ਦਿਲ ਨੂੰ ਝੰਜੋੜ ਕੇ ਰੱਖ ਦੇਣ ਵਾਲਾ ਇਹ ਮਾਮਲਾ ਹੈ ਅੰਮ੍ਰਿਤਸਰ ਦੇ ਹਲਕਾ ਮਜੀਠਾ ਦੇ ਪਿੰਡ ਕੋਟਲਾ ਸੁਲਤਾਨ ਸਿੰਘ ਦਾ, ਜਿੱਥੇ ਮਨੁੱਖਤਾ ਨੂੰ ਸ਼ਰਮਸਾਰ ਕਰਨ ਵਾਲੀ ਇਹ ਘਟਨਾ ਵਾਪਰੀ ਹੈ | ਅਸਲ ‘ਚ ਥਾਣਾ ਮਜੀਠਾ ਦੇ ਅਧੀਨ ਪੈਂਦੇ ਪਿੰਡ ਭੈਣੀ ਲਿੱਧੜ ਦਾ ਰਹਿਣ ਵਾਲਾ ਗੁਰਵੇਲ ਸਿੰਘ ਕੁੱਝ ਦਿਨ ਪਹਿਲਾਂ ਆਪਣੇ ਇੱਕ ਦੋਸਤ ਹਨੀ ਦੇ ਨਾਲ ਉਸਦੇ ਇੱਕ ਮਾਮਲੇ ‘ਚ ਥਾਣਾ ਮਜੀਠਾ ਵਿਖੇ ਦਰਜ਼ ਇੱਕ ਮਾਮਲੇ ਦੀ ਜਾਣਕਾਰੀ ਲੈਣ ਗਿਆ ਸੀ |ਵਾਪਸੀ ਤੇ ਹਨੀ ਨੂੰ ਉਸਦੇ ਪਿੰਡ ਕੋਟਲਾ ਸੁਲਤਾਨ ਸਿੰਘ ਛੱਡ ਗੁਰਵੇਲ ਜਦ ਵਾਪਿਸ ਪਰਤਣ ਲੱਗਾ ਤਾਂ ਰਾਹ ‘ਚ ਪਿੰਡ ਦੇ ਜਿਮੀਦਾਰ ਪਰਿਵਾਰ ਦੇ ਕੁੱਝ ਲੋਕਾਂ ਨੇ ਉਸਨੂੰ ਚੋਰ ਸਮਝ ਕੇ ਇਸ ਲਈ ਘੇਰ ਲਿਆ ਕਿ ਉਹਨਾਂ ਦੇ ਖੇਤਾਂ ‘ਚੋਂ ਤਾਰਾਂ ਚੋਰੀ ਹੁੰਦੀਆਂ ਸਨ | ਫਿਰ ਕੀ ਸੀ ਗੁਰਵੇਲ ਨੂੰ ਸ਼ਰੇਆਮ ਚੌਂਕ ‘ਚ ਖਅੰਬੇ ਨਾਲ ਉਲਟਾ ਲਟਕਾ ਕੇ ਉਸਦਾ ਜੋ ਬੁਰਾ ਹਾਲ ਕੀਤਾ, ਗੁਰਵੇਲ ਸਿੰਘ ਆਪਣੇ ਬੇਕਸੂਰ ਹੋਣ ਅਤੇ ਰਹੀਮ ਦੀ ਭੀਖ ਮੰਗਦਾ ਰਿਹਾ ਪਰ ਜ਼ਾਲਮ ਉਸਤੇ ਜ਼ੁਲਮ ਕਰਦੇ ਰਹੇ | ਮਾਰ ਖਾ ਖਾ ਗੁਰਵੇਲ ਬੇਹੋਸ਼ ਹੋ ਗਿਆ |