ਲੁਧਿਆਣਾ : ਗਿੱਲ ਰੋਡ ਤੇ ਆਈਆਈਐਫਐਲ ਗੋਲਡ ਲੋਨ ਕੰਪਨੀ ਤੋਂ 30 ਕਿਲੋ ਸੋਨਾ ਦੀ ਲੁੱਟ ਦੇ ਮਾਮਲੇ ਵਿੱਚ ਆਰਗੇਨਾਈਜ਼ਡ ਕ੍ਰਾਈਮ ਕੰਟਰੋਲ ਯੁਨਿਟ ਦੀ ਟੀਮ ਨੇ ਬੁੱਧਵਾਰ ਨੂੰ ਗੈਂਗਸਟਰ ਜੈਪਾਲ ਦੇ ਭਾਈ ਅੰਮ੍ਰਿਤਪਾਲ ਤੋਂ 10 ਕਿਲੋ ਸੋਨਾ ਅਤੇ ਹਥਿਆਰ ਬਰਾਮਦ ਕਰ ਲਏ, ਜਿਹੜੇ ਕਿ ਉਸ ਨੇ ਮੋਹਾਲੀ ਦੇ ਇੱਕ ਘਰ ਵਿੱਚਚ ਲੁਕੋ ਕੇ ਰੱਖੇ ਸਨ।ਫਿਲਹਾਲ ਪੁਲਿਸ ਉਸ ਤੋਂ ਬਾਕੀ ਦੇ ਸੋਨੇ ਦੇ ਬਾਰੇ ਵਿੱਚ ਪਤਾ ਕਰ ਰਹੀ ਹੈ।ਪੁਲਿਸ 6 ਦਿਨ ਦੇ ਰਿਮਾਂਡ ਵਿੱਚ ਕੋਈ ਵੀ ਐਂਗਲ ਛੱਡਣ ਦੇ ਮੂਡ ਵਿੱਚ ਨਹੀਂ ਹੈ।
ਉੱਧਰ, ਪੁਲਿਸ ਨੂੰ ਜੈਪਾਲ ਅਤੇ ਗੁਰਸੇਵ ਦੀ ਲੋਕੇਸ਼ਨ ਦਾ ਵੀ ਪਤਾ ਚੱਲਿਆ ਹੈ, ਜਿਸ ਦੇ ਲਈ ਰੇਡ ਨੂੰ ਪੁਲਿਸ ਪਾਰਟੀ ਕੱਢੀ ਹੋਈ ਹੈ।ਲੁਧਿਆਣਾ ਪੁਲਿਸ ਦੇ ਕੋਲ ਭੇਜੇ ਪ੍ਰਦੀਪ ਅਤੇ ਹਰਪ੍ਰੀਤ ਤੋਂ ਪੁਲਿਸ ਲੋਕਲ ਲਿੰਕ ਲੱਭਣ ਵਿੱਚ ਲੱਗੀ ਹੋਈ ਹੈ।ਜਿਹੜੇ ਪਿਸਤੌਲ ਅਤੇ ਦੋ ਰਾਈਫਲ ਮੁਲਜ਼ਮ ਦੇ ਕਬਜ਼ੇ ‘ਚੋਂ ਮਿਲੇ ਹਨ, ਉਨ੍ਹਾਂ ਨੂ ਪੁਲਿਸ ਚੈਕ ਕਰ ਰਹੀ ਹੈ ਕਿ ਉਹ ਕਿੱਥੇ ਤੋਂ ਮੁਲਜ਼ਮਾਂ ਤੱਕ ਪਹੁੰਚੇ।ਸੂਤਰ ਦੱਸਦੇ ਹਨ ਕਿ ਹਥਿਆਰ ਇੱਕ ਅੱਤਵਾਦੀ ਰਾਹੀਂ ਉਨ੍ਹਾਂ ਕੋਲ ਪਹੁੰਚੇ ਹਨ ਪਰ ਇਸ ਦਾ ਖੁਲਾਸਾ ਹੁਣ ਓਕੂ ਨਹੀਂ ਕਰ ਰਹੀ ਪਰ ਇੰਨਾ ਜ਼ਰੂਰ ਹੈ ਕਿ ਉਕਤ ਮਾਮਲੇ ਵਿੱਚ ਅੱਤਵਾਦੀ ਕਨੈਕਸ਼ਨ ਜ਼ਰੂਰ ਹੈ।