ਰੈਗਿੰਗ ਕਰਨਾ ਕਾਨੂੰਨਨ ਅਪਰਾਧ
ਸਜ਼ਾ ਦੇ ਨਾਲ ਜੁਰਮਾਨੇ ਦੀ ਵੀ ਤਜਵੀਜ਼
ਜਾਣੋ ਪ੍ਰੋਫੈਸਰ ਤੋ ਇਹ ਖਾਸ ਗੱਲਾਂ
ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਦੇ ਵਿੱਚ ਰੈਗਿੰਗ ਇੱਕ ਆਮ ਜਿਹੀ ਗੱਲ ਹੈ ਪਰ ਹੁਣ ਯੂਜੀਸੀ ਵੱਲੋਂ ਇਸ ਤੇ ਸਖਤੀ ਵਿਖਾਈ ਜਾ ਰਹੀ ਹੈ। ਰੈਗਿੰਗ ਕਰਨਾ ਕਾਨੂੰਨਨ ਅਪਰਾਧ ਹੈ ਅਤੇ ਸਾਲ 2022 ਦੇ ਵਿੱਚ ਸੁਪਰੀਮ ਕੋਰਟ ਦੇ ਸਖਤ ਨਿਰਦੇਸ਼ਾਂ ਤੋਂ ਬਾਅਦ ਯੂਜੀਸੀ ਦੇ ਨਿਯਮਾਂ ਨੂੰ ਸਖਤੀ ਦੇ ਨਾਲ ਲਾਗੂ ਕਰਨਾ ਲਾਜ਼ਮੀ ਬਣਾ ਦਿੱਤਾ ਗਿਆ ਹੈ। ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਦੇ ਵਿੱਚ ਐਂਟੀ ਰੈਗਿੰਗ ਕਮੇਟੀ ਦੇ ਕਨਵੀਨਰ ਡਾਕਟਰ ਵੀਪੀ ਸੇਠੀ ਨੇ ਦੱਸਿਆ ਕਿ ਰੈਗਿੰਗ ਇੱਕ ਕਾਨੂੰਨਨ ਅਪਰਾਧ ਹੈ ਅਜਿਹਾ ਕਰਨ ਦੇ ਨਾਲ ਵਿਦਿਆਰਥੀ ਨੂੰ ਸਜ਼ਾ ਦੇ ਨਾਲ ਨਾਲ ਜੁਰਮਾਨਾ ਵੀ ਲੱਗ ਸਕਦਾ ਹੈ ਦੋ ਸਾਲ ਤੱਕ ਦੀ ਸਜ਼ਾ ਇਸ ਦੇ ਨਾਲ 50,000 ਰੁਪਏ ਦਾ ਜੁਰਮਾਨਾ ਅਤੇ ਨਾਲ ਹੀ ਉਸ ਨੂੰ ਮਿਲਣ ਵਾਲੀਆਂ ਯੂਨੀਵਰਸਿਟੀ ਤੋਂ ਸੰਵਿਧਾਨਾਂ ਵੀ ਬੰਦ ਹੋ ਸਕਦੀਆਂ ਨੇ ਜਿਸ ਦੇ ਵਿੱਚ ਵਜ਼ੀਫਾ ਅਤੇ ਸਕਾਲਰਸ਼ਿਪ ਆਦਿ ਸ਼ਾਮਿਲ ਹੈ।
ਡਾਕਟਰ ਵੀਪੀ ਸੇਠੀ ਦੱਸਦੇ ਹਨ ਕਿ ਜੇਕਰ ਕੋਈ ਸੀਨੀਅਰ ਵਿਦਿਆਰਥੀ ਕਿਸੇ ਜੂਨੀਅਰ ਦਾ ਇੰਟਰਵਿਊ ਕਰਦਾ ਹੈ ਉਸ ਤੇ ਦਬਾਅ ਪਾਉਂਦਾ ਹੈ ਤਾਂ ਉਸ ਨੂੰ ਵੀ ਰੈਗਿੰਗ ਦੇ ਵਿੱਚ ਹੀ ਮੰਨਿਆ ਜਾਂਦਾ ਹੈ ਇਸ ਸਬੰਧੀ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਦੇ ਵਿੱਚ ਟੀਮਾਂ ਵੀ ਬਣਾਈਆਂ ਗਈਆਂ ਹਨ ਜੋ ਇਸ ਨੂੰ ਮੋਨੀਟਰ ਕਰਦੀਆਂ ਨੇ ਉਹਨਾਂ ਕਿਹਾ ਕਿ ਸਿਰਫ ਕਾਲਜ ਅਤੇ ਯੂਨੀਵਰਸਿਟੀ ਦੇ ਅੰਦਰ ਹੀ ਨਹੀਂ ਸਗੋਂ ਬਾਹਰ ਵੀ ਸੀਨੀਅਰ ਵੱਲੋਂ ਕਿਸੇ ਵੀ ਜੂਨੀਅਰ ਵਿਦਿਆਰਥੀ ਦੀ ਰੈਗਿੰਗ ਕਰਨਾ ਅਪਰਾਧ ਹੈ। ਇਸ ਸਬੰਧੀ ਯੂਜੀਸੀ ਦੀਆਂ ਸਖਤ ਗਾਈਡਲਾਈਨਜ ਹਨ ਜਿਸ ਨੂੰ ਫਾਲੋ ਕਰਨਾ ਬੇਹਦ ਲਾਜ਼ਮੀ ਹੈ। ਉਹਨਾਂ ਕਿਹਾ ਕਿ ਅਸੀਂ ਨਵੇਂ ਅਤੇ ਪੁਰਾਣੇ ਵਿਦਿਆਰਥੀਆਂ ਦੇ ਨਾਲ ਉਹਨਾਂ ਦੇ ਮਾਪਿਆਂ ਨੂੰ ਵੀ ਸੰਬੰਧੀ ਜਾਗਰੂਕ ਕਰਦੇ ਹਨ।,,,,,,ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ‘ਤੇ ਕਲਿੱਕ ਕਰੋ……..
