ਰਸੂਖਦਾਰ ਜਨਾਨੀ ਕਰਵਾਉਂਦੀ ਸੀ ਕੁੜੀ ਤੋਂ ਦੇਹ ਵਪਾਰ ਦਾ ਧੰਦਾ

ਮਾਮਲਾ ਹੈ ਕਪੂਰਥਲਾ ਦਾ, ਜਿੱਥੇ ਬੁਰੀ ਤਰਾਂ ਅੱਗ ਨਾਲ ਝੁਲਸ ਚੁੱਕਾ ਨੌਜਵਾਨ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ | ਸ਼ਹਿਰ ਦੇ ਮੁਹੱਲਾ ਡਾਕਟਰ ਸਦੀਕ ਅਲੀ, ਹਾਲ ਵਾਸੀ ਨੇੜੇ ਸ਼ਾਲਾਮਾਰ ਬਾਗ਼ ਦੇ ਰਹਿਣ ਵਾਲੇ 26 ਸਾਲ ਦੇ ਰਵੀ ਗਿੱਲ ਦਾ ਵਿਆਹ ਕੁੱਝ ਸਾਲ ਪਹਿਲਾਂ 24 ਸਾਲ ਦੀ ਕਾਜਲ ਨਾਲ ਹੋਇਆ ਸੀ | ਇਹਨਾਂ ਦੇ ਦੋ ਨਿੱਕੇ ਨਿੱਕੇ ਜਵਾਕ ਨੇ | ਰਵੀ ਦਿਹਾੜੀ ਦੱਪਾ ਲਾ ਆਪਣੇ ਟੱਬਰ ਨੂੰ ਪਾਲ ਰਿਹਾ ਸੀ | ਰਵੀ ਵੱਲੋਂ ਲਿਖਵਾਈ ਗਈ ਰਪਟ ਦੇ ਮੁਤਾਬਿਕ ਇੱਕ ਦਿਨ ਮੁਹੱਲਾ ਕਿਲੇ ਦੀ ਰਹਿਣ ਵਾਲੀ ਇੱਕ ਔਰਤ ਨੇ ਰਵੀ ਅਤੇ ਇਸਦੀ ਘਰਵਾਲੀ ਕਾਜਲ ਤੇ ਚੈਨੀ ਖੋਹ ਦਾ ਪਰਚਾ ਪੁਆ ਦਿੱਤਾ ਤੇ ਫਿਰ ਪ੍ਰਧਾਨ ਕਿਸਮ ਦੀ ਉਹ ਔਰਤ ਕਾਜਲ ਨੂੰ ਬਲੈਕ ਮੇਲ ਕਰ ਬਦਮਾਸ਼ੀ ਕਰ ਦੇਹ ਵਪਾਰ ਕਰਵਾਉਣ ਲੱਗ ਪਈ | ਰਵੀ ਗਿਇਲ ਅਤੇ ਕਾਜਲ ਨੇ ਜਦ ਇਸ ਚੰਗੁਲ ‘ਚੋਂ ਨਿਕਲਣਾ ਚਾਹਿਆ ਤਾਂ ਇਹਨਾਂ ਨਾਲ ਜੋ ਕੁੱਝ ਹੋਇਆ ਉਹ ਬੇਹੱਦ ਖਤਰਨਾਕ ਸੀ |