ਇਸ ਗਰੀਬ ਪਰਿਵਾਰ ਤੇ ਜੋ ਦੁੱਖਾਂ ਦਾ ਪਹਾੜ ਟੁੱਟਾ ਹੈ ਉਹ ਬੇਹੱਦ ਮੰਦਭਾਗਾ ਹੈ | ਪਿੰਡ ਦੇ ਖੇਤਾਂ ਵਿਚ ਪੁੱਟਿਆ ਗਿਆ ਇਹ ਉਹੀ ਵੱਡਾ ਸਾਰਾ ਟੋਇਆ ਹੈ ਜੋ ਮੀਂਹ ਦੇ ਕਾਰਨ ਪਾਣੀ ਨਾਲ ਭਰ ਜਾਣ ਕਾਰਨ ਇਸ ਪਰਿਵਾਰ ਲਈ ਕਾਲ ਸਾਬਿਤ ਹੋਇਆ ਹੈ |
ਮਾਮਲਾ ਹੈ ਜ਼ਿਲ੍ਹਾ ਤਰਨਤਾਰਨ ਦੇ ਪਿੰਡ ਛੀਨਾ ਬਿਧੀ ਚੰਦ ਦਾ, ਜਿੱਥੇ ਜਸਵੰਤ ਸਿੰਘ ਦਿਹਾੜੀ ਦੱਪਾ ਲਗਾ ਆਪਣੇ ਪਰਿਵਾਰ ਨਾਲ ਡੰਗ ਸਾਰ ਰਿਹਾ ਸੀ | ਇਸਦਾ 11 ਸਾਲ ਦਾ ਜਰਮਨਦੀਪ ਸਿੰਘ ਨਾਂ ਦਾ ਛੋਟਾ ਪੁੱਤਰ ਸਵੇਰੇ ਪਿੰਡ ਚਾਰ ਪੰਜ ਬੱਚਿਆਂ ਦੇ ਨਾਲ ਪਤੰਗਾਂ ਲੁੱਟਦੇ ਲੁੱਟਦੇ ਪਿੰਡ ਦੀਆਂ ਪੈਲੀਆਂ ਵਿਚ ਪਹੁੰਚ ਗਿਆ | ਉਸਤੋਂ ਬਾਅਦ ਪਰਿਵਾਰ ਨੂੰ ਜੋ ਸੂਚਨਾ ਮਿਲਦੀ ਹੈ ਸੁਣ ਕੇ ਪਰਿਵਾਰ ਦਾ ਕਾਲਜ ਫੱਟ ਜਾਂਦਾ ਹੈ |