ਲੁਧਿਆਣਾ ਦੀ ਇਕ ਫਰਮ ਵੱਲੋਂ ਦੇਸ਼ ਭਰ ਦੇ ਵੱਖ ਵੱਖ ਵਪਾਰੀਆਂ ਨਾਲ ਕਰੋੜਾਂ ਦੀ ਮਾਰੀ ਠੱਗੀ, ਮਾਮਲਾ ਦਰਜ, ਠੱਗਾਂ ਨੂੰ ਮੁੱਖ ਮੰਤਰੀ ਪੰਜਾਬ ਤੋਂ ਵੀ ਮਿਲ ਚੁੱਕਾ ਹੈ ਸਨਮਾਨ

ਲੁਧਿਆਣਾ  ; ਲੁਧਿਆਣਾ ਦੇ ਮਾਡਲ ਟਾਊਨ ਚ ਗੋਲਡ ਟਾਈਮ ੲ ਵੈਂਚਰ ਨਾਂ ਦੀ ਇੱਕ ਫਰਮ ਚਲਾ ਰਹੇ ਪਿਓ ਪੁੱਤਰ ਸੰਕਲਪ ਛਿੱਬਰ ਅਤੇ ਨਰਿੰਦਰ ਦੀ ਛਿੱਬਰ ਤੇ ਕਰੋੜਾਂ ਰੁਪਏ ਦੀ ਠੱਗੀ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ l ਇਹ ਇਲਜ਼ਾਮ ਦੇਸ਼ ਭਰ ਦੇ ਵੱਖ ਵੱਖ ਸੂਬਿਆਂ ਤੋਂ ਆਏ ਵਪਾਰੀਆਂ ਵੱਲੋਂ ਕੰਪਨੀ ਤੇ ਲਾਏ ਗਏ ਨੇ l ਵਪਾਰੀਆਂ ਦਾ ਇਲਜ਼ਾਮ ਹੈ ਕਿ ਕੰਪਨੀ ਵੱਲੋਂ ਉਨ੍ਹਾਂ ਤੋਂ ਲੱਖਾਂ ਰੁਪਏ ਲੈ ਲਏ ਗਏ ਪਰ ਬਦਲੇ ਚ ਉਨ੍ਹਾਂ ਨੂੰ ਜੋ ਸਾਮਾਨ ਦਿੱਤਾ ਗਿਆ ਜਾਂ ਤਾਂ ਉਹ ਗਲਤ ਪੈਕਿੰਗ ਚ ਸੀ ਜਾਂ ਫਿਰ ਉਸ ਦੀ ਮਿਤੀ ਲੰਘੀ ਹੋਈ ਸੀ ਅਤੇ ਕਈ ਵਪਾਰੀਆਂ ਨੂੰ ਤਾਂ ਕੰਪਨੀ ਵੱਲੋਂ ਪੈਸੇ ਲੈ ਕੇ ਸਾਮਾਨ ਤੱਕ ਵੀ ਨਹੀਂ ਦਿੱਤਾ ਗਿਆ l ਵਪਾਰੀਆਂ ਨੇ ਕਿਹਾ ਕਿ ਜਦੋਂ ਉਹ ਇਨ੍ਹਾਂ ਦੋਵਾਂ ਪਿਓ ਪੁੱਤਾਂ ਦੇ ਦਫ਼ਤਰ ਮੁੜ ਤੋਂ ਗਏ ਤਾਂ ਉੱਥੇ ਨਾ ਤਾਂ ਦਫ਼ਤਰ ਸੀ ਅਤੇ ਨਾ ਹੀ ਦੋਵੇਂ ਕੋਈ ਫੋਨ ਚੁੱਕ ਰਹੇ ਨੇ l ਉਨ੍ਹਾਂ ਨੇ ਕਿਹਾ ਕਿ ਦੋਵੇਂ ਪਿਓ ਪੁੱਤ ਦੇ ਸਿਆਸੀ ਲਿੰਕ ਨੇ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਤੋਂ ਇਲਾਵਾ ਕਈ ਵੱਡੇ ਲੀਡਰਾਂ ਨਾਲ ਉਨ੍ਹਾਂ ਦੀਆਂ ਤਸਵੀਰਾਂ ਨੇ l ਵਪਾਰੀਆਂ ਨੇ ਦੱਸਿਆ ਕਿ ਜੇਕਰ ਪੂਰੇ ਮਾਮਲੇ ਦੀ ਗੱਲ ਕੀਤੀ ਜਾਵੇ ਤਾਂ ਸਾਰੇ ਸੂਬਿਆਂ ਨੂੰ ਮਿਲਾ ਕੇ ਇਨ੍ਹਾਂ ਪਿਉ ਪੁੱਤਾਂ ਵੱਲੋਂ 8-10 ਕਰੋੜ ਰੁਪਏ ਦੀ ਠੱਗੀ ਮਾਰੀ ਗਈ ਹੈ l ਜਿਸ ਵਿੱਚ ਪ੍ਰੀਮੀਅਮ ਮਾਰਕੀਟਿੰਗ ਦੇ 33 ਲੱਖ ਰੁਪਏ, ਵਿਧਾਤਾ ਲੋਜਿਸਟਿਕ ਦੇ 10 ਲੱਖ ਰੁਪਏ ਸ੍ਰੀ ਗਣੇਸ਼ ਇੰਟਰਪ੍ਰਾਈਜ਼ਿਜ਼ ਦੇ 10 ਲੱਖ ਰੁਪਏ, ਸਚਦੇਵਾ 8 ਲੱਖ ਜਦੋਂ ਕਿ ਗੁਪਤਾ ਇੰਟਰਪ੍ਰਾਈਜਿਜ਼ ਤੋਂ 25 ਲੱਖ ਦੀ ਠੱਗੀ ਮਾਰੀ ਗਈ ਹੈ ਕੁੱਲ 13 ਵਪਾਰੀਆਂ ਦੇ ਨਾਲ ਲੱਖਾਂ ਦੀ ਠੱਗੀ ਮਾਰੀ ਗਈ ਹੈ ਜਿਸਦਾ ਹਿਸਾਬ ਕਰੋੜਾਂ ਚ ਜਾਂਦਾ ਹੈ l ਵਪਾਰੀਆਂ ਨੇ ਦੱਸਿਆ ਕਿ ਮੁੱਖ ਮੰਤਰੀ ਪੰਜਾਬ ਉਨ੍ਹਾਂ ਨਾਲ ਠੱਗੀ ਮਾਰਨ ਵਾਲਿਆਂ ਦਾ ਸਨਮਾਨ ਤੱਕ ਕਰ ਚੁੱਕੇ ਨੇ l ਜਿਸ ਦੀਆਂ ਤਸਵੀਰਾਂ ਵੀ ਪੀੜਤਾਂ ਵੱਲੋਂ ਸਾਡੀ ਟੀਮ ਨਾਲ ਸਾਂਝੀਆਂ ਕੀਤੀਆਂ ਗਈਆਂ l ਉਨ੍ਹਾਂ ਕਿਹਾ ਕਿ ਦੋਵੇਂ ਪਿਓ ਪੁੱਤ ਆਪਣੇ ਸਿਆਸੀ ਲਿੰਕ ਹੋਣ ਦੇ ਵੀ ਉਨ੍ਹਾਂ ਨੂੰ ਧਮਕੀਆਂ ਦੇ ਚੁੱਕੇ ਨੇ l ਉਧਰ ਦੂਜੇ ਪਾਸੇ ਏਡੀਸੀਪੀ ਹੈੱਡਕੁਆਰਟਰ ਦੀਪਕ ਪਾਰਿਕ ਨੇ ਦੱਸਿਆ ਕਿ ਵਪਾਰੀ ਹਰਸ਼ ਦੀ ਸ਼ਿਕਾਇਤ ਤੇ ਮਾਡਲ ਟਾਊਨ ਪੁਲਿਸ ਸਟੇਸ਼ਨ ਵੱਲੋਂ ਮੁਲਜ਼ਮਾਂ ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ l ਉਨ੍ਹਾਂ ਕਿਹਾ ਕਿ ਕਈਆਂ ਨਾਲ ਇਹ ਠੱਗੀ ਮਾਰਨ ਦਾ ਪੂਰਾ ਮਾਮਲਾ ਹੈ ਅਤੇ ਇਸ ਦੀ ਤਫ਼ਤੀਸ਼ ਜਾਰੀ ਹੈ l
ਜ਼ਿਕਰੇਖ਼ਾਸ ਹੈ ਕਿ ਇਨ੍ਹਾਂ ਦੋਵਾਂ ਮੁਲਜ਼ਮਾਂ ਤੇ ਪਹਿਲਾਂ ਹੀ ਮੁਹਾਲੀ ਦੇ ਅਮਨਦੀਪ ਸਿੰਘ ਵੱਲੋਂ ਕੀਤੀ ਕੰਪਲੇਟ ਤੇ ਨਾਨ ਬੇਲੇਬਲ ਸੰਮਨ ਜਾਰੀ ਨੇ l ਜਦੋਂ ਕਿ ਦੋਵੇਂ ਪਿਓ ਪੁੱਤ ਫਰਾਰ ਦੱਸੇ ਜਾ ਰਹੇ ਨੇ l ਜਿਨ੍ਹਾਂ ਦੀ ਪੁਲਿਸ ਵੱਲੋਂ ਭਾਲ ਜਾਰੀ ਹੈ l