ਪਠਾਨਕੋਟ : ਗੁਰੂ ਨਾਨਕ ਪਾਰਕ ਵਿੱਚ ਸ਼ੁੱਕਰਵਾਰ ਦੀ ਸਵੇਰ ਪੀਸੀਆਰ ਵਿੱਚ ਤੈਨਾਤ ਏਐਸਆਈ ਦੀ ਏਕੇ 47 ਰਾਈਫਲ ਨਾਲ ਚੱਲੀ ਗੋਲੀ ਨਾਲ ਉਸ ਦੀ ਮੌਤ ਹੋ ਗਈ l ਏਐਸਆਈ ਦੀ ਠੋਢੀ ਦੇ ਨੀਚੇ ਤੋਂ ਚੱਲੀ ਗੋਲੀ, ਸਿਰ ਨੂੰ ਚੀਰਦੇ ਹੋਏ ਛੱਤ ਪਾਰ ਕਰਕੇ ਨਿਕਲ ਗਈ l ਗੋਲੀ ਗਲਤੀ ਨਾਲ ਚੱਲੀ ਜਾਂ ਏਐਸਆਈ ਨੇ ਖੁਦ ਚਲਾਈ, ਇਸ ਦੇ ਬਾਰੇ ਵਿੱਚ ਖੁਲਾਸਾ ਨਹੀਂ ਹੋ ਸਕਿਆ ਹੈ l ਮ੍ਰਿਤਕ ਦੀ ਪਹਿਚਾਣ ਬੈਂਕ ਕਲੋਨੀ ਨਿਵਾਸੀ ਏਐਸਆਈ ਪਰਮਵੀਰ ਸੈਨੀ ਦੇ ਤੌਰ ‘ਤੇ ਹੋਈ ਹੈ l ਪੁਲਿਸ ਅਧਿਕਾਰੀਆਂ ਨੇ ਮੌਕੇ ‘ਤੇ ਪਹੁੰਚ ਕੇ ਆਲੇ ਦੁਆਲੇ ਦੇ ਲੋਕਾਂ ਤੋਂ ਜਾਣਕਾਰੀ ਹਾਸਿਲ ਕੀਤੀ l
ਘਟਨਾ ਸ਼ੁੱਕਰਵਾਰ ਸਵੇਰੇ ਸਾਢੇ 11 ਦੇ ਕਰੀਬ ਦੀ ਹੈ l ਮਾਡਲ ਟਾਊਨ ਸਥਿਤ ਗੁਰੂ ਨਾਨਕ ਪਾਰਕ ਵਿੱਚ ਗੋਲੀ ਚੱਲਣ ਦੀ ਆਵਾਜ਼ ਨਾਲ ਭੱਜ ਦੌੜ ਮੱਚ ਗਈ l ਆਲੇ ਦੁਆਲੇ ਦੇ ਦੁਕਾਨਦਾਰ ਅਤੇ ਮੁਹੱਲੇ ਦੇ ਲੋਕ ਡਰਦੇ ਡਰਦੇ ਪਾਰਕ ਪਹੁੰਚੇ l ਪਾਰਕ ਵਿੱਚ ਸੈਰ ਕਰਨ ਵਾਲਿਆਂ ਦੇ ਲਈ ਬਣਾਈ ਅਰਾਮ ਕਰਨ ਵਲੀ ਜਗ੍ਹਾ ‘ਤੇ ਏਐਸਆਈ ਦੀ ਖੂਨ ਨਾਲ ਲਿਬਡੀ ਲਾਸ਼ ਪਈ ਸੀ l ਕੋਲ ਹੀ ਉਸ ਦੀ ਏਕੇ 47 ਰਾਈਫਲ ਗਿਰੀ ਪਈ ਸੀ l ਏਐਸਆਈ ਦੇ ਨਾਲ ਪੰਜਾਬ ਦਾ ਹੋਮਗਾਰਡ ਜਵਾਨ ਕੇਵਲ ਕ੍ਰਿਸ਼ਨ ਵੀ ਸੀ l ਸਹਿਕਰਮੀ ਅਤੇ ਲੋਕਾਂ ਨੇ ਥਾਣਾ ਨੰਬਰ ਦੋ ਦੀ ਪੁਲਿਸ ਨੂੰ ਇਸ ਬਾਰੇ ਸੂਚਿਤ ਕੀਤਾ l ਗੋਲੀ ਕਿਵੇਂ ਚੱਲੀ ਅਤੇ ਕਿਸੇ ਨੇ ਚਲਾਈ, ਇਸ ਦੇ ਬਾਰੇ ਕੋਈ ਨਹੀਂ ਦੱਸਿਆ l ਸੂਚਨਾ ਪਾ ਕੇ ਮੌਕੇ ‘ਤੇ ਐਸਪੀ ਪੀਐਸ ਵਿਰਕ, ਐਸਐਚਓ ਦਵਿੰਦਰ ਪ੍ਰਕਾਸ਼ ਸਮੇਤ ਹੋਰ ਅਧਿਕਾਰੀ ਪਹੁੰਚੇ ਅਤੇ ਆਲੇ ਦੁਆਲੇ ਦੇ ਲੋਕਾਂ ਨਾਲ ਪੁੱਛਗਿਛ ਕੀਤੀ l ਇਸ ਦੇ ਇਲਾਵਾ ਉਸ ਦੇ ਨਾਲ ਡਿਊਟੀ ਦੇ ਰਹੇ ਹੋਮਗਾਰਡ ਜਵਾਨ ਦੇ ਬਿਆਨ ਵੀ ਦਰਜ ਕੀਤੇ l ਹੋਮਗਾਰਡ ਕੇਵਲ ਕਿਸ਼ਨ ਦਾ ਕਹਿਣਾ ਹੈ ਕਿ ਉਹ ਗਸ਼ਤ ‘ਤੇ ਸੀ l ਏਐਸਆਈ ਪਰਮਵੀਰ ਸੈਨੀ ਅਤੇ ਉਸ ਨੇ ਚਾਹ ਪੀ ਅਤੇ ਪਾਰਕ ਵਿੱਚ ਆ ਗਏ l ਥੋੜੀ ਦੇਰ ਬਾਅਦ ਉਹ ਉੱਠ ਕੇ ਟਹਿਲਣ ਚਲਾ ਗਿਆ ਤਾਂ ਉਸੀ ਸਮੇਂ ਫਾਇਰ ਦੀ ਆਵਾਜ਼ ਸੁਣੀ l ਉਸ ਨੇ ਮੁੜ ਕੇ ਦੇਖਿਆ ਤਾਂ ਏਐਸਆਈ ਖੂਨ ਨਾਂਲ ਲਿਬੜਿਆ ਪਿਆ ਸੀ l ਹੋਮਗਾਰਡ ਜਵਾਨ ਨੇ ਦੱਸਿਆ ਕਿ ਏਐਸਆਈ ਨੇ ਉਸ ਤੋਂ ਕੋਈ ਅਜਿੀ ਗੱਲ ਨਹੀਂ ਕੀਤੀ, ਜਿਸ ਨਾਲ ਕਿ ਉਹ ਪਰੇਸ਼ਾਨ ਲੱਗ ਰਿਹਾ ਹੋਵੇ l
ਏਕੇ 47 ਨਾਲ ਚੱਲੀ ਗੋਲੀ, ਏਐਸਆਈ ਦੀ ਮੌਤ
