ਚੰਡੀਗੜ੍ਹ : ਮੌਸਮ ਵਿਭਾਗ ਨੇ 5 ਤੋਂ 7 ਮਾਰਚ ਦੇ ਵਿੱਚ ਪੰਜਾਬ ਅਤੇ ਹਰਿਆਣਾ ਦੇ ਕਈ ਸ਼ਹਿਰਾਂ ਵਿੱਚ ਤੇਜ਼ ਬਾਰਿਸ਼ ਦੇ ਨਾਲ ਗੜੇ ਪੈਣ ਦੀ ਚੇਤਾਵਨੀ ਜ਼ਾਰੀ ਕੀਤੀ ਹੈ l ਉੱਥੇ ਚੰਡੀਗੜ ਵਿੱਚ ਬਾਰਿਸ਼ ਦੇ ਨਾਲ ਤੇਜ਼ ਹਵਾਵਾਂ ਚੱਲਣ ਦੀ ਚਿਤਾਵਨੀ ਦਿੱਤੀ ਹੈ l ਪੱਛਮੀ ਪਰੇਸ਼ਾਨੀ ਦੇ ਕਾਰਨ ਮੌਸਮ ਵਿੱਚ ਦੋ ਤੋਂ ਤਿੰਨ ਡਿਗਰੀ ਤੱਕ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ l
ਮੌਸਮ ਵਿਗਿਆਨਿਕਾਂ ਨੇ ਦੱਸਿਆ ਕਿ ਪੱਛਮੀ ਪਰੇਸ਼ਾਨੀ ਦੇ ਕਾਰਨ ਪੰਜ ਮਾਰਚ ਸ਼ਾਮ ਤੋਂ ਸੱਤ ਮਾਰਚ ਦੀ ਦੁਪਹਿਰ ਤੱਕ ਮੌਸਮ ਖਰਾਬ ਹੋਣ ਦੀ ਆਸ਼ੰਕਾ ਹੈ l ਪੰਜਾਬ ਦੇ ਉੱਤਰੀ ਭਾਗ ਅਤੇ ਹਰਿਆਣਾ ਦੇ ਦੱਖਣੀ ਭਾਗ ਵਿੱਚ ਵਸੇ ਸ਼ਹਿਰਾਂ ਵਿੱਚ ਤੇਜ਼ ਬਾਰਿਸ਼ ਦੇ ਨਾਲ ਗੜੇ ਪੈ ਸਕਦੇ ਹਨ l
ਚੰਡੀਗੜ ਵਿੱਚ ਮੌਸਮ ਤਾਂ ਬਦਲੇਗਾ ਪਰ ਇੱਥੇ ਬਾਰਿਸ਼ ਦੇ ਨਾਲ ਤੇਜ਼ ਹਵਾਵਾਂ ਚੱਲਣ ਦਾ ਅਨੁਮਾਨ ਹੈ l ਇਸ ਦੌਰਾਨ 40 ਤੋਂ 50 ਕਿਲੋਮੀਟਰ ਦੀ ਰਫਤਾਰ ਨਾਲ ਹਵਾਵਾਂ ਚੱਲਣਗੀਆਂ l ਚੰਡੀਗੜ ਵਿੱਚ 1 ਤੋਂ 2 ਸੈਂਟੀਮੀਟਰ ਉੱਥੇ ਹੀ ਪੰਜਾਬ ਅਤੇ ਹਰਿਆਣਾ ਵਿੱਚ 3 ਤੋਂ 4 ਸੈਂਟੀਮੀਟਰ ਤੱਕ ਬਾਰਿਸ਼ ਹੋਣ ਦਾ ਅਨੁਮਾਨ ਹੈ l
ਇਸ ਦੌਰਾਨ ਮੌਸਮ ਵਿੱਚ 2 ਤੋਂ 3 ਡਿਗਰੀ ਦੀ ਗਿਰਾਵਟ ਆਵੇਗੀ l ਪੱਛਮੀ ਪਰੇਸ਼ਾਨੀ ਦਾ ਦਬਾਅ ਜ਼ਿਆਦਾ ਹੋਣ ਦੇ ਕਾਰਨ ਮੌਸਮ ਵਿੱਚ ਇੰਨਾ ਬਦਲਾਵ ਹੋਣ ਦਾ ਅਨੁਮਾਨ ਲਾਇਆ ਜਾ ਰਿਹਾ ਹੈ l ਪੰਜਾਬ ਅਤੇ ਹਰਿਆਣਾ ਵਿੱਚ ਵੀ ਮੌਸਮ ਵਿਭਾਗ ਨੂੰ ਅਲਰਟ ਕਰ ਦਿੱਤਾ ਗਿਆ ਹੈ l ਇਸ ਮੌਸਮ ਵਿੱਚ ਇੰਨੀ ਬਾਰਿਸ਼ ਫਸਲਾਂ ਦੇ ਲਈ ਹਾਨੀਕਾਰਕ ਸਾਬਿਤ ਹੋ ਸਕਦੀ ਹੈ l
5 ਅਤੇ 7 ਮਾਰਚ ਨੂੰ ਬਦਲ ਸਕਦਾ ਹੈ ਮੌਸਮ ਦਾ ਮਿਜ਼ਾਜ਼, ਗੜੇ ਪੈਣ ਅਤੇ ਤੇਜ਼ ਹਵਾਵਾਂ ਚੱਲਣ ਦੀ ਸ਼ੰਕਾ
