ਅੰਮ੍ਰਿਤਸਰ : ਕਰਤਾਰਪੁਰ ਵਿੱਚ ਆਵਾਰਾ ਕੁੱਤਿਆਂ ਨੇ ਝੁੱਗੀ ਵਿੱਚ ਸੌ ਰਹੀ 6 ਮਹੀਨਿਆਂ ਦੀ ਮਾਸੂਮ ਨੂੰ ਨੋਂਚ ਕੇ ਮਾਰ ਦਿੱਤਾ l ਪੁਲਿਸ ਨੂੰ ਦਿੱਤੇ ਬਿਆਨ ਵਿੱਚ ਮ੍ਰਿਤਕਾ ਬੱਚੀ ਦੇ ਪਿਤਾ ਬਬੁਆਨ ਚੌਧਰੀ ਨਿਵਾਸੀ ਬਿਹਾਰ ਨੇ ਦੱਸਿਆ ਕਿ ਉਹ ਪਸਨਾ ਪਿੰਡ ਵਿੱਚ ਡਰੇਨ ਦੇ ਕੋਲ ਬਣੀਆਂ ਝੁੱਗੀਆਂ ਰਹਿੰਦੇ ਹਨ l ਸ਼ੁੱਕਰਵਾਰ ਸ਼ਾਮ ਨੂੰ ਬਬੁਆਨ ਕਿਸੀ ਕੰਮ ਤੋਂ ਬਾਹਰ ਗਿਆ ਹੋਇਆ ਸੀ ਅਤੇ ਪਤਨੀ ਬੱਚੀ ਨੂੰ ਝੁੱਗੀ ਵਿੱਚ ਸੁਲਾ ਕੇ ਦੁੱਧ ਲੈਣ ਲਈ ਗਈ ਹੋਈ ਸੀ l ਇਸ ਦੌਰਾਨ ਕੁੱਤੇ ਝੁੱਗੀ ਵਿੱਚ ਵੜ੍ਹੇ ਅਤੇ ਬੱਚੀ ਨੂੰ ਨੋਂਚ ਦਿੱਤਾ l ਬਬੁਆਨ ਦੀ ਪਤਨੀ ਜਦੋਂ ਦੁੱਧ ਲੈ ਕੇ ਵਾਪਸ ਆਈ ਤਾਂ ਬੱਚੀ ਦੀ ਅਜਿਹੀ ਹਾਲਤ ਦੇਖ ਕੇ ਸੁਧ ਬੁਧ ਖੋ ਬੈਠੀ l ਇਸ ਤੋਂ ਬਾਅਦ ਪੁਲਿਸ ਨੂੰ ਮੌਕੇ ‘ਤੇ ਬੁਲਾਇਆ ਗਿਆ l ਬਬੁਆਨ ਨੇ ਦੱਸਿਆ ਕਿ ਉਸਦੇ ਪੰਜ ਬੱਚੇ ਹਨ l ਮ੍ਰਿਤਕ ਬੱਚੀ ਸਭ ਤੋਂ ਛੋਟੀ ਸੀ l ਪੁਲਿਸ ਨੇ ਬੱਚੀ ਦੀ ਲਾਸ਼ ਨੂੰ ਪੋਸਟ ਮਾਰਟਮ ਦੇ ਲਈ ਹਸਪਤਾਲ ਪਹੁੰਚਾ ਦਿੱਤਾ ਹੈ, ‘ਤੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ l
ਮਾਂ ਦੁੱਧ ਲੈਣ ਗਈ ਤਾਂ ਦੇਖੋ ਪਿੱਛੇ ਕੁੱਤੇ ਨੇ ਦੁੱਧ ਮੂੰਹੀ ਬੱਚੀ ਦਾ ਕੀ ਹਾਲ ਕੀਤੈ
