ਆਧਾਰ ਨੰਬਰ ਲੋਕਾਂ ਦੇ ਲਈ ਜ਼ਰੂਰੀ ਹਨ। ਭਲਾ ਪ੍ਰਾਪਰਟੀ ਦੀ ਸੇਲ ਹੋਵੇ, ਗੱਡੀ ਦੀ ਰਜਿਸ਼ਟ੍ਰੇਸ਼ਨ ਹੋਵੇ ਜਾਂ ਫਿਰ ਕੋਈ ਹੋਰ ਜ਼ਰੂਰੀ ਕੰਮ ਅਧਾਰ ਕਾਰਡ ਹੋਣਾ ਬਹੁਤ ਜ਼ਰੂਰੀ ਹੈ। ਪਰ ਹੁਣ ਪਸ਼ੂਆਂ ਦੇ ਲਈ ਵੀ ਆਧਾਰ ਕਾਰਡ ਹੋਣਾ ਜ਼ਰੂਰੀ ਹੋਵੇਗਾ। ਚੰਡੀਗੜ੍ਹ ‘ਚ ਇਸਦੀ ਸ਼ੁਰੂਆਤ ਨੈਸ਼ਨਲ ਐਨੀਮਲ ਡਿਜੀਜ ਕੰਟਰੋਲ ਪ੍ਰੋਗਰਾਮ ਨੂੰ ਲਾਂਚ ਕਰਨ ਦੇ ਨਾਲ ਕੀਤੀ ਗਈ ਹੈ। ਹੁਣ ਸ਼ਹਿਰ ‘ਚ ਸਾਰੇ ਪਸ਼ੂਆਂ ਦੇ ਅਧਾਰ ਨੰਬਰ ਹੋਣੇ ਜਰੂਰੀ ਹੋਣਗੇ।
ਚੰਡੀਗੜ੍ਹ ‘ਚ ਕਰੀਬ 24000 ਵੱਡੇ ਪਸ਼ੂ ਹਨ,ਜਿਵੇਂ ਗਾਂ, ਮੱਛ, ਬੱਕਰੀ, ਸੂਰ ਅਤੇ ਹੋਰ। ਸਾਰਿਆਂ ਨੂੰ ਆਧਾਰ ਨੰਬਰ ਦਿੱਤੇ ਜਾਣਗੇ, ਜਿਹੜੇ ਕੇ ਐਨੀਮਲ ਹਸਬੇਂਡਰੀ ਐਂਡ ਫਿਸ਼ਰੀਜ਼ ਡਿਪਾਰਮੈਂਟ ਦੇ ਵੱਲੋਂ ਕੇਂਦਰ ਦੇ ਤਹਿਤ ਜਾਰੀ ਕੀਤੇ ਜਾਣਗੇ। ਸੋਮਵਾਰ ਨੂੰ ਕੁਝ ਥਾਵਾਂ ‘ਤੇ ਪਸ਼ੂਆਂ ਦੇ ਆਧਾਰ ਨੰਬਰ ਜਾਰੀ ਵੀ ਕੀਤੇ ਗਏ ਹਨ। ਅਫਸਰਾਂ ਦੇ ਅਨੁਸਾਰ 12 ਡਿਜਿਟ ਵਾਲਾ ਪਸ਼ੂ ਆਧਾਰ ਨੰਬਰ ਹੋਵੇਗਾ। ਜਿਹੜਾ ਇਹਨਾਂ ਦੀ ਸੇਲ ਪ੍ਰਚੇਜ਼ ਵਾਸਤੇ ਜ਼ਰੂਰੀ ਹੋਵੇਗਾ।
