ਕਰੋਨਾ ਕਾਲ ‘ਚ ਕੇਂਦਰੀ ਸਿਹਤ ਮੰਤਰੀ ਨੇ ਇਕ ਉਮੀਦ ਦੀ ਕਿਰਨ ਜਤਾਈ ਹੈ, ਕੇਂਦਰੀ ਸਿਹਤ ਮੰਤਰੀ ਡਾ.ਹਰਸ਼ਵਰਧਨ ਨੇ ਕਿਹਾ ਹੈ ਕਿ ਅਸੀਂ ਦਿਵਾਲੀ ਤੱਕ ਕਰੋਨਾ ‘ਤੇ ਕਾਫੀ ਹੱਦ ਤੱਕ ਕਾਬੂ ਪਾ ਲਵਾਂਗੇ। ਉਹਨਾਂ ਨੇ ਕਿਹਾ ਹੈ ਕਿ ਕਰੋਨਾ ਪਸਾਰ ਕਾਫੀ ਹੱਦ ਤੱਕ ਕੰਟਰੋਲ ਕਰ ਜਾਵੇਗਾ। ਇਥੇ ਉਹਨਾਂ ਨੇ ਇਕ ਵੈਬ ਸੈਮੀਨਾਰ ‘ਚ ਕਿਹਾ ਕੇ ਡਾਕਟਰ ਦੇਵੀ ਪ੍ਰਸਾਦਿ ਸ਼ੈਟੀ ਅਤੇ ਡਾ. ਸੀਐਨ ਮੰਜੂਨਾਥ ਜਿਹੇ ਮਾਹਿਰ ਇਸ ਗੱਲ ਨਾਲ ਸਹਿਮਤ ਹੋਣਗੇ ਕੇ ਜਿਵੇਂ ਅਤੀਤ ‘ਚ ਵਾਇਰਸ ਆਏ ਹਨ ਇਹ ਵੀ ਕੁਝ ਸਮੇਂ ਬਾਅਦ ਇਕ ਸਥਾਨਕ ਸਮੱਸਿਆ ਬਣ ਕੇ ਰਹਿ ਜਾਵੇਗਾ।
ਡਾ ਹਰਸ਼ਵਰਧਨ ਨੇ ਇਸ ਮੌਕੇ ਇਹ ਵੀ ਕਿਹਾ ਕੇ ਇਸ ਵਾਇਰਸ ਤੋਂ ਸਾਨੂੰ ਬਹੁਤ ਕੁਝ ਖਾਸ ਸਿੱਖਣ ਨੂੰ ਮਿਲਿਆ ਹੈ। ਸਾਨੂੰ ਸਾਰਿਆਂ ਨੂੰ ਆਪਣੀ ਜੀਵਨ ਸ਼ੈਲੀ ਤੋਂ ਸਾਵਧਾਨ ਤੇ ਸੁਚੇਤ ਰਹਿਣਾ ਪਵੇਗਾ। ਉਹਨਾਂ ਕਿਹਾ ਕਿ ਇਸ ਸਾਲ ਦੇ ਅੰਤ ਤੱਕ ਇਹ ਵੀ ਉਮੀਦ ਜਤਾਈ ਜਾ ਸਕਦੀ ਹੈ ਕਿ ਇਸ ਵਾਇਰਸ ਦਾ ਟੀਕਾ ਵੀ ਵਿਕਸਤ ਕਰ ਲਿਆ ਜਾਵੇਗਾ।
