ਪੈਟਰੋਲ ਦੀ ਕੈਨੀ ਤੇ ਮਾਚਿਸ ਸਣੇ ਟੈਂਕੀ ਤੇ ਜਾ ਚੜ੍ਹਿਆ ਨੌਜਵਾਨ; ਸਰਪੰਚ ਤੇ ਲਾਏ ਵੱਡੇ ਦੋਸ਼

ਮਾਮਲਾ ਹੈ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਪਿੰਡ ਕੋਹਾਲੀ ਦਾ, ਜਿੱਥੇ 25 ਸਾਲ ਦਾ ਨੌਜਵਾਨ ਜਸਬੀਰ ਸਿੰਘ ਆਪਣੇ ਪਰਿਵਾਰ ਨਾਲ ਰਹਿੰਦਾ ਹੈ | ਘਰ ਵਿਚ ਬੇਤਹਾਸ਼ਾ ਗਰੀਬੀ ਹੋਣ ਦੇ ਚਲਦਿਆਂ ਪਰਿਵਾਰ ਬੜੀ ਮੁਸ਼ਕਲ ਨਾਲ ਡੰਗ ਸਾਰਦਾ ਹੈ, ਖੈਰ ਕਿਤੋਂ ਵਿਆਜੀ ਫੜ ਤੜ ਕੇ ਮਾਤੜ ਬੰਦੇ ਨੇ ਪੁਰਾਣਾ ਆਟੋ ਰਿਕਸ਼ਾ ਲੈ ਮਿਹਨਤ ਕਰਨੀ ਸ਼ੁਰੂ ਕਰ ਦਿੱਤੀ | ਪਰ ਸਮੱਸਿਆ ਇਹ ਸੀ ਕਿ ਆਟੋ ਬਾਹਰ ਖੜ੍ਹਾ ਕਰਨ ਤੇ ਸ਼ਰਾਰਤੀ ਲੋਕ ਉਸਦੇ ਆਟੋ ਨਾਲ ਭੰਨ ਤੋੜ ਕਰ ਜਾਂਦੇ ਤੇ ਕਦੀ ਪੈਂਚਰ ਕਰ ਜਾਂਦੇ | ਫਿਰ ਇਸ ਗਰੀਬ ਨੇ ਘਰ ਦੇ ਨਾਲ ਪਈ ਖਾਲੀ ਥਾਂ ਤੇ ਇਸਨੇ ਵਿਆਜੀ ਪੈਸੇ ਫੜ ਓਥੇ ਗੇਟ ਲਗਵਾ ਲਿਆ ਤਾਂਜੋ ਆਪਣਾ ਆਟੋ ਅੰਦਰ ਹਿਫਾਜ਼ਤ ਨਾਲ ਖੜਾ ਕਰ ਸਕੇ | ਪਰ ਪੀੜਤ ਮੁਤਾਬਿਕ ਪਿੰਡ ਦੇ ਸਰਪੰਚ ਲਖਬੀਰ ਸਿੰਘ ਨੇ ਥਾਣੇ ਸ਼ਿਕਾਇਤ ਦੇ ਉਸਨੂੰ ਇਹ ਕਹਿ ਕੇ ਫੜਵਾ ਦਿੱਤਾ ਕਿ ਉਹ ਪੰਚਾਇਤੀ ਜ਼ਮੀਨ ਤੇ ਨਾਜਾਇਜ਼ ਗੇਟ ਲਗਵਾ ਰਿਹਾ ਹੈ |