ਹੌਜ਼ਰੀ ਵਰਕਰਾਂ ਦੇ ਸ਼ਰਮਨਾਕ ਕਾਰੇ ਦੀ ਵੀਡੀਓ ਹੋਈ ਵਾਇਰਲ

ਮਾਮਲਾ ਹੈ ਲੁਧਿਆਣਾ ਦਾ, ਜਿੱਥੇ ਨਿਊ ਮਾਧੋਪੁਰੀ ਇਲਾਕੇ ‘ਚ ਇੱਕ ਗੁਪਤਾ ਪਰਿਵਾਰ ਗੁਪਤਾ ਹੌਜ਼ਰੀ ਚਲਾਉਂਦਾ ਹੈ | ਇਸ ਹੌਜ਼ਰੀ ‘ਚ ਕਈ ਪ੍ਰਵਾਸੀ ਵਰਕਰ ਵੀ ਕੰਮ ਕਰਦੇ ਨੇ | ਉਹਨਾਂ ਦੇ ਸਾਹਮਣੇ ਹੀ ਇੱਕ ਜੈਨ ਪਰਿਵਾਰ ਵੀ ਰਹਿੰਦਾ ਹੈ | ਜੈਨ ਪਰਿਵਾਰ ਵੱਲੋਂ ਲਾਏ ਗਏ ਦੋਸ਼ਾਂ ਦੇ ਮੁਤਾਬਿਕ ਹੌਜ਼ਰੀ ਵਾਲੇ ਤੰਬਾਕੂ ਖਾ ਕੇ ਉਹਨਾਂ ਦੀ ਕੰਧ ‘ਤੇ ਥੁੱਕਦੇ ਸਨ | ਜਿਸ ਕਰਕੇ ਉਹਨਾਂ ਕਈ ਵਾਰ ਮੰਨਾਹ ਵੀ ਕੀਤਾ | ਪਰ ਉਹਨਾਂ ਦੀਆਂ ਹਰਕਤਾਂ ਲਗਾਤਾਰ ਜਾਰੀ ਰਹੀਆਂ | ਹਾਰ ਕੇ ਜੈਨ ਪਰਿਵਾਰ ਦੀ ਔਰਤ ਨੇ ਕੰਧ ‘ਤੇ ਧਾਰਮਿਕ ਲਫ਼ਜ਼ ਲਿਖ ਦਿੱਤੇ ਤਾਂ ਜੋ ਕੋਈ ਨਾ ਥੁੱਕੇ | ਪਰ ਬਾਵਜ਼ੂਦ ਇਸਦੇ ਉਹ ਬਾਜ ਨਾ ਆਏ | ਜਿਸ ਕਰਕੇ ਝਗੜਾ ਵੱਧ ਗਿਆ | ਏਨਾ ਹੀ ਨਹੀਂ ਦੋਵਾਂ ਧਿਰਾਂ ਵੱਲੋਂ ਸ਼ਿਕਾਇਤ ਕਰਨ ‘ਤੇ ਜਦ ਪੁਲਿਸ ਆਈ ਅਤੇ ਦੋ ਜਣਿਆਂ ਨੂੰ ਤਫਤੀਸ਼ ‘ਚ ਕਾਰ ‘ਚ ਬਿਠਾ ਲਿਜਾਣ ਲੱਗੀ ਤਾਂ ਹੌਜ਼ਰੀ ਵਾਲਿਆਂ ਨੇ ਪੁਲਿਸ ਦੀ ਪ੍ਰਵਾਹ ਵੀ ਨਾ ਕਰਦੇ ਹੋਏ ਗੱਡੀ ਨੂੰ ਘੇਰਾ ਪਾ ਇੱਕ ਜਾਣੇ ਦੀ ਰੱਲ ਕੇ ਬੁਰੀ ਤਰ੍ਹਾਂ ਕੁੱਟ ਮਾਰ ਕਰਨ ਲੱਗ ਪਏ | ਫੇਰ ਜਦ ਪੁਲਿਸ ਵਾਲਿਆਂ ਨੇ ਬਚਾਓ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਪੁਲਿਸ ਦੀ ਵਰਦੀ ਨੂੰ ਵੀ ਹੱਥ ਪਾ ਹੱਥੋਪਾਈ ਕਰਨ ਲੱਗ ਪਏ |