ਐਸਜੀਪੀਸੀ ਦੇ ਪ੍ਰਧਾਨ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ ਨੇ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਦੇ 328 ਪਾਵਨ ਸਰੂਪ ਗਾਇਬ ਹੋਣ ਦੇ ਮਾਮਲੇ ‘ਚ ਕਿਹਾ ਹੈ ਕਿ ਨਾ ਤਾਂ ਕੋਈ ਸਰੂਪ ਗਾਇਬ ਹੋਇਆ ਅਤੇ ਨਾ ਹੀ ਕੋਈ ਬੇਅਦਬੀ ਹੋਈ। ਐਸਜੀਪੀਸੀ ਦੀ ਅੰਤਰਿਮ ਕਮੇਟੀ ਦੀ ਮੀਟਿੰਗ ਤੋਂ ਬਾਅਦ ਸ਼ਨੀਵਾਰ ਨੂੰ ਜਾਂਚ ਨਾਲ ਜੁੜੀ 10 ਪੇਜ਼ ਦੀ ਸੰਖੇਪ ਰਿਪੋਰਟ ਐਸਜੀਪੀਸੀ ਦੀ ਵੈੱਬਸਾਈਟ ‘ਤੇ ਵੀ ਅਪਲੋਡ ਕਰ ਦਿੱਤੀ ਗਈ ਹੈ।
ਬੈਠਕ ‘ਚ ਐੱਸਜੀਪੀਸੀ ਦਾ ਸਲਾਨਾ ਬਜਟ ਇਜਲਾਸ 28 ਸਤੰਬਰ ਨੂੰ ਬੁਲਾਉਣ ਦਾ ਫੈਸਲਾ ਵੀ ਲਿਆ ਗਿਆ। ਇਸ ਮੌਕੇ ਲੌਂਗੋਵਾਲ ਨੇ ਕਿਹਾ, ਕੁਝ ਮੁਲਜ਼ਾਮਾਂ ਦੇ ਕਾਰਨ ਐਸਜੀਪੀਸੀ ਨੂੰ ਮੁਸ਼ਕਿਲ ਹਲਾਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕੁਝ ਮੁਲਜ਼ਾਮਾਂ ਵੱਲੋਂ ਗੈਰਜ਼ਿਮੇਦਾਰਾ ਡਿਊਟੀ ਨਿਭਾਉਣ ਅਤੇ ਪਾਵਨ ਸਰੂਪਾਂ ਦੇ ਮਾਮਲੇ ‘ਚ ਸੰਗਤ ਦੇ ਮਨ ਨੂੰ ਠੇਸ ਪੁਹੰਚੀ। ਇਸ ਲਈ ਉਹ ਸਾਰੀ ਗੁਰ ਨਾਨਕ ਨਾਮਲੇਵਾ ਸੰਗਤ ਤੋਂ ਵਿਅਕਤੀਗਤ ਤੌਰ ‘ਤੇ ਮਾਫੀ ਮੰਗਦੇ ਹਨ।
