ਕਰਫ਼ਿਊ ਤੇ ਤਾਲਾਬੰਦੀ ਦੌਰਾਨ ਲੋਕ ਮਰ ਰਹੇ ਨੇ ਭੁੱਖੇ ਤੇ ਆਹ ਲੋਕਾਂ ਦਾ ਹਾਲ ਦੇਖੋ, ਪੁਲਿਸ ਨੇ ਛਾਪਾ ਮਾਰਕੇ ਮੌਕੇ ਤੋਂ ਫੜੀਆਂ,…

ਖੰਨਾ : ਖੰਨਾ ਪੁਲਿਸ ਅਤੇ ਐਕਸਾਈਜ਼ ਵਿਭਾਗ ਦੀ ਟੀਮਾਂ ਨੇ ਰੇਡ ਕਰਕੇ ਖੰਨਾ ਦੇ ਬਾਹੋਮਾਜਰਾ ਵਿੱਚ ਇੱਕ ਗੋਦਾਮ ਵਿੱਚ ਚੱਲ ਰਹੀ ਨਜਾਇਜ਼ ਸ਼ਰਾਬ ਦੀ ਫੈਕਟਰੀ ਦਾ ਭਾਂਡਾ ਭੰਨ ਦਿੱਤਾ ਹੈ l ਪੁਲਿਸ ਅਤੇ ਐਕਸਾਈਜ਼ ਵਿਭਾਗ ਦੀ ਟੀਮਾਂ ਜਦ ਉਕਤ ਗੋਦਾਮ ਵਿੱਚ ਪਹੁੰਚੀ ਤਾਂ ਉਹ ਦੇਖ ਕੇ ਹੈਰਾਨ ਰਹਿ ਗਈ l ਗੋਦਾਮ ਵਿੱਚ ਫਰਸਟ ਚੁਆਇਸ, ਡੋਲਰ, 999 ਸ਼ਰਾਬ ਬੋਤਲਾਂ ਵਿੱਚ ਭਰ ਕੇ ਲੇਬਲ ਲਾਏ ਜਾ ਰਹੇ ਸਨ l ਪੁਲਿਸ ਦੀ ਰੇਡ ਦੇ ਦੌਰਾਨ ਫੈਕਟਰੀ ਵਿੱਚ ਤਿਆਰ ਕੀਤੀ ਹੋਈ 3800 ਲੀਟਰ ਸ਼ਰਾਬ ਬਰਾਮਦ ਹੋਈ ਹੈ l ਪੁਲਿਸ ਨੇ 5 ਲੋਕਾਂ ਨੂੰ ਗਿ੍ਰਫਤਾਰ ਕਰ ਲਿਆ ਹੈ, ਜਿਨ੍ਹਾਂ ਵਿੱਚੋਂ 2 ਲੋਕ ਫੈਕਟਰੀ ਦੇ ਅਤੇ 3 ਲੋਕ ਫੈਕਟਰੀ ਵਿੱਚ ਸ਼ਰਾਬ ਦੀ ਖੇਪ ਲੈਣ ਆਏ ਸਨ l
ਇਸ ਮਾਮਲੇ ਵਿੱਚ ਐਸਐਸਪੀ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਪੁਲਿਸ ਦੇ ਕੋਲ ਸੂਚਨਾ ਆਈ ਸੀ ਕਿ ਖੰਨਾ ਦੇ ਪਿੰਡ ਬਾਹੋਮਾਜਰਾ ਵਿੱਚ ਇੱਕ ਗੋਦਾਮ ਵਿੱਚ ਨਜਾਇਜ਼ ਸ਼ਰਾਬ ਦੀ ਫੈਕਟਰੀ ਚੱਲ ਰਹੀ ਹੈ l ਪੁਲਿਸ ਨੇ ਐਕਸਾਈਜ਼ ਵਿਭਾਗ ਦੇ ਏਈਟੀਸੀ ਨੂੰ ਨਾਲ ਲੈ ਕੇ ਗੋਦਾਮ ਵਿੱਚ ਰੇਡ ਕਰ ਇਸ ਦਾ ਖੁਲਾਸਾ ਕੀਤਾ ਹੈ l ਐਸਐਸਪੀ ਨੇ ਦੱਸਿਆ ਕਿ ਫੈਕਟਰੀ ਵਿੱਚ ਜਦ ਟੀਮਾਂ ਪਹੁੰਚੀ ਤਾਂ ਉਸ ਵਿੱਚ ਕੰਮ ਚੱਲ ਰਿਹਾ ਸੀ l ਰੇਡ ਦੇ ਦੋਰਾਨ ਕੁੱਲ 3800 ਲੀਟਰ ਨਜਾਇਜ਼ ਸ਼ਰਾਬ ਫੜੀ ਗਈ ਹੈ l ਪੁਲਿਸ ਜਾਂਚ ਕਰ ਰਹੀ ਹੈ, ਹਲੇ 5 ਲੋਕਾਂ ਨੂੰ ਗਿ੍ਰਫਤਾਰ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚੋਂ 3 ਲੋਕ ਸ਼ਰਾਬ ਲੈਣ ਆਏ ਸਨ l ਉੱਥੇ ਹੀ 2 ਲੋਕ ਫੈਕਟਰੀ ਦੇ ਹੀ ਹਨ l ਐਸਐਸਪੀ ਨੇ ਕਿਹਾ ਕਿ ਪਿਛਲੇ ਤਿੰਨ ਚਾਰ ਮਹੀਨੇ ਤੋਂ ਫੈਕਟਰੀ ਚੱਲ ਰਹੀ ਸੀ, ਜਿਸ ਵਿੱਚ ਪਹਿਲਾਂ 400 ਦੇ ਕਰੀਬ ਨਜਾਇਜ਼ ਸ਼ਰਾਬ ਬਣਦੀ ਸੀ l ਹੁਣ ਰੋਜ਼ਾਨਾ 1000 ਪੇਟੀ ਸ਼ਰਾਬ ਬਣਾਈ ਜਾ ਰਹੀ ਸੀ l
ਐਕਸਾਈਜ਼ ਵਿਭਾਗ ਦੇ ਏਈਟੀਸੀ ਨੇ ਦੱਸਿਆ ਕਿ ਪੁਲਿਸ ਦੀ ਸੂਚਨਾ ਤੇ ਸੰਯੁਕਤ ਰੂਪ ਨਾਲ ਰੇਡ ਕੀਤੀ ਗਈ ਤਾਂ ਨਜਾਇਜ਼ ਸ਼ਰਾਬ ਦੀ ਫੈਕਟਰੀ ਦਾ ਭਾਂਡਾ ਭੰਨ ਹੋਇਆ l ਫੈਕਟਰੀ ਵਿੱਚ ਵੱਡੀ ਸੰਖਿਆ ਵਿੱਚ ਨਜਾਇਜ਼ ਸ਼ਰਾਬ ਦੀ ਪੇਟੀਆਂ ਮਿਲੀਆਂ ਹਨ l ਜਿਨ੍ਹਾਂ ਵਿੱਚ ਰਾਣਾ ਸ਼ੂਗਰ ਦੀ ਫਸਟ ਚੁਆਇਸ, 999ਵਿਸਕੀ, ਡਾਲਰ ਰਮ ਦੇ ਲੇਬਲ ਲਾਏ ਜਾ ਰਹੇ ਸਨ l ਫੈਕਟਰੀ ਵਿੱਚ ਕੱਚਾ ਮਾਲ ਪਿਆ ਸੀ, ਜਿਸ ਤੋਂ ਨਜਾਇਜ਼ ਸ਼ਰਾਬ ਬਣਾਈ ਜਾ ਰਹੀ ਸੀ l ਯੋਜਨਾਬੱਧ ਤਰੀਕੇ ਨਾਲ ਨਜਾਇਜ਼ ਸ਼ਰਾਬ ਦੀ ਫੈਕਟਰੀ ਚਲਾਈ ਜਾ ਰਹੀ ਸੀ l ਜਿਸ ਨਾਲ ਇੱਕ ਪਾਸੇ ਸਰਕਾਰ ਨੂੰ ਚੂਨਾ ਲਾਇਆ ਜਾ ਰਿਹਾ ਸੀ l ਉੱਥੇ ਦੂਜੇ ਪਾਸੇ ਲੋਕਾਂ ਦੀ ਸਿਹਤ ਨਾਲ ਵੀ ਖਿਲਵਾੜ ਕੀਤਾ ਜਾ ਰਿਹਾ ਸੀ l