ਅੱਧੀ ਰਾਤ ਮੁੰਡੇ ਦਾ ਕਾਂਡ ਕਰ ਜੱਲਾਦਾਂ ਨੇ ਗਲ਼ੀ ‘ਚ ਪਾਏ ਭੰਗੜੇ

ਇਸ ਸੀਸੀਟੀਵੀ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਰਾਤ ਵੇਲੇ ਸੁਨਸਾਨ ਗਲ਼ੀ ‘ਚ ਦੋ ਨੌਜਵਾਨ ਖੜ੍ਹੇ ਕਿਸੇ ਦਾ ਇੰਤਜ਼ਾਰ ਕਰ ਰਹੇ ਨੇ | ਥੋੜੀ ਹੀ ਦੇਰ ਬਾਅਦ ਇੱਕ ਕਾਰ ਆਉਂਦੀ ਹੈ ਤੇ ਦੋਵੇਂ ਜਣੇ ਕਾਰ ਨੂੰ ਰੋਕ ਕਾਰ ਵਾਲੇ ਮੁੰਡੇ ਨੂੰ ਬਾਹਰ ਬੁਲਾ ਉਸ ਨਾਲ ਗੱਲਾਂ ਕਰਨ ਲੱਗ ਜਾਂਦੇ ਨੇ | ਉਹਨਾਂ ‘ਚੋਂ ਇੱਕ ਮੁੰਡਾ ਕਾਰ ਵਾਲੇ ਮੁੰਡੇ ਨੂੰ ਗੱਲ਼ਾਂ ‘ਚ ਲਾ ਇੱਕ ਪਾਸੇ ਲਿਆ ਕੇ ਬਹਿਸਬਾਜ਼ੀ ਕਰਨ ਲੱਗ ਜਾਂਦੈ | ਏਨੀ ਦੇਰ ਨੂੰ ਦੂਜਾ ਮੁੰਡਾ ਚੋਰੀ ਚੋਰੀ ਹੱਥ ‘ਚ ਹਥਿਆਰ ਲੈ ਪਿੱਛੋਂ ਆ ਕੇ ਜ਼ੋਰ ਨਾਲ ਵਾਰ ਕਰ ਫਿਰ ਜੋ ਵਹਿਸ਼ੀਆਨਾਂ ਕਰਤੂਤ ਕਰਦਾ ਹੈ ਉਹ ਦਿਲ ਨੂੰ ਦਹਿਲਾ ਕੇ ਰੱਖ ਦੇਣ ਵਾਲੀ ਹੈ | ਨੌਜਵਾਨ ਦੇ ਮਰਨ ਤੋਂ ਬਾਅਦ ਵੀ ਉਸਦੀ ਲਾਸ਼ ਤੇ ਲਗਾਤਾਰ ਵਾਰ ਕਰਦਾ ਰਹਿੰਦਾ ਹੈ |
ਦਿਲ ਨੂੰ ਦਹਿਲਾ ਦੇਣ ਵਾਲੀ ਇਹ ਖੌਫਨਾਕ ਘਟਨਾ ਹੈ ਪਠਾਨਕੋਟ ਦੀ, ਜਿੱਥੇ ਮੁਹੱਲਾ ਅਬਰੋਲ ਨਗਰ ਦੀ ਇੱਕੋ ਗਲੀ ‘ਚ ਰਾਹੁਲ ਅਤੇ ਗੁਰਦੀਪ ਸਿੰਘ ਕਾਕਾ ਨਾਂ ਦੇ ਨੌਜਵਾਨ ਰਹਿ ਰਹੇ ਸਨ | ਰਾਹੁਲ ਆਰਓ ਸਰਵਿਸ ਦਾ ਕੰਮ ਕਰਦਾ ਸੀ ਤੇ ਗੁਰਦੀਪ ਦਾ ਡੇਅਰੀ ਦਾ ਕੰਮ ਸੀ |
ਤਕਰੀਬਨ ਛੇ ਸੱਤ ਮਹੀਨੇ ਪਹਿਲਾਂ ਰਾਹੁਲ ਅਤੇ ਗੁਰਦੀਪ ਸਿੰਘ ਵਿਚਾਲੇ ਤੂੰ ਤੂੰ ਮੈ ਮੈ ਹੋ ਗਈ ਸੀ | ਕਿਓਂਕਿ ਗੁਰਦੀਪ ਦੀਆਂ ਗਊਆਂ ਰਾਹੁਲ ਦੇ ਗੇਟ ਮੂਹਰੇ ਅਕਸਰ ਗੋਹਾ ਕਰ ਦਿੰਦਿਆਂ ਸਨ | ਉਸ ਪੁਰਾਣੀ ਰੰਜਿਸ਼ ਦੇ ਚਲਦਿਆਂ ਗੁਰਦੀਪ ਸਿੰਘ ਨੇ ਆਪਣੇ ਸਾਥੀ ਦੀਪਕ ਦੇ ਨਾਲ ਮਿਲ ਰਾਹੁਲ ਨਾਲ ਜੋ ਕੁੱਝ ਕੀਤਾ ਉਸ ਕਰਕੇ ਪੂਰੇ ਇਲਾਕੇ ‘ਚ ਹਾ ਹਾ ਕਾਰ ਮੱਚ ਗਏ ਗਈ ਹੈ |