ਪਿੰਡ ਲਹਰੀ ਵਿੱਚ ਚਿੱਟੇ ਦੀ ਤਸਕਰੀ ਰੋਕਣ ਤੇ ਦਰਜਨਾਂ ਲੋਕਾਂ ਨੇ ਯੂਥ ਕਾਂਗਰਸ ਦੇ ਜਿ਼ਲ੍ਹਾ ਸੈਕਰੇਟਰੀ ਜਗਪਾਲ ਸਿੰਘ ਲਹਰੀ ਤੇ ਹਮਲਾ ਕਰਕੇ ਉਸ ਨੂੰ ਜ਼ਖ਼ਮੀ ਕਰ ਦਿੱਤਾ ਹੈ।ਪੁਲਿਸ ਨੇ ਇਸ ਸੰਬੰਧ ਵਿੱਚ ਜ਼ਖ਼ਮੀ ਦੇ ਬਿਆਨ ਤੇ 12 ਲੋਕਾਂ ਤੇ ਇਰਾਦਾ ਕਤਲ ਦਾ ਮਾਮਲਾ ਦਰਜ ਕਰ 4 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।ਪੁਲਿਸ ਨੂੰ ਜਗਪਾਲ ਸਿੰਘ ਲਹਰੀ ਨੇ ਦੱਸਿਆ ਕਿ ਪਹਿਲ ਪਿੰਡ ਵਿੱਚ ਕੁਝ ਸ਼ਰਾਰਤੀ ਲੋਕਾਂ ਨੇ ਫੋਨ ਕਰ ਗਾਲ੍ਹਾਂ ਕੱਢੀਆਂ ਅਤੇ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ।ਜਦ ਉਸ ਨੇ ਉਨ੍ਹਾਂ ਦਾ ਵਿਰੋਧ ਕੀਤਾ ਤਾਂ 16 ਤੇ 17 ਮਾਰਚ ਦੀ ਰਾਤ ਮੁਲਜ਼ਮ ਉਸ ਦੇ ਘਰ ਪਹੁੰਚੇ ਅਤੇ ਤੋੜਫੋੜ ਸ਼ੁਰੂ ਕਰ ਦਿੱਤੀ।ਉਨ੍ਹਾਂ ਨੇ ਦੱਸਿਆ ਕਿ ਜਦ ਮੁਲਜ਼ਮਾਂ ਨੂੰ ਰੋਕਣ ਦੀ ਕੋਸਿ਼ਸ਼ ਕੀਤੀ ਤਾਂ ਉਨ੍ਹਾਂ ਨੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ, ਜਿਸ ਨਾਲ ਉਹ ਗੰਭੀਰ ਜ਼ਖ਼ਮੀ ਹੋ ਗਿਆ ਅਤੇ ਕਿਸੀ ਤਰ੍ਹਾਂ ਉਸ ਨੇ ਭੱਜ ਕੇ ਆਪਣੀ ਜਾਨ ਬਚਾਈ, ਹਮਲਾਵਰਾਂ ਨੇ ਉਸ ਦੇ ਪਰਿਵਾਰ ਨੂੰ ਮਾਰਨ ਤੱਕ ਦੀ ਧਮਕੀ ਦਿੱਤੀ।ਪਤਾ ਲੱਗਦੇ ਹੀ ਥਾਣਾ ਤਲਵੰਡੀ ਸਾਬੋ ਦੇ ਮੁਖੀ ਨਵਪ੍ਰੀਤ ਸਿੰਘ ਅਤੇ ਪੁਲਿਸ ਫੋਰਸ ਨੇ ਮੌਕੇ ਦਾ ਜਾਇਜ਼ਾ ਲਿਆ।ਪੁਲਿਸ ਨੇ ਹਮਲਾਵਰ ਗੁਰਸੇਵਕ ਸਿੰਘ। ਸਿਮਰਜੀਤ ਸਿੰਘ, ਬਸੰਤ ਸਿੰਘ, ਹਰਦੀਪ ਸਿੰਘ, ਜਗਦੇਵ ਸਿੰਘ, ਰੇਸ਼ਮ ਸਿੰਘ ਵਾਸੀ ਲਹਰੀ, ਜਗਸੀਰ ਸਿੰਘ ਵਾਸੀ ਤਖਤਮਲ, ਬੱਬੂ ਸਿੰਘ, ਬੱਗਾ ਸਿੰਘ ਵਾਸੀ ਬਹਮਣ, ਕੌਰ ਸਿੰਘ, ਕਾਲਾ ਸਿੰਘ, ਬਲਕਾਰ ਸਿਘ ਵਾਸੀ ਤਖਤਮਲ ਅਤੇ ਭੀਮ ਸਿੰਘ ਤੇ ਕੇਸ ਦਰਜ ਕੀਤਾ ਹੈ।
ਕਾਂਗਰਸੀ ਆਗੂ ਨੇ ਨਸ਼ਾ ਤਸਕਰ ਨੂੰ ਰੋਕਿਆ ਚਿੱਟਾ ਵੇਚਣੋ ਅੱਗੋਂ ਤਸਕਰ ਨੇ ਬੁਲਾ ਲਏ ਦਰਜਨ ਬੰਦੇ ਫੇਰ ਲੀਡਰ ਸਭ ਭੱਜਦੇ ਦਿਖਾਈ ਦਿੱਤੇ
