ਪਟਿਆਲਾ : ਸੰਸਦ ਪ੍ਰਨੀਤ ਕੌਰ ਨਾਲ 23 ਲੱਖ ਦੀ ਸਾਈਬਰ ਠੱਗੀ ਕਰਨ ਦੇ ਮਾਮਲੇ ਵਿੱਚ ਕੇਂਦਰੀ ਜ਼ੇਲ੍ਹ ਵਿੱਚ ਬੰਦ ਮੁਲਜ਼ਮ ਅਫਸਰ ਅਲੀ ਤੋਂ ਜ਼ੇਲ੍ਹ ਵਿੱਚ ਮੋਬਾਈਲ ਅਤੇ ਸਿਮ ਬਰਾਮਦ ਹੋਇਆ l ਜ਼ੇਲ੍ਹ ਸੁਪਰੀਟੈਂਡੈਂਟ ਸੁਰਿੰਦਰਪਾਲ ਖੰਨਾ ਨੇ ਦੱਸਿਆ ਕਿ ਮੋਬਾਈਲ ਲੈ ਕੇ ਕੇਸ ਦਰਜ ਕਰਾ ਦਿੱਤਾ ਗਿਆ ਹੈ l ਪੁਲਿਸ ਮੁਲਜ਼ਮ ਤੋਂ ਪੁੱਛਗਿਛ ਕਰ ਰਹੀ ਹੈ ਕਿ ਫੋਨ ਉਸ ਤੱਕ ਕਿਵੇਂ ਪਹੁੰਚਿਆ l ਦਰਅਸਲ 5 ਮਹੀਨੇ ਪਹਿਲਾਂ ਸੰਸਦ ਪ੍ਰਨੀਤ ਕੌਰ ਨਾਲ ਠੱਗੀ ਮਾਮਲੇ ਵਿੱਚ ਝਾਰਖੰਡ ਤੇ ਅਤਾਉਲ ਅੰਸਾਰੀ ਅਤੇ ਉਸ ਦੇ ਮੰਡੀ ਗੋਬਿੰਦਗੜ ਵਿੱਚ ਬੈਠੇ ਸਾਥੀਆਂ ਨੂੰ ਗ੍ਰਿਫਤਾਰ ਕੀਤਾ ਸੀ l ਜਿਨ੍ਹਾਂ ਵਿੱਚ ਮੁਲਜ਼ਮ ਅਫਸਰ ਅਲੀ ਵੀ ਸ਼ਾਮਿਲ ਸੀ l ਉਹ ਗੈਂਗ ਨੂੰ ਸਿਮ ਦਿੰਦਾ ਸੀ l ਇੱਧਰ, ਮੈਕਸੀਮਮ ਸਿਕਉਰਟੀ ਜ਼ੇਲ੍ਹ ਨਾਭਾ ਦੇ ਸਹਾਇਕ ਸੁਪਰੀਟੈਂਡੈਂਟ ਪ੍ਰੀਤਮਪਾਲ ਸਿੰਘ ਨੇ ਥਾਣਾ ਸਦਰ ਪੁਲਿਸ ਨੂੰ ਸ਼ਿਕਾਇਤ ਦਰਜ ਕਰਵਾਈ ਕਿ 25 ਜਨਵਰੀ ਨੂੰ ਬੈਰਕ ਨੰਬਰ 2 ਦੇ ਬਾਹਰ ਤਲਾਸ਼ੀ ਲਈ ਗਈ ਤਾਂ ਉੱਥੇ ਦੋ ਮੋਬਾਈਲ ਪਏ ਮਿਲੇ l ਇਸ ਦੇ ਇਲਾਵਾ ਬਾਥਰੂਮ ਵਿੱਚੋਂ ਇੱਕ ਚਾਰਜਰ ਬਰਾਮਦ ਕੀਤਾ ਗਿਆ l
ਸੰਸਦ ਪ੍ਰਨੀਤ ਕੌਰ ਨਾਲ 23 ਲੱਖ ਰੁਪਏ ਦੀ ਠੱਗੀ ਮਾਰਨ ਵਾਲੇ ਮੁਲਜ਼ਮ ਤੋਂ ਜ਼ੇਲ੍ਹ ਵਿੱਚੋਂ ਮੋਬਾਈਲ ਬਰਾਮਦ
