ਅੱਧੀ ਰਾਤ ਝਟਕਈ ਨੌਜਵਾਨ ਨਾਲ ਹੀ ਹੋ ਗਿਆ ਕਾਰਾ

ਇਹ ਮਾਮਲਾ ਹੈ ਜਲੰਧਰ ਦੇ ਥਾਣਾ ਰਾਮਾਮੰਡੀ ਦੇ ਅਧੀਨ ਪੈਂਦੇ ਬਸ਼ੀਰਪੁਰਾ ਇਲਾਕੇ ਦਾ, ਜਿੱਥੇ ਦਾ ਰਹਿਣ ਵਾਲਾ ਸਾਹਿਲ ਅਖਤਰ ਮੀਟ ਦੀ ਦੁਕਾਨ ਕਰਦਾ ਹੈ | ਬੀਤੇ ਦਿਨੀ ਉਸਦੀ ਦੁਕਾਨ ‘ਤੇ ਦੋ ਨੌਜਵਾਨ ਆਏ ਅਤੇ ਉਸ ਕੋਲੋਂ ਮੁਰਗੇ ਦਾ ਮੀਤ ਮੰਗਿਆ | ਫੇਰ ਮੀਤ ਲੈਣ ਤੋਂ ਬਾਅਦ ਪੈਸੇ ਦੇ ਲੈਣ ਦੇਣ ਨੂੰ ਲੈ ਕੇ ਸਾਹਿਲ ਨਾਲ ਖਹਿਬੜ ਪਏ | ਖੈਰ ਉਸ ਵੇਲੇ ਮਾਮਲਾ ਸ਼ਾਂਤ ਹੋ ਗਿਆ ਪਰ ਦੋਵੇਂ ਜਾਣੇ ਸਾਹਿਲ ਨੂੰ ਬਾਅਦ ‘ਚ ਦੇਖ ਲੈਣ ਦੀ ਧਮਕੀ ਦੇ ਕੇ ਚਲੇ ਗਏ |
ਫੇਰ ਰਾਤ ਵੇਲੇ ਜਦ ਸਾਹਿਲ ਆਪਣੇ ਘਰ ਦੇ ਬਾਹਰ ਗਲੀ ‘ਚ ਖੜ੍ਹਾ ਸੀ ਤਾਂ ਸਾਹਿਲ ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਸਾਹਿਲ ਦੇ ਮੁਤਾਬਿਕ ਉਸਦੀ ਜ਼ੇਬ ‘ਚੋਣ ਦੱਸ ਹਜ਼ਾਰ ਰੁਪਏ ਦੀ ਨਕਦੀ ਅਤੇ ਮੋਬਾਈਲ ਫੋਨ ਖੋਹ ਕੇ ਫ਼ਰਾਰ ਹੋ ਗਏ ਅਤੇ ਨਾਲ ਹੀ ਇਹ ਵੀ ਧਮਕੀ ਦੇ ਗਏ ਕਿ ਜੇ ਪੁਲਿਸ ਨੂੰ ਦੱਸਿਆ ਤਾਂ ਅੰਜ਼ਾਮ ਹੋਰ ਵੀ ਮਾੜਾ ਹੋਵੇਗਾ |