ਕੁੜੀਆਂ ਦੇ ਕਪੜੇ ਪਾ ਮੁੰਡੇ ਨਾਲ ਕਰਦਾ ਸੀ ਉਹੀ ਕੰਮ; ਪਿਆਰ ‘ਚ ਪਾਗਲ ਦੂਜਾ ਮੁੰਡਾ ਬਣ ਗਿਆ ਕੁੜੀ

ਮਾਮਲਾ ਹੈ ਅੰਮ੍ਰਿਤਸਰ ਦਾ, ਜਿੱਥੇ ਦੇ ਪੁਤਲੀਘਰ ਇਲਾਕੇ ਦਾ ਰਹਿਣ ਵਾਲਾ ਰਵੀ ਆਪਣੀ ਮਾਂ ਤੇ ਛੋਟੇ ਭਰਾ ਦੇ ਨਾਲ ਰਹਿ ਰਿਹਾ ਸੀ | ਪਿੱਛੋਂ ਪਰਿਵਾਰ ਦਾ ਪਿੰਡ ‘ਚ ਖੇਤੀਬਾੜੀ ਦਾ ਕੰਮ ਸੀ, ਪਰ ਪਿਤਾ ਦੀ ਮੌਤ ਤੋਂ ਬਾਅਦ ਪਰਿਵਾਰ ਇਥੇ ਆ ਕੇ ਰਹਿਣ ਲੱਗ ਪਿਆ | ਰੋਜ਼ੀ ਰੋਟੀ ਲਈ ਰਵੀ ਜਗਰਾਤਿਆਂ ਅਤੇ ਹੋਰ ਪ੍ਰੋਗਰਾਮਾਂ ‘ਚ ਮੇਕਅਪ ਆਰਟਿਸਟ ਦੇ ਨਾਲ ਨਾਲ ਕੁੜੀਆਂ ਦੇ ਸੂਟ ਪਾ ਕੇ ਡਾਂਸ ਕਰਨ ਲੱਗ ਪਿਆ | ਇਸੇ ਦੌਰਾਨ ਇਸਦੇ ਇੱਕ ਦੋਸਤ ਨੇ ਇਸਦੀ ਮੁਲਾਕਾਤ ਅੱਗੋਂ ਆਪਣੇ ਇੱਕ ਦੋਸਤ ਅਰਜਨ ਕੁਮਾਰ ਨਾਲ ਕਰਵਾ ਦਿੱਤੀ | ਅਰਜਨ ਨੂੰ ਵੇਖਦਿਆਂ ਦੀ ਰਵੀ ਆਪਣਾ ਦਿਲ ਅਰਜੁਨ ਨੂੰ ਦੇ ਬੈਠਾ ਅਤੇ ਅਰਜਨ ਵੀ ਰਵੀ ਵੱਲ ਖਿੱਚਿਆ ਜਾਣ ਲੱਗ ਪਿਆ | ਦੇਖਦੇ ਹੀ ਦੇਖਦੇ ਦੋਵਾਂ ‘ਚ ਪਿਆਰ ਹੋ ਗਿਆ ਤੇ ਫਿਰ ਸਰੀਰਿਕ ਸਬੰਧ ਬਣਨ ਲੱਗ ਪਏ | ਵੈਸੇ ਤਾਂ ਰਵੀ ਮੁੰਡਿਆਂ ਵਾਂਗ ਕਪੜੇ ਪਾਉਂਦਾ, ਪਰ ਜਦ ਅਰਜਨ ਨਾਲ ਕਿਤੇ ਬਾਹਰ ਜਾਂਦਾ ਤਾਂ ਮੇਕ ਆਪ ਆਰਟਿਸਟ ਹੋਣ ਕਰਕੇ ਆਪਣਾ ਮੇਕ ਅਪ ਕਰ ਕੁੜੀ ਬਣ ਕੇ ਜਾਂਦਾ | ਉਸਦੇ ਦੱਸਣ ਮੁਤਾਬਿਕ ਪਹਿਲਾਂ ਤਾਂ ਅਰਜਨ ਦੇ ਪਰਿਵਾਰ ਵਾਲਿਆਂ ਨੂੰ ਅਰਜਨ ਦਾ ਇਹ ਫੈਸਲਾ ਚੰਗਾ ਨਹੀਂ ਲੱਗਾ ਪਰ ਬਾਅਦ ‘ਚ ਪਰਿਵਾਰ ਨੇ ਵੀ ਉਸਨੂੰ ਅਪਨਾਉਣ ਲਈ ਹਾਮੀ ਭਰ ਦਿੱਤੀ |
ਅਰਜਨ ਨੇ ਰਵੀ ਨੂੰ ਕਿਹਾ ਕਿ ਉਹ ਅਪ੍ਰੇਸ਼ਨ ਰਾਹੀਂ ਜੈਂਡਰ ਤਬਦੀਲ ਕਰਵਾ ਮੁੰਡੇ ਤੋਂ ਕੁੜੀ ਬਣ ਜਾਵੇ ਤਾਂ ਜੋ ਉਹ ਉਸ ਨਾਲ ਵਿਆਹ ਕਰਵਾ ਸਕੇ | ਰਵੀ ਨੇ ਵੀ ਆਪਣੇ ਪਿਆਰ ਦੇ ਲਈ ਅਜਿਹਾ ਹੀ ਕੀਤਾ | ਜੈਂਡਰ ਤਬਦੀਲ ਕਰਵਾ ਉਹ ਮੁੰਡੇ ਤੋਂ ਕੁੜੀ ਬਣ ਗਈ ਤੇ ਫਿਰ ਅਰਜਨ ਨੇ ਪਿਆਰ ਨਾਲ ਰਵੀ ਦਾ ਨਾਂ ਵੀ ਬਦਲ ਕੇ ਰੀਆ ਜੱਟੀ ਰੱਖ ਦਿੱਤਾ |
ਪਰ ਇਹਨਾਂ ਦੇ ਪਿਆਰ ‘ਚ ਇੱਕ ਦੁੱਖ ਭਰਿਆ ਮੋੜ ਆਇਆ | ਕਿੰਨਰਾਂ ਦੇ ਡੇਰੇ ਤੇ ਰਹਿਣ ਵਾਲੀ ਇੱਕ ਕੁੜੀ ਜਾਂ ਫਿਰ ਕਿੰਨਰ (ਜਿਸ ਬਾਰੇ ਰਿਆ ਨੂੰ ਵੀ ਚੰਗੀ ਤਰਾਂ ਕਲੀਅਰ ਨਹੀਂ ਹੈ ) ਜੋ ਕਿ ਅਰਜਨ ਦੀ ਭੈਣ ਬਣੀ ਹੋਈ ਹੈ ਨੇ ਅਰਜਨ ਨੂੰ ਇਹ ਪੱਟੀ ਪੜ੍ਹਾ ਦਿੱਤੀ ਕਿ ਉਹ ਰੀਆ ਨਾਲ ਵਿਆਹ ਤਾਂ ਕਰਵਾ ਲਵੇਂਗਾ ਪਰ ਉਹ ਉਸਦਾ ਵੰਸ਼ ਅੱਗੇ ਨਹੀਂ ਵਧ ਸਕੇਗੀ | ਇਸਦੇ ਨਾਲ ਹੀ ਉਸਨੇ ਅਰਜਨ ਨੂੰ ਰੀਆ ਉਸਦੇ ਡੇਰੇ ਤੇ ਛੱਡ ਜਾਣ ਦੀ ਵੀ ਗੱਲ ਆਖੀ |