ਸ੍ਰੀ ਹਰਿਮੰਦਰ ਸਾਹਿਬ ‘ਚ ਮਾਪੇ ਛੱਡ ਗਏ 7 ਸਾਲਾ ਬੱਚਾ
ਸੀਸੀਟੀਵੀ ‘ਚ ਕੈਦ ਹੋਈ ਘਟਨਾ ਦੀ ਵੀਡੀਓ
ਬੱਚੇ ਦੇ ਮਾਤਾ ਪਿਤਾ ਨੇ ਦਰਬਾਰ ਸਾਹਿਬ ਵਿੱਚ ਨਹੀਂ ਟੇਕਿਆ ਮੱਥਾ
ਬੱਚੇ ਨੂੰ ਲਵਾਰਿਸ ਹਾਲਤ ਵਿੱਚ ਛੱਡ ਕੇ ਹੋਏ ਫਰਾਰ
ਅੰਮ੍ਰਿਤਸਰ ਦੇ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਇੱਕ ਮਾਨਵਤਾ ਨੂੰ ਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਲਗਭਗ 7 ਸਾਲ ਦੇ ਇੱਕ ਬੱਚੇ ਨੂੰ ਉਸਦੇ ਮਾਪੇ ਪਰਿਕਰਮਾ ‘ਚ ਲਾਵਾਰਿਸ ਛੱਡ ਗਏ। ਸੀਸੀਟੀਵੀ ਫੁਟੇਜ ਵਿੱਚ ਸਾਫ ਦਿਖਾਇਆ ਗਿਆ ਕਿ ਮਾਪੇ ਬਿਨਾਂ ਮੱਥਾ ਟੇਕਿਆਂ ਤੇ ਬਿਨਾਂ ਰੁਕੇ ਬੱਚੇ ਨੂੰ ਛੱਡ ਕੇ ਦਰਬਾਰ ਸਾਹਿਬ ਤੋਂ ਬਾਹਰ ਨਿਕਲ ਗਏ। ਮਾਸੂਮ ਨੂੰ ਪ੍ਰਬੰਧਕਾਂ ਨੇ ਗਲਿਆਰੇ ‘ਚ ਮਿਲ ਕੇ ਚੌਂਕੀ ਦੇ ਹਵਾਲੇ ਕੀਤਾ ਅਤੇ ਫਿਰ ਪਿੰਗਲਵਾੜਾ ਭੇਜ ਦਿੱਤਾ ਗਿਆ।
ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਅੰਮ੍ਰਿਤਸਰ ਵਿੱਚ ਮਾਪਿਆਂ ਵੱਲੋਂ ਆਪਣੇ ਹੀ ਬੱਚੇ ਨੂੰ ਛੱਡ ਜਾਣ ਦੀ ਦਿਲ ਦਹਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਮਾਮਲਾ ਉਸ ਵੇਲੇ ਸਾਹਮਣੇ ਆਇਆ ਜਦੋਂ ਸੁਰੱਖਿਆ ਕਰਮਚਾਰੀਆਂ ਨੇ ਪਰਿਕਰਮਾ ਗਲਿਆਰੇ ‘ਚ ਇੱਕ ਲਾਵਾਰਿਸ ਬੱਚਾ ਵੇਖਿਆ। ਬੱਚਾ ਲਗਭਗ 7 ਸਾਲ ਦਾ ਦਿਸ ਰਿਹਾ ਸੀ, ਜੋ ਰੋ ਰਿਹਾ ਸੀ। ਦਰਬਾਰ ਸਾਹਿਬ ਦੇ ਪ੍ਰਬੰਧਕਾਂ ਨੇ ਤੁਰੰਤ ਗਲਿਆਰਾ ਚੌਂਕੀ ਦੇ ਸਹਿਯੋਗ ਨਾਲ ਬੱਚੇ ਦੀ ਸੰਭਾਲ ਕੀਤੀ। ਬਾਅਦ ਵਿੱਚ ਜਦੋਂ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਗਈ, ਤਾਂ ਦਿੱਖ ਪਈ ਕਿ ਇੱਕ ਪਰਿਵਾਰ ਬੱਚੇ ਨੂੰ ਲੈ ਕੇ ਅੰਦਰ ਆਇਆ ਤੇ ਸਿਰਫ 12 ਮਿੰਟ ਵਿੱਚ ਹੀ ਬਿਨਾਂ ਪਰਿਕਰਮਾ ਕੀਤਿਆਂ ਤੇ ਮੱਥਾ ਟੇਕਿਆਂ, ਉਨ੍ਹਾਂ ਨੇ ਬੱਚੇ ਨੂੰ ਛੱਡ ਕੇ ਬਾਹਰ ਰਵਾਨਾ ਹੋ ਗਏ। ਇਹ ਤਸਵੀਰਾਂ ਸਾਫ਼ ਦਿਖਾਉਂਦੀਆਂ ਹਨ ਕਿ ਮਾਪਿਆਂ ਦਾ ਮਨਸੂਬਾ ਪਹਿਲੋਂ ਤੋਂ ਬਣਾਇਆ ਹੋਇਆ ਸੀ। ਸੁਨੇਹਰੀ ਇਤਿਹਾਸ ਵਾਲੇ ਇਤਨੇ ਪਵਿੱਤਰ ਸਥਾਨ ‘ਚ ਮਾਪਿਆਂ ਵੱਲੋਂ ਮਾਸੂਮ ਨੂੰ ਛੱਡ ਜਾਣਾ ਨਿਸ਼ਠਾਹੀਨਤਾ ਦੀ ਇਨਤਹਾ ਹੈ। ਦਰਬਾਰ ਸਾਹਿਬ ਦੇ ਜਿੰਮੇਵਾਰਾਂ ਨੇ ਬੱਚੇ ਨੂੰ ਤੁਰੰਤ ਅੰਮ੍ਰਿਤਸਰ ਦੇ ਪਿੰਗਲਵਾੜਾ ਭੇਜ ਦਿੱਤਾ, ਜੋ ਬੇਸਹਾਰਿਆਂ ਲਈ ਨਜ਼ੀਰ ਹੈ।,,,,,,ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ‘ਤੇ ਕਲਿੱਕ ਕਰੋ……..
