣੇ ਘਰ ਵਾਲੇ ਨੂੰ ਲੈ ਫਟਾਫਟ ਆਪਣੇ ਪੇਕਿਆਂ ਘਰੇ ਪਹੁੰਚਦੀ ਹੈ ਤੇ ਖ਼ੌਫ਼ਨਾਕ ਮੰਜ਼ਰ ਵੇਖ ਉਹ ਚੱਕਰ ਖਾ ਡਿੱਗ ਜਾਂਦੀ ਹੈ |