ਰਾਸ਼ਟਰੀ ਜਾਂਚ ਏਜੰਸੀ ਨੇ ਜੰਮੂ ਕਸ਼ਮੀਰ ਦੇ ਡੀ.ਐੱਸ.ਪੀ ਦਵਿੰਦਰ ਸਿੰਘ ਨੂੰ ਲੈ ਕੇ ਵੱਡਾ ਖੁਲਾਸਾ ਕੀਤਾ ਹੈ। ਦੱਸਿਆ ਗਿਆ ਹੈ ਕੇ ਦਵਿੰਦਰ ਸਿੰਘ ਪਾਕਿਸਤਾਨ ਦੇ ਮੋਹਰੇ ਦੇ ਤੌਰ ‘ਤੇ ਕੰਮ ਕਰਦਾ ਸੀ। ਜਾਂਚ ਏਜੰਸੀਆਂ ਨੇ ਖੁਲਾਸਾ ਕੀਤਾ ਹੈ ਕੇ ਪਾਕਿਸਤਾਨ ਦਵਿੰਦਰ ਸਿੰਘ ਜ਼ਰੀਏ ਵਿਦੇਸ਼ ਮੰਤਰਾਲੇ ‘ਚ ਸੇਧ ਲਗਾਉਣ ਦੀ ਫਿਰਾਕ ‘ਚ ਸੀ। ਉਸ ਦਾ ਪੂਰਾ ਕਾਲਾ ਚਿੱਠਾ ਐਨ.ਆਈ.ਏ ਨੇ ਖੋਲ੍ਹਿਆ ਹੈ। ਐਨ.ਆਈ.ਏ ਨੇ ਲਗਭਗ 3,000 ਪੰਨਿਆਂ ਦੀ ਚਾਰਜਸ਼ੀਟ ਤਿਆਰ ਕੀਤੀ ਹੈ ਜਿਥੇ ਉਸ ਦੇ ਪਾਕਿਸਤਾਨ ਨਾਲ ਕੁਨੈਕਸ਼ਨ ਹੋਣ ਦੀ ਪੁਸ਼ਟੀ ਕੀਤੀ ਹੈ।
ਏਜੰਸੀ ਮੁਤਾਬਕ ਦਵਿੰਦਰ ਸਿੰਘ ਪਾਕਿਸਤਾਨ ਨੂੰ ਲਗਾਤਾਰ ਖੁਫੀਆ ਜਾਣਕਾਰੀਆਂ ਉਪਲੱਬਧ ਕਰਵਾਉਂਦਾ ਸੀ, ਇੰਨਾਂ ਹੀ ਨਹੀਂ ਉਹ ਪਾਕਿਸਤਾਨ ਦੇ ਹਾਈ ਕਮਿਸ਼ਨਰ ਦੇ ਅਧਿਕਾਰੀਆਂ ਦੇ ਸੰਪਰਕ ‘ਚ ਵੀ ਸੀ। ਉਸ ਦੇ ਸੋਸ਼ਲ ਮੀਡੀਆ ਦੇ ਅਕਾਂਊਟ ਤੋਂ ਇਹ ਵੀ ਖੁਲਾਸਾ ਹੋਇਆ ਹੈ ਕੇ ਉਹ ਪਾਕਿਸਤਾਨ ਖੁਫੀਆ ਏਜੰਸੀਆਂ ਲਈ ਜਸੂਸੀ ਵੀ ਕਰਦਾ ਸੀ। ਏਜੰਸੀ ਅਨੁਸਾਰ ਪਾਕਿਸਤਾਨ ਦੇ ਹਾਈ ਕਮਿਸ਼ਨ ਵਿਚ ਆਪਣੇ ਹੈਂਡਲਰ ਦਾ ਮੋਬਾਇਲ ਨੰਬਰ ਉਸ ਨੇ ‘ਪਾਕਿ ਭਾਈ’ ਦੇ ਨਾਂ ਤੋਂ ਸੇਵ ਕੀਤਾ ਹੋਇਆ ਸੀ।
