ਪੰਚਕੂਲਾ : ਬਰਨਾਲਾ ਦੇ ਪਿੰਡ ਘੜੈਲੀ ਦੇ ਕਿਸਾਨ ਨੇ ਤੇਲ ਦੀ ਬੋਤਲ ਅਤੇ ਮਾਚਿਸ ਲੈ ਕੇ ਪਿੰਡ ਦੀ ਵਾਟਰ ਵਰਕਸ ਦੀ ਟੈਂਕੀ ਤੇ ਚੜ ਕੇ ਇਨਸਾਫ ਦੀ ਮੰਗ ਕੀਤੀ ਅਤੇ ਪ੍ਰਸ਼ਾਸਨ ਨੂੰ ਆਤਮਹੱਤਿਆ ਦੀ ਧਮਕੀ ਵੀ ਦਿੱਤੀ ਹੈ।ਪੀੜਿਤ ਕਿਸਾਨ ਸਵਰਣ ਸਿੰਘ ਦੇ ਮੁੰਡੇ ਗਗਨਦੀਪ ਸਿੰਘ ਨੇ ਦੱਸਿਆ ਕਿ ਉਸ ਦੇ ਪਿਤਾ ਨੇ ਪਿੰਡ ਦੇ ਹੀ ਇੱਕ ਵਿਅਕਤੀ ਗੁਰਚਰਣ ਸਿੰਘ ਨੂੰ ਲਗਭਗ 6 ਕਨਾਲ ਜ਼ਮੀਨ ਕਈ ਸਾਲਾਂ ਤੱਕ ਠੇਕੇ ਤੇ ਦਿੱਤੀ ਹੋਈ ਸੀ।ਹੁਣ ਉਸ ਦੇ ਪਿਤਾ ਨੇ ਖੁਦ ਕਾਸਤ ਦੇ ਲਈ ਠੇਕੇ ਤੋਂ ਜ਼ਮੀਨ ਛਡਵਾਉਣ ਦੇ ਲਈ ਪੰਚਾਇਤ ਵਿੱਚ ਬੈਠ ਕੇ ਲਿਖਤੀ ਰਾਜ਼ੀਨਾਮਾ ਕੀਤਾ ਪਰ ਰਾਜ਼ੀਨਾਮੇ ਦੇ ਉਲਟ ਗੁਰਚਰਣ ਸਿੰਘ ਨੇ ਜ਼ਮੀਨ ਛਡਵਾਉਣ ਦੀ ਜਗ੍ਹਾ ਉਸ ਤੇ ਫੇਰ ਕਬਜ਼ਾ ਕਰਨ ਦੀ ਨੀਅਤ ਨਾਲ ਖੇਤ ਨੂੰ ਪਾਣੀ ਲਾ ਦਿੱਤਾ ਪਰ ਉਸ ਦੇ ਪਿਤਾ ਨੇ ਪਾਣੀ ਲੱਗੇ ਖੇਤ ਵਿੱਚ ਰਾਜ਼ੀਨਾਮੇ ਦੇ ਅਨੁਸਾਰ ਕਬਜ਼ਾ ਲੈਣ ਦੇ ਲਈ ਉਸ ਵਿੱਚ ਬਾਜਰੇ ਦਾ ਛਿੱਟਾ ਦੇ ਦਿੱਤਾ।ਬਾਅਦ ਵਿੱਚ ਫੇਰ ਗੁਰਚਰਣ ਸਿੰਘ ਨੇ ਕਬਜ਼ਾ ਕਰਨ ਦੀ ਧਮਕੀ ਦਿੱਤੀ ਤਾਂ ਪਿਤਾ ਸੁਸਾਈਡ ਦੇ ਲਈ ਪੈਟਰੋਲ ਦੀ ਬੋਤਲ ਅਤੇ ਮਾਚਿਸ ਲੈ ਕੇ ਵਾਟਰ ਵਰਕਰਸ ਦੀ ਟੈਂਕੀ ਤੇ ਚੜ ਗਏ।ਇਸ ਮੌਕੇ ਤੇ ਉਪਸਥਿਤ ਪੰਚਾਇਤ ਦੇ ਸਾਬਕਾ ਸਰਪੰਚ ਹਰਦੀਪ ਸਿੰਘ, ਸਰਪੰਚ ਸੁਖਪ੍ਰੀਤ ਕੌਰ ਸਮੇਤ ਹੋਰਾਂ ਨੇ ਦੱਸਿਆ ਕਿ ਦੋਨੋਂ ਗੁੱਟਾਂ ਦਾ ਸਮਝੌਤਾ ਕਰਵਾ ਦਿੱਤਾ ਸੀ ਕਿ ਗੁਰਚਰਣ ਸਿੰਘ ਲਿਖਤੀ ਹਿਸਾਬ ਪੰਚਾਇਤ ਨੂੰ ਦੇਵੇਗਾ।ਪਰ ਤਿੰਨ ਵਾਰ ਬੈਠਕ ਹੋਣ ਦੇ ਬਾਵਜੂਦ ਉਹ ਲਿਖਤੀ ਹਿਸਾਬ ਪੇਸ਼ ਨਾ ਕਰ ਸਕਿਆ ਬਲਕਿ ਸਮਝੌਤੇ ਦੇ ਉਲਟ ਹਰਕਤਾਂ ਕਰ ਰਿਹਾ ਹੈ।ਇਸ ਕਾਰਨ ਹੁਣ ਸਾਰੀ ਪੰਚਾਇਤ ਕਿਸਾਨ ਸਵਰਣ ਸਿੰਘ ਦੇ ਨਾਲ ਹੈ।ਇਸ ਮੌਕੇ ਤੇ ਐਸਐਚਓ ਭੁਪਿੰਦਰ ਸਿੰਘ ਨੇ ਕਿਹਾ ਕਿ ਪੰਚਾਇਤ ਦੇ ਮੈਂਬਰਾਂ ਅਤੇ ਸਨਮਾਨਜਨਕ ਲੋਕਾਂ ਨਾਲ ਗੱਲ ਚੱਲ ਰਹੀ ਸੀ।ਕਿਸਾਨ ਟੈਂਕੀ ਤੇ ਖੜਾ ਸੀ, ਕਿਸਾਨ ਵਾਰ ਵਾਰ ਆਪਣੇ ਤੇ ਪੈਟਰੋਲ ਛਿੜਕ ਕੇ ਅੱਗ ਲਾਉਣ ਦੀ ਧਮਕੀ ਦੇ ਰਿਹਾ ਸੀ।ਇਸ ਸੰਬੰਧ ਵਿੱਚ ਗੁਰਚਰਣ ਸਿੰਘ ਨੇ ਦੱਸਿਆ ਕਿ ਉਹ ਕਹੀ ਸਾਲਾਂ ਤੋਂ ਸਵਰਣ ਸਿੰਘ ਨੂੰ ਪੈਸੇ ਦਿੰਦਾ ਆ ਰਿਹਾ ਹੈ।
ਧਰਮਿੰਦਰ ਨੂੰ ਰੋਜ਼ ਕੋਸਦੇ ਨੇ ਆਹ ਪੁਲਿਸ ਪ੍ਰਸ਼ਾਸ਼ਨ ਵਾਲੇ, ਕਹਿੰਦੇ ਕਾਸ਼ ਉਹ ਸ਼ਰਾਬ ਪੀਕੇ ਟੈਂਕੀ ਤੇ ਨਾ ਚਾੜ੍ਹਦਾ ਤਾਂ ਆਹ ਲੋਕ…
