ਫਤਿਹਾਬਾਦ : ਫਤਿਹਾਬਾਦ ਦੇ ਜਾਖਲ ਵਿੱਚ ਹਰਿਆਣਾ ਪੰਜਾਬ ਬਾਰਡਰ ਤੇ ਲੱਗਣ ਵਾਲੀ ਕੰਡੇਲ ਚੌਂਕੀ ਤੇ ਇੱਕ ਪੰਜਾਬ ਪੁਲਿਸ ਦੇ ਏਐਸਆਈ ਨੂੰ ਗੋਲੀ ਲੱਗਣ ਨਾਲ ਮੌਤ ਹੋ ਗਈ।ਘਟਨਾ ਬੁੱਧਵਾਰ ਦੀ ਹੈ।ਗੋਲੀ ਏਐਸਆਈ ਦੇ ਸਟੇਨਗਨ ਤੋਂ ਚੱਲੀ ਹੈ।ਹੁਣ ਪੁਲਿਸ ਇਹ ਜਾਂਚ ਕਰ ਰਹੀ ਹੈ ਕਿ ਏਐਸਆਈ ਨੇ ਸੁਸਾਈਡ ਕੀਤਾ ਹੈ ਜਾਂ ਉਨ੍ਹਾ ਤੋਂ ਗਲਤੀ ਨਾਲ ਐਂਵੇ ਹੋਇਆ ਹੈ।ਲਾਸ਼ ਨੂੰ ਪੋਸਟਮਾਰਟਮ ਦੇ ਲਈ ਭੇਜ ਦਿੱਤਾ ਗਿਆ ਹੈ।
ਮਿਲੀ ਜਾਣਕਾਰੀ ਦੇ ਅਨੁਸਾਰ ਪੰਜਾਬ ਹਰਿਆਣਾ ਬਾਰਡਰ ਤੇ ਪੰਜਾਬ ਪੁਲਿਸ ਦਾ ਏਐਸਆਈ ਕ੍ਰਿਸ਼ਣ ਸਿੰਘ ਤੈਨਾਤ ਸੀ।ਉਸ ਦੀ ਸਟੇਨਗਨ ਤੋਂ 5 ਗੋਲੀਆਂ ਲੱਗਣ ਨਾਲ ਮੌਤ ਹੋ ਗਈ।ਦੱਸਿਆ ਜਾ ਰਿਹਾ ਹੈ ਕਿ ਜਦ ਕ੍ਰਿਸ਼ਨ ਸਿੰਘ ਆਪਣੀ ਡਿਊਟੀ ਤੇ ਸਵੇਰੇ 8 ਵਜੇ ਆਇਆ ਤਾਂ ਇਸ ਦੌਰਾਨ ਸਟੇਨਗਨ ਨਾਲ ਲੈ ਕੇ ਬਾਥਰੂਮ ਕਰਨ ਗਿਆ ਸੀ।ਇਸ ਦੌਰਾਨ ਉਸ ਦੀ ਸਟੇਨਗਨ ਤੋਂ ਗੋਲੀਆਂ ਚੱਲ ਗਈਆਂ।ਉਸ ਵਿੱਚੋਂ ਇੱਕ ਗੋਲੀ ਗਲਾ ਚੀਰਦੇ ਹੋਏ ਸਿਰ ਦੇ ਆਰ ਪਾਰ ਹੋ ਗਈ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।ਹੁਣ ਪੁਲਿਸ ਜਾਂਚ ਕਰ ਰਹੀ ਹੈ ਕਿ ਇਹ ਗੋਲੀਆਂ ਇਤਫਾਕਨ ਚੱਲੀਆਂ ਹਨ ਜਾਂ ਉਸ ਨੇ ਸੁਸਾਈਡ ਕੀਤਾ ਹੈ।
