ਮਾਮਲਾ ਹੈ ਅੰਮ੍ਰਿਤਸਰ ਦਾ, ਜਿੱਥੇ ਸੌ ਫੁੱਟੀ ਰੋਡ ਤੇ ਗੁਰਪ੍ਰਤਾਪ ਸਿੰਘ ਉਰਫ ਰਾਜਾ ਨਾਂ ਦਾ ਵਿਅਕਤੀ ਕਰਿਆਨਾ ਅਤੇ ਸਬਜ਼ੀ ਦਾ ਕਾਰੀਬਰ ਕਰਦਾ ਸੀ | ਨੇੜੇ ਹੀ ਚਰਨਦੀਪ ਸਿੰਘ @ ਬੱਬਾ ਨਾਂ ਦਾ ਨੌਜਵਾਨ ਦੀਪ ਨਾਮਕ ਬੇਕਰੀ ਚਲਾਉਂਦਾ ਸੀ | ਚਰਨਜੀਤ ਬੱਬਾ ਵਾਰਡ ਨੰਬਰ 45 ਤੋਂ ਕਾਂਗਰਸੀ ਕੌਂਸਲਰ ਦਲਬੀਰ ਕੌਰ ਦਾ ਪੁੱਤਰ ਹੈ | ਜੋ ਕਿ ਕਦੀ ਨਵਜੋਤ ਸਿੰਘ ਸਿੱਧੂ ਦਾ ਖਾਸ ਮੰਨਿਆ ਜਾਂਦਾ ਸੀ ਅਤੇ ਜਾਣਕਾਰੀ ਮੁਤਾਬਿਕ ਜੋ ਪਿਛਲੇ ਕੁੱਝ ਮਹੀਨਿਆਂ ਤੋਂ ਆਮ ਆਦਮੀ ਪਾਰਟੀ ‘ਚ ਸ਼ਾਮਲ ਹੋ ਚੁੱਕ ਹੈ | ਚਰਨਜੀਤ ਸਿੰਘ ਬੱਬਾ ਅਤੇ ਗੁਰਪ੍ਰਤਾਪ ਸਿੰਘ @ ਰਾਜਾ ਦੇ ਵਿਚਾਲੇ ਦੁਕਾਨ ਦੇ ਕਬਜ਼ੇ ਨੂੰ ਲੈ ਕੇ ਪਿਛਲੇ ਕਈ ਸਾਲਾਂ ਤੋਂ ਵਿਵਾਦ ਚੱਲ ਰਿਹਾ ਸੀ |
ਜਾਣਕਾਰੀ ਮੁਤਾਬਿਕ ਸ਼ਨਿਚਰਵਾਰ ਸ਼ਾਮ ਨੂੰ ਗੁਰਪ੍ਰਤਾਪ ਆਪਣੀ ਦੁਕਾਨ ‘ਤੇ ਵੈਲਡਿੰਗ ਵਾਲਾ ਕਾਰੀਗਰ ਬੁਲਾ ਕੇ ਕੰਮ ਕਰਵਾ ਰਿਹਾ ਸੀ। ਇਹ ਦੇਖ ਕੇ ਚਰਨਦੀਪ ਸਿੰਘ ਵੀ ਉਥੇ ਪਹੁੰਚ ਗਿਆ। ਦੋਵਾਂ ‘ਚ ਪਹਿਲਾਂ ਗਾਲੀ-ਗਲੋਚ ਹੋਇਆ। ਕੁਝ ਦੇਰ ਬਾਅਦ ਚਰਨਦੀਪ ਉਨ੍ਹਾਂ ਦੀ ਦੁਕਾਨ ਤੋਂ ਚਲਾ ਗਿਆ। ਫੇਰ ਥੋੜੇ ਸਮੇਂ ਬਾਅਦ ਉਹ ਆਪਣੇ 12-15 ਹਥਿਆਰਬੰਦ ਸਾਥੀਆਂ ਨਾਲ ਉਥੇ ਆਇਆ ਅਤੇ ਕੁੱਟਮਾਰ ਕਰਨ ਲੱਗ ਪਿਆ |
previous post