ਰੇਲਵੇ ਨੇ 12 ਸਤੰਬਰ ਤੋਂ 80 (40ਜੋੜੀ) ਨਵੀਂਆਂ ਟਰੇਨਾਂ ਚਲਾਉਣ ਦਾ ਐਲਾਨ ਕੀਤਾ ਹੈ। ਇਸ ਦੇ ਲਈ 10 ਦਸੰਬਰ ਤੋਂ ਰਿਜ਼ਰਵੇਸ਼ਨ ਸ਼ੁਰੂ ਹੋਵੇਗੀ। ਰੇਲਵੇ ਬੋਰਡ ਦੇ ਚੇਅਰਮੈਨ ਵਿਨੋਦ ਕੁਮਾਰ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਰੇਲਵੇ ਮੰਤਰਾਲੇ ਨੇ ਪਹਿਲਾਂ ਸਪੈਸ਼ਲ ਟ੍ਰੇਨਾਂ ਸੇਵਾਵਾਂ ਦੇ ਨਾਲ ਨਾਲ ਆਈਆਰਸੀਟੀਸੀ ਸਪੇਸ਼ਲ ਟ੍ਰੇਨ ਸੇਵਾਵਾਂ ਦੀ ਸ਼ੁਰੂਆਤ ਕੀਤੀ ਸੀ। ਕਰੋਨਾ ਮਹਾਮਾਰੀ ਦੇ ਕਾਰਨ ਇਸ ਸਮੇਂ ਸਾਰੇ ਯਾਤਰੀਆਂ ਦੇ ਲਈ ਰੇਲ ਸੇਵਾਵਾਂ ਬੰਦ ਹਨ। ਪਰ ਹੁਣ ਦੇਸ਼ ‘ਚ 230 ਟ੍ਰੇਨਾਂ ਚਲਾਈਆਂ ਜਾ ਰਹੀਆਂ ਹਨ।
ਅਨਲਾਕ-4 ਦੀ ਗਾਈਡਲਾਈਨ ਜਾਰੀ ਹੋਣ ਦੇ ਤਿੰਨ ਦਿਨ ਬਾਅਦ ਭਾਰਤੀ ਰੇਲਵੇ ਨੇ ਕਿਹਾ ਕੇ ਰੇਲਵੇ ਆਉਣ ਵਾਲੇ ਦਿਨਾਂ ‘ਚ 100 ਹੋਰ ਟ੍ਰੇਨਾ ਚਲਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਕਰੋਨਾ ਅਤੇ ਲਾਕਡਾਊਨ ਦੇ ਚਲਦਿਆਂ ਰੇਲਵੇ ਨੇ 25 ਮਾਰਚ ਤੋਂ ਸਾਰੀਆਂ ਟ੍ਰੇਨਾਂ ਬੰਦ ਕਰ ਦਿੱਤੀਆਂ ਸਨ।
ਕਾਬਿਲਗੌਰ ਹੈ ਕਾਮਿਆਂ ਦੇ ਲਈ 1 ਮਈ ਤੋਂ ਸਪੈਸ਼ਲ ਟ੍ਰੇਨਾਂ ਚਲਾਈਆਂ ਸਨ। ਇਸ ਦੇ ਜ਼ਰੀਏ ਦੇਸ਼ ਭਰ ‘ਚ ਕਾਮਿਆਂ ਨੂੰ ਉਹਨਾਂ ਦੇ ਘਰ ਪਹੁੰਚਾਇਆ ਗਿਆ ਸੀ। ਰੇਲਵੇ ਨੇ ਦੱਸਿਆ ਕੇ ਕਾਮਿਆਂ ਲਈ ਟ੍ਰੇਨਾਂ ਦਾ 85 ਫੀਸਦ ਖਰਚਾ ਕੇਂਦਰ ਸਰਕਾਰ ਨੇ ਚੁੱਕਿਆ ਸੀ, 15% ਖਰਚਾ ਕਿਰਾਏ ਦੇ ਰੂਪ ‘ਚ ਸੂਬਿਆਂ ਨੇ ਲਿਆ ਸੀ।