ਓਕੂ ਦੇ ਸੂਤਰਾਂ ਨੇ ਉਨ੍ਹਾਂ ਨੂੰ ਜੈਪਾਲ ਅਤੇ ਗੁਰਸੇਵ ਦੀ ਲੋਕੇਸ਼ਨ ਦੇ ਬਾਰੇ ਵਿੱਚ ਦੱਸਿਆ ਹੈ ਜਿਹੜੀ ਕਿ ਫਿਲਹਾਲ ਯੂਪੀ ਦੀ ਦੱਸੀ ਜਾ ਰਹੀ ਹੈ।ਜਿਸ ਦੇ ਬਾਅਦ ਤੋਂ ਟੀਮ ਯੂਪੀ ਵਿੱਚ ਨਜ਼ਰ ਟਿਕਾਈ ਬੈਠੀ ਹੈ ਕਿ ਉਸ ਦਾ ਕੋਈ ਕਲੂ ਮਿਲੇ ਅਤੇ ਦੋਨਾਂ ਨੂੰ ਫੜਿਆ ਜਾ ਸਕੇ ਪਰ ਹੁਣ ਤੱਕ ਦੋਨੋਂ ਗ੍ਰਿਫਤ ਤੋਂ ਬਾਹਰ ਹੈ।
ਸੂਤਰਾਂ ਦੇ ਮੁਤਾਬਿਕ ਅੰਮ੍ਰਿਤਪਾਲ ਨੇ ਪੁਲਿਸ ਨੂੰ ਦੱਸਿਆ ਕਿ ਸੋਨਾ ਲੁੱਟਣ ਦੇ ਬਾਅਦ ਉਨ੍ਹਾਂ ਦੇ ਤਿਨ ਸਾਥੀ ਅਲੱਗ ਹੋ ਗਏ ਸਨ ਅਤੇ ਜੈਪਾਲ ਅਤੇ ਅੰਮ੍ਰਿਤਪਾਲ ਦੋਨੋਂ ਇੱਕਠੇ ਨਿਕਲੇ ਸਨ।ਜਿਨ੍ਹਾਂ ਨੇ ਮੋਗਾ ਦੇ ਬਾਅਦ ਮੁਹਾਲੀ ਵਿੱਚ ਜਾ ਕੇ ਸੋਨਾ ਲੁਕੋਇਆ।ਉਸ ਨੇ ਦੱਸਿਆ ਕਿ ਸਾਰਾ ਸੋਨਾ ਉੱਥੇ ਹੀ ਲੁਕੋਇਆ ਸੀ ਪਰ ਇਹ ਕਿਆਸ ਲਾਏ ਜਾ ਰਹੇ ਹਨ ਕਿ ਜੈਪਾਲ ਦੁਬਾਰਾ ਮੋਹਾਲੀ ਆਇਆ ਅਤੇ ਉੱਥੇ ਤੋਂ 20 ਕਿਲੋ ਸੋਨਾ ਲੈਿ ਗਿਆ ਅਤੇ 10 ਕਿਲੋ ਸੋਨਾ ਉੱਥੇ ਹੀ ਛੱਡ ਗਿਆ।ਪੁਲਿਸ ਨੇ ਉਸ ਘਰ ਦੀ ਪੂਰੀ ਤਰ੍ਹਾਂ ਤਲਾਸ਼ੀ ਲਈ ਪਰ ਕੁਝ ਨਹੀਂ ਮਿਲਿਆ।
ਇਸ ਮਾਮਲੇ ਵਿੱਚ ਆਈਜੀ ਕੁੰਵਰ ਵਿਜੈ ਪ੍ਰਤਾਪ ਸੰਘ ਨੇ ਦੱਸਿਆ ਕਿ ਇਨਵੈਸਟੀਗੇਸ਼ਨ ਦੇ ਦੌਰਾਨ ਹੀ ਅੰਮ੍ਰਿਤਪਾਲ ਨੇ ਉਨ੍ਹਾਂ ਨੂੰ ਲੋਕੇਸ਼ਨ ਦੱਸੀ ਸੀ ਕਿ ਸੋਨਾ ਕਿੱਥੇ ਲੁਕੋਇਆ ਹੋਇਆ ਹੈ।ਜਿਸ ਨੂੰ ਲੱਭਣ ਦੇ ਬਾਅਦ ਰਿਕਵਰੀ ਕਰ ਲਈ ਗਈ।ਫਿਲਹਾਲ ਹੁਣ ਤੱਕ 20 ਕਿਲੋ ਸੋਨਾ ਰਿਕਵਰ ਕਰਨਾ ਬਾਕੀ ਹੈ।ਉਸ ਨੂੰ ਵੀ ਜਲਦੀ ਰਿਕਵਰ ਕਰ ਲਵਾਂਗੇ।
