ਚੰਡੀਗੜ੍ਹ : ਸ਼੍ਰੋਮਣੀ ਅਕਾਲੀ ਦਲ ਤੋਂ ਬਗਾਵਤ ਦਾ ਝੰਡਾ ਬੁਲੰਦ ਕਰਨ ਵਾਲੇ ਸੁਖਦੇਵ ਸਿੰਘ ਢੀਂਡਸਾ ਹੁਣ ਦਿੱਲੀ ਵਿਧਾਨਸਭਾ ਚੋਣਾਂ ਵਿੱਚ ਬਾਦਲਾਂ ਨੂੰ ਚੁਣੌਤੀ ਦੇ ਸਕਦੇ ਹਨ l ਢੀਂਡਸਾ ਗਰੁੱਪ ਦਿੱਲੀ ਵਿਧਾਨਸਭਾ ਚੋਣਾਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਦਾ ਵਿਰੋਧ ਕਰ ਸਕਦਾ ਹੈ l ਸਾਬਕਾ ਵਿੱਤ ਮੰਤਰੀ ਪਰਮਿੰਦਰ ਢੀਂਡਸਾ ਨੇ ਕਿਹਾ ਕਿ ਦਿੱਲੀ ਵਿਧਾਨਸਭਾ ਚੋਣਾਂ ਦੇ ਬਾਰੇ ਹਲੇ ਕੁਝ ਵੀ ਸਪੱਸ਼ਟ ਨਹੀਂ ਹੈ l ਅਕਾਲੀ ਦਲ ਦੀ ਤਸਵੀਰ ਵੀ ਸਾਫ ਵੀ ਨਹੀਂ ਹੈ ਕਿ ਭਾਜਪਾ ਦੇ ਨਾਲ ਮਿਲਕੇ ਲੜਣਗੇ ਜਾਂ ਇੱਕਲੇ l ਦਿੱਲੀ ਚੋਣਾਂ ਦੇ ਬਾਰੇ ਵਿੱਚ ਕੋਈ ਵੀ ਫੈਸਲਾ ਪਰਮਜੀਤ ਸਿੰਘ ਸਰਨਾ ਅਤੇ ਮਨਜੀਤ ਸਿੰਘ ਜੀਕੇ ਲੈਣਗੇ l ਦਿੱਲੀ ਦੇ ਸਿੱਖ ਜੋ ਵੀ ਚਾਹੁਣਗੇ, ਉਹ ਕਰਨਗੇ l ਅਸੀਂ ਤਾਂ ਸਿਰਡ ਇਸ ਗੱਲ ਦੀ ਲੜਾਈ ਲੜ ਰਹੇ ਹਾਂ ਕਿ ਫੈਸਲੇ ਸਰਬ ਸੰਮਤੀ ਨਾਲ ਹੋਣ l ਅਕਾਲੀ ਦਲ 2015 ਵਿੱਚ ਚਾਰ ਸੀਟਾਂ ‘ਤੇ ਚੋਣ ਲੜਿਆ ਸੀ l ਇਨ੍ਹਾਂ ਵਿੱਚੋਂ ਦੋ ਸਿੰਬਲ ‘ਤੇ ਦੋ ਭਾਜਪਾ ਦੇ ਚੋਣ ਨਿਸ਼ਾਨ ‘ਤੇ ਲੜਿਆ ਸੀ l ਇਸ ਵਾਰ ਉਹ 6 ਸੀਟਾਂ ‘ਤੇ ਦਾਅਵਾ ਕਰ ਰਿਹਾ ਹੈ l ਸਾਬਕਾ ਵਿੱਤ ਮੰਤਰੀ ਪਰਮਿੰਦਰ ਸਿੰਘ ਢੀਂਡਸਾ ਨੇ ਦਆਵਾ ਕੀਤਾ ਕਿ ਪੰਥ ਅਤੇ ਪੰਜਾਬ ਹਿਤੈਸ਼ੀ ਕਈ ਸਾਬਕਾ ਮੰਤਰੀ,ਵਰਤਮਾਨ ਅਤੇ ਸਾਬਕਾ ਵਿਧਾਇਕ ਸੰਸਦ ਸੁਖਦੇਵ ਸਿੰਘ ਢੀਂਡਸਾ ਦੇ ਸੰਪਰਕ ਵਿੱਚ ਹਨ l ਦੱਸ ਦਈਏ ਕਿ ਸ਼ਨੀਵਾਰ ਨੂੰ ਦਿੱਲੀ ਦੇ ਕਾਨਸੀਟਿਊਸ਼ਨ ਕਲੱਬ ਵਿੱਚ ਸਫਰ ਏ ਅਕਾਲੀ ਲਹਿਰ ਦੇ ਬੈਨਰ ਥੱਲੇ ਇੱਕ ਪ੍ਰੋਗਰਾਮ ਹੋਇਆ l ਇਸ ਵਿੱਚ ਸ਼ੋਮਣੀ ਅਕਾਲੀ ਦਲ ਸੁਖਬੀਰ ਬਾਦਲ ਦੀ ਲੀਡਰਸ਼ਿਪ ‘ਤੇ ਸਵਾਲ ਚੁੱਕ ਕੇ ਪਾਰਟੀ ਛੱਡਣ ਵਾਲੇ ਸਾਰੇ ਮੈਂਬਰ ਸ਼ਾਮਿਲ ਸਨ l ਇਸ ਵਿੱਚ ਢੀਂਡਸਾ ਪਿਓ ਪੁੱਤਰ, ਰਣਜੀਤ ਸਿੰਘ ਬ੍ਰਹਮਪੁਰਾ, ਸੇਵਾ ਸਿੰਘ ਸੇਖਵਾਂ, ਬਲਵੰਤ ਸਿੰਘ ਰਾਮੂਵਾਲੀਆ, ਰਵੀਇੰਦਰ ਸਿੰਘ, ਮਲਜੀਤ ਸਿੰਘ ਜੀਕੇ ਸ਼ਾਮਿਲ ਹਨ l ਇਨ੍ਹਾਂ ਤੋਂ ਇਲਾਵਾ ਪਰਮਜੀਤ ਸਰਨਾ ਅਤੇ ਹਰਵਿੰਦਰ ਸਰਨਾ ਵੀ ਸਨ l ਇਸ ਪ੍ਰੋਗਰਾਮ ਵਿੱਚ ਕਈ ਪੇਸ਼ਕਸ਼ਾਂ ਪਾਸ ਕੀਤੀਆਂ ਗਈਆਂ l ਇਨ੍ਹਾਂ ਵਿੱਚ ਸ਼੍ਰੀ ਅਕਾਲ ਤਖਤ ਸਾਹਿਬ ਅਤੇ ਪੰਜਾਬ ਅਤੇ ਦਿੱਲੀ ਦੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਨੂੰ ਰਾਜਨੀਤਿਕ ਦਖਲ ਨਾਲ ਆਜ਼ਾਦ ਕਰਾਣਾ ਵੀ ਸ਼ਾਮਿਲ ਹੈ l ਪ੍ਰੋਗਰਾਮ ਦੇ ਦੌਰਾਨ ਦਿੱਲੀ ਵਿਧਾਨਸਭਾ ਚੋਣਾਂ ਨੂੰ ਲੈ ਕੇ ਕੋਈ ਵਿਚਾਰ ਨਹੀਂ ਹੋਇਆ l ਪਰ ਚੋਣਾਂ ਦੇ ਬਿਲਕੁਲ ਪਹਿਲਾਂ ਸਾਰੇ ਬਾਦਲ ਪਰਿਵਾਰ ਵਿਰੋਧੀਆਂ ਦਾ ਇੱਕ ਮੰਚ ‘ਤੇ ਆਉਣਾ ਅਕਾਲੀਆਂ ਦੇ ਲਈ ਮੁਸ਼ਕਿਲ ਖੜ੍ਹੀਆਂ ਕਰ ਸਕਦਾ ਹੈ l
ਇੱਕ ਮੰਚ ‘ਤੇ ਆਏ ਬਾਦਲ ਪਰਿਵਾਰ ਵਿਰੋਧੀ, ਢੀਂਡਸਾ ਨੇ ਕਿਹਾ ਕਈ ਸਾਬਕਾ ਮੰਤਰੀ ਸਾਡੇ ਸੰਪਰਕ ‘ਚ
