ਜਲੰਧਰ : ਜਲੰਧਰ ਦੇ ਕਿਲ੍ਹਾ ਮੁਹੱਲਾ ਵਿੱਚ ਮੰਗਲਵਾਰ ਸ਼ਾਮ ਟਿਊਸ਼ਨ ਤੋਂ ਵਾਪਸ ਆ ਰਹੇ 12 ਸਾਲ ਦੇ ਮੁੰਡੇ ਨੂੰ ਪਿੱਟਬੁਲ ਨੇ ਹਮਲਾ ਕਰ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਕਰ ਦਿੱਤਾ l 10 ਮਿੰਟ ਤੱਕ ਆਲੇ ਦੁਆਲੇ ਦੇ ਲੋਕ ਤਰ੍ਹਾਂ ਤਰ੍ਹਾਂ ਦੀ ਕੋਸ਼ਿਸ਼ਾਂ ਕਰਦੇ ਰਹੇ, ਪਰ ਇਸ ਕੁੱਤੇ ਨੇ ਬੱਚੇ ਦੀ ਲੱਤ ਨਹੀਂ ਛੱਡੀ l ਆਖਿਰ ਹੌਂਸਲਾ ਦਿਖਾਉਂਦੇ ਹੋਏ ਬੱਚੇ ਨੇ ਖੁਦ ਹੀ ਕੁੱਤੇ ਦਾ ਜ਼ਬੜਾ ਫੜਿਆ ਅਤੇ ਫਿਰ ਆਪਣੇ ਆਪ ਨੂੰ ਛਡਵਾਇਆ l ਬੱਚੇ ਨੇ ਆਪਣੇ ਘਰ ਵਿੱਚ ਰੱਖੇ ਲੈਬਰਾ ਮਾਈਕੀ ਨਾਲ ਬਚਾਅ ਦਾ ਤਰੀਕਾ ਅਪਣਾ ਕੇ ਪਿਟਬੁਲ ਕੁੱਤੇ ਦਾ ਜ਼ਬੜਾ ਫੜ ਆਪਣੀ ਲੱਤ ਤੋਂ ਛਡਵਾਇਆ l ਬੱਚੇ ਨੂੰ ਗਲੋਬਲ ਹਸਪਤਾਲ ਦੇ ਆਈਸੀਯੂ ਵਿੱਚ ਦਾਖਲ ਕਰਵਾਇਆ ਗਿਆ ਹੈ l ਕੁੱਤੇ ਨੇ ਬੱਚੇ ਦਾ ਮਾਸ ਪੂਰੀ ਤਰ੍ਹਾਂ ਨੋਚ ਲਿਆ ਹੈ ਪਰ ਬੁੱਧਵਾਰ ਨੂੰ ਐਕਸ ਰੇ ਰਿਪੋਰਟ ਆਉਣ ‘ਤੇ ਪਤਾ ਲੱਗੇਗਾ ਕਿ ਹੱਡੀ ਦੀ ਕੀ ਹਾਲਤ ਹੈ l ਇਸ ਦੇ ਨਾਲ ਦੇਰ ਸ਼ਾਮ ਉਸ ਦੇ ਪਰਿਵਾਰ ਨੇ ਪੁਲਿਸ ਸਟੇਸ਼ਨ ਨੰਬਰ 3 ਵਿੱਚ ਕੁੱਤੇ ਦੇ ਮਾਲਿਕ ਵਿਨੋਦ ਦੇ ਖਿਲਾਫ ਸ਼ਿਕਾਇਤ ਲੈ ਕੇ ਆਇਆ ਸੀ l ਮੌਕੇ ਤੋਂ ਮਿਲੀ ਸੀਸੀਟੀਵੀ ਫੁਟੇਜ਼ ਪੂਰੀ ਘਟਨਾ ਨੂੰ ਬਿਆਨ ਕਰ ਰਹੀ ਹੈ l ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ l
ਪਿਟਬੁੱਲ ਕੁੱਤੇ ਨੇ ਟਿਊਸ਼ਨ ਤੋਂ ਵਾਪਸ ਆ ਰਹੇ ਬੱਚੇ ਦੀ ਲੱਤ ਪਾੜੀ, 10 ਮਿੰਟ ਬਾਅਦ ਬੱਚੇ ਨੇ ਜ਼ਬੜਾ ਫੜ ਕੇ ਖੁਦ ਨੂੰ ਬਚਾਇਆ
