ਨਸ਼ੇ ਦੀ ਓਵਰਡੋਜ਼ ਨਾਲ ਹੋਈ ਜਗਰਾਓਂ ਦੇ ਨੌਜਵਾਨ ਦੀ ਮੌਤ

ਜਗਰਾਓਂ : ਮੈਰਿਜ ਪੈਲੇਸ ਵਿੱਚ ਕੰਮ ਕਰਨ ਵਾਲੇ ਇੱਕ ਨੌਜਵਾਨ ਨੇ ਨਸ਼ੇ ਦਾ ਟੀਕਾ ਲਾਇਆ, ਜਿਸਦੀ ਓਵਰਡੋਜ਼ ਨਾਲ ਮੌਤ ਹੋ ਗਈ l ਮ੍ਰਿਤਕ ਦੀ ਪਹਿਚਾਣ ਹਰਦੀਪ ਸਿੰਘ ਦੇ ਰੂਪ ਵਿੱਚ ਹੋਈ ਹੈ l ਮ੍ਰਿਤਕ ਦੀ ਮਾਂ ਕੁਲਵਿੰਦਰ ਕੌਰ ਨੇ ਦੱਸਿਆ ਕਿ ਉਸ ਦਾ ਮੁੰਡਾ ਪਹਿਲਾਂ ਨਸ਼ਾ ਨਹੀਂ ਕਰਦਾ ਸੀ l ਉਹ ਪੈਲੇਸ ਵਿੱਚ ਕੰਮ ਕਰ ਘਰ ਦਾ ਖਰਚਾ ਚਲਾਉਂਦਾ ਸੀ l ਨਸ਼ੇ ਦੀ ਪੂਰਤੀ ਦੇ ਲਈ ਘਰ ਦਾ ਸਮਾਨ ਵੀ ਵੇਚਣ ਲੱਗ ਗਿਆ ਸੀ l ਮਾਂ ਨੇ ਦੱਸਿਆ ਕਿ ਜਦ ਕੋਈ ਉਸ ਨੂੰ ਕੰਮ ‘ਤੇ ਲੈ ਕੇ ਜਾਂਦਾ ਤਾਂ ਉਹ ਉਸ ਨੂੰ ਪੈਸੇ ਨਹੀਂ ਨਸ਼ਾ ਕਰਨ ਲਈ ਟੀਕਾ ਦੇ ਦਿੰਦੇ ਸਨ l ਮੁੰਡੇ ਦੇ ਇਲਾਜ ਲਈ ਘਰ ਅਤੇ ਗਹਿਣੇ ਗਿਰਵੀ ਵੀ ਰੱਖੇ ਹੋਏ ਸਨ l ਬੁੱਢੇ ਪਿਤਾ ਨੇ ਜਦੋਂ ਆਪਣੇ ਮੋਢਿਆਂ ‘ਤੇ ਇੱਕਲੌਤੇ ਮੁੰਡੇ ਦੀ ਅਰਥੀ ਰੱਖੀ ਤਾਂ ਉਸ ਦੇ ਹੱਥ ਪੈਰ ਕੰਬ ਰਹੇ ਸਨ l ਮ੍ਰਿਤਕ ਦੇ ਪਿਤਾ ਨੇ ਦੱਸਿਆ ਕਿ ਹਰਦੀਪ ਚਾਰ ਕੁੜੀਆਂ ਦਾ ਬਾਪ ਸੀ l