ਧੱਕੇਸ਼ਾਹੀ ਦੇ ਸ਼ਿਕਾਰ ਪਰਿਵਾਰ ਦੇ ਹੱਕ ਵਿੱਚ ਆਏ ਹੋਰ ਲੋਕ
ਇਨਸਾਫ ਨਾ ਮਿਲਣ ਤੇ ਸੰਘਰਸ਼ ਦੀ ਦਿੱਤੀ ਚੇਤਾਵਨੀ
ਬੇਕਰ ਹੋਏ ਪਰਿਵਾਰ ਦੇ ਸਮਾਨ ਦੇ ਕੋਲ ਲਗਾਏ ਗਏ ਕੂੜੇ ਦੇ ਢੇਰ
ਲੁਧਿਆਣਾ ਦੇ ਘੁਮਾਰ ਮੰਡੀ ਇਲਾਕੇ ਵਿੱਚ ਜ਼ਬਰਦਸਤੀ ਇੱਕ ਪਰਿਵਾਰ ਦਾ ਘਰ ਤੋੜਨ ਅਤੇ ਸਮਾਨ ਬਾਹਰ ਸੜਕ ਤੇ ਸੁੱਟਣ ਦਾ ਮਾਮਲਾ ਭਖਦਾ ਜਾ ਰਿਹਾ ਹੈ। ਹਾਲਾਤ ਇੰਨੇ ਮਾੜੇ ਹੋ ਗਏ ਹਨ ਕਿ ਬੇਘਰ ਹੋਏ ਪਰਿਵਾਰ ਦੇ ਸੜਕ ਉੱਪਰ ਪਏ ਸਮਾਨ ਦੇ ਕੋਲ ਹੁਣ ਕੂੜ ਦੇ ਢੇਰ ਵੀ ਲਗਾ ਦਿੱਤੇ ਗਏ ਹਨ।
ਅੱਜ ਪੰਜਾਬ ਭਾਜਪਾ ਦੇ ਖਜਾਨਚੀ ਗੁਰਦੇਵ ਸ਼ਰਮਾ ਦੇਬੀ, ਸੀਨੀਅਰ ਆਗੂ ਗੁਰਦੀਪ ਸਿੰਘ ਗੋਸ਼ਾ, ਗੁਰਮੇਲ ਮੈਡੀਕਲ ਸਟੋਰ ਦੇ ਹਨੀ ਅਤੇ ਇਲਾਕੇ ਦੇ ਲੋਕਾਂ ਵੱਲੋਂ ਪੀੜਿਤ ਪਰਿਵਾਰ ਦੇ ਨਾਲ ਪ੍ਰੈਸ ਕਾਨਫਰੰਸ ਕਰਕੇ ਇਨਸਾਫ ਦੀ ਮੰਗ ਕੀਤੀ ਗਈ।
ਜਿਨਾਂ ਦਾ ਕਹਿਣਾ ਸੀ ਕਿ ਘਟਨਾ ਨੂੰ ਵਾਪਰੇ ਚਾਰ ਦਿਨ ਹੋਣ ਤੇ ਆ ਗਏ ਹਨ, ਲੇਕਿਨ ਹਾਲੇ ਤੱਕ ਪ੍ਰਸ਼ਾਸਨ ਦੇ ਕੰਨ ਤੇ ਜੂੰ ਤੱਕ ਨਹੀਂ ਰੇਂਗ ਰਹੀ। ਬਾਵਜੂਦ ਇਸਦੇ ਕੀ ਰੇਲਵੇ ਵੱਲੋਂ ਓਮੈਕਸ ਨੂੰ ਜਮੀਨ ਤੇ ਦਿੱਤੀ ਗਈ ਸੀ ਅਤੇ ਪੀੜਿਤ ਪਰਿਵਾਰ ਕਰੀਬ 60 ਸਾਲਾਂ ਤੋਂ ਇੱਥੇ ਰਹਿ ਰਿਹਾ ਸੀ ਤੇ ਮਾਮਲਾ ਹੁਣ ਕੋਰਟ ਵਿੱਚ ਚੱਲ ਰਿਹਾ ਹੈ, ਪਰਿਵਾਰ ਨਾਲ ਇਨੇ ਵੱਡੇ ਪੱਧਰ ਤੇ ਧੱਕੇਸ਼ਾਹੀ ਕੀਤੀ ਗਈ। ਉਹਨਾਂ ਨੇ ਕਿਹਾ ਕਿ ਘਟਨਾ ਤੋਂ ਬਾਅਦ ਡਿਪਟੀ ਕਮਿਸ਼ਨਰ ਲੁਧਿਆਣਾ ਨੂੰ ਵੀ ਕਈ ਵਾਰ ਜਾਣਕਾਰੀ ਦਿੱਤੀ ਗਈ ਹੈ ਲੇਕਿਨ ਹਾਲੇ ਤੱਕ ਕਾਰਵਾਈ ਨਹੀਂ ਹੋਈ। ਉਹਨਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇਕਰ ਮਾਮਲੇ ਵਿੱਚ ਐਕਸ਼ਨ ਨਾ ਹੋਇਆ ਤਾਂ ਉਹ ਅਗਲਾ ਸੰਘਰਸ ਐਲਾਨਣ ਵਾਸਤੇ ਮਜਬੂਰ ਹੋਣਗੇ। ,,,,,,ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ‘ਤੇ ਕਲਿੱਕ ਕਰੋ……..
