ਸਰਕਾਰਾਂ ਦਾ ਇਹ ਕਹਿੰਦੇ ਦਾ ਹਲਕ ਨੀਂ ਸੁੱਕਦਾ ਕਿ ਸਾਡੇ ਪੰਜਾਬ ਦੀਆਂ ਜੇਲ੍ਹਾਂ ਏਨੀਆਂ ਹਾਈਟੈਕ ਹੋ ਚੁੱਕੀਆਂ ਨੇ ਜਿਸ ਚ ਕੈਦੀ ਤਾਂ ਦੂਰ ਦੀ ਗੱਲ ਏ ਕੋਈ ਪਰਿੰਦਾ ਵੀ ਪਰ ਨੀਂ ਮਾਰ ਸਕਦਾ। ਤਰੀਫਾ ਦੇ ਪੁਲ ਬੰਨਦੇ ਸਰਕਾਰ ਦੇ ਲੀਡਰ ਨੀਂ ਥੱਕਦੇ,,, ਪਰ ਇਨਾਂ ਦੇ ਝੂਠੇ ਦਾਅਵਿਆਂ ਦੀ ਪੋਲ੍ਹ ਥੋੜੇ ਦਿਨ ਬਾਅਦ ਹੀ ਖੁੱਲ੍ਹ ਜਾਂਦੀ ਐ ਹੁਣ ਖਬਰ ਏ ਫਰੀਦਕੋਟ ਦੀ ਮਾਡਰਨ ਜੇਲ੍ਹ ਦੀ… ਜਿਥੇ ਜੇਲ੍ਹ ਅੰਦਰੋਂ 15 ਮੋਬਾਈਲ ਫੋਨ ਤੇ 9 ਸਿਮ ਬਰਾਮਦ ਕੀਤੇ ਨੇ। ਜਾਣਕਾਰੀ ਮੁਤਾਬਿਕ ਵੱਖ ਵੱਖ ਬੈਰਕਾਂ ਚ ਬੰਦ ਚਾਰ ਹਵਾਲਾਤੀਆਂ ਤੋਂ ਚਾਰ ਟੱਚ ਸਕਰੀਨ ਮੋਬਾਇਲ ਫੋਨ ਬ੍ਰਾਮਦ ਕੀਤੇ ਗਏ ਜਦਕਿ 3 ਟੱਚ ਸਕਰੀਨ ਅਤੇ 8 ਕੀ ਪੇਡ ਫੋਨ ਲਾਵਾਰਿਸ ਹਾਲਤ ਵਿੱਚ ਪਾਏ ਗਏ ਜਿਸ ਤੋਂ ਬਾਅਦ ਜੇਲ੍ਹ ਪ੍ਰਸ਼ਾਸ਼ਨ ਦੀ ਸ਼ਿਕਾਇਤ ਤੇ ਦੋ ਵੱਖ ਵੱਖ ਮਾਮਲੇ ਦਰਜ਼ ਕੀਤੇ ਗਏ ਜਿਸ ਚ ਚਾਰ ਹਵਾਲਾਤੀਆਂ ਤੇ ਮਾਮਲਾ ਦਰਜ ਕਰ ਲਿਆ।
ਬੇਸ਼ੱਕ ਪੁਲਿਸ ਲੱਖ ਦਾਅਵੇ ਕਰਦੀ ਐ ਪਰ ਹਰ ਵਾਰ ਫੇਲ ਹੁੰਦੀ ਨਜ਼ਰ ਆਉਂਦੀ ਐ,,, ਕਦੇ ਜੇਲ੍ਹਾਂ ਚ ਲੜਾਈ ਝਗੜੇ ਹੁੰਦੇ ਨੇ ਤੇ ਕਦੇ ਕੋਈ ਗੈਂਗਸਟਰ ਇੰਟਰਵੀਊ ਦੇ ਦਿੰਦਾ।, ਪਰ ਪੁਲਿਸ ਦੇਖਦੀ ਦੀ ਦੇਖਦੀ ਰਹਿ ਜਾਂਦੀ ਐ ਪਰ ਉਸਨੂੰ ਰੋਕਣ ਚ ਅਸਫ਼ਲ ਸਾਬਤ ਹੁੰਦੀ ਐ।…..ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ‘ਤੇ ਕਲਿੱਕ ਕਰੋ……
