ਮਾਨਸਾ : ਮਾਨਸਾ ਜਿ਼ਲ੍ਹੇ ਦੇ ਕਸਬਾ ਬੁਢਲਾਡਾ ਦੀ ਬਾਜੀਗਰ ਬਸਤੀ ਵਿੱਚ ਇੱਕ ਵਿਅਕਤੀ ਨੇ ਆਪਣੀ ਪਤਨੀ ਅਤੇ ਕੁੜੀ ਨੂੰ ਬੁਰੀ ਤਰ੍ਹਾਂ ਜ਼ਖ਼ਮੀ ਕਰ ਦਿੱਤਾ।ਵਾਰਦਾਤ ਦੀ ਵਜ੍ਹਾ ਪਤਨੀ ਦੇ ਚਰਿੱਤਰ ਤੇ ਸ਼ੱਕ ਦੱਸਿਆ ਜਾ ਰਿਹਾ ਹੈ, ਜਿਸ ਦੇ ਕਾਰਨ ਉਸ ਨੇ ਪਤਨੀ ਨੂੰ ਤੇਜ਼ਧਾਰ ਹਥਿਆਰ ਨਾਲ ਜ਼ਖ਼ਮੀ ਕਰ ਦਿੱਤਾ।ਇਸ ਦੇ ਬਾਅਦ ਜਦ ਕੁੜੀ ਬਚਾਉਣ ਆਈ ਤਾਂ ਉਸ ਨੂੰ ਵੀ ਬੁਰੀ ਤਰ੍ਹਾਂ ਸੱਟਾਂ ਮਾਰ ਦਿੱਤੀਆਂ।ਇਸ ਦੇ ਬਾਅਦ ਪੁਲਿਸ ਦੇ ਡਰ ਕਾਰਨ ਮੁਲਜ਼ਮ ਨੇ ਖੁਦ ਨੂੰ ਵੀ ਫੰਦਾ ਲਾ ਦਿੱਤਾ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।
ਮ੍ਰਿਤਕ ਦੀ ਪਹਿਚਾਣ ਵਰਡ 19 ਦੀ ਬਾਜ਼ੀਗਰ ਬਸਤੀ ਵਿੱਚ ਰਹਿਣ ਵਾਲੇ ਰਾਜੂ ਸਿੰਘ ਪੁੱਤਰ ਕਰਨ ਸਿੰਘ ਦੇ ਰੂਪ ਵਿੱਚ ਹੋਈ ਹੈ।ਪੁਲਿਸ ਨੂੰ ਦਿੱਤੇ ਬਿਆਨ ਵਿੱਚ ਮ੍ਰਿਤਕ ਦੀ ਵੱਡੀ ਧੀ ਲਕਸ਼ਮੀ ਨੇ ਦੱਸਿਆ ਕਿ ਉਸ ਦੀ ਮਾਂ ਸਾਵਿਤਰੀ ਦੇ ਚਰਿੱਤਰ ਤੇ ਸ਼ੱਕ ਕਰਦਾ ਸੀ, ਜਿਸ ਦੇ ਕਾਰਨ ਆਏ ਦਿਨ ਦੋਨਾਂ ਵਿੱਚ ਝਗੜਾ ਹੁੰਦਾ ਸੀ।ਬੁੱਧਵਾਰ ਸਵੇਰੇ ਪਹਿਲਾਂ ਦੀ ਤਰ੍ਹਾਂ ਫਿਰ ਤੋਂ ਪਤੀ ਪਤਨੀ ਦੋਨਾਂ ਵਿੱਚ ਕਹਾਸੁਣੀ ਹੋਈ।ਅਚਾਨਕ ਰਾਜੂ ਨੇ ਇੱਕ ਤੇਜ਼ਧਾਰ ਹਥਿਆਰ ਨਾਲ ਸਾਵਿਤਰੀ ਤੇ ਵਾਰ ਕਰ ਦਿੱਤਾ।ਜਦ 16 ਸਾਲ ਦੀ ਛੋਟੀ ਕੁੜੀ ਪ੍ਰੀਤ ਵਿੱਚ ਬਚਾਅ ਕਰਨ ਆਈ ਤਾਂ ਉਸ ਨੂੰ ਵੀ ਰਾਜੂ ਨੇ ਜ਼ਖ਼ਮੀ ਕਰ ਦਿੱਤਾ।
