ਦਾਦੀ ਪੋਤੇ ਨੂੰ ਦੇਣ ਲੱਗੀ ਚਾਹ, ਬਦਲੇ ‘ਚ ਪੋਤੇ ਨੇ ਦਾਦੀ ਅਤੇ ਭੂਆ ਨਾਲ ਕਰਤਾ ਆਹ ਕਾਰਾ

ਚੰਡੀਗੜ੍ਹ : ਪੰਜਾਬ ਵਿੱਚ ਜ਼ਮੀਨ ਹੜਪਣ ਦੇ ਲਈ ਪੋਤੇ ਨੇ ਬੁੱਧਵਾਰ ਨੂੰ ਦਾਦੀ ਅਤੇ ਭੂਆ ਨੂੰ ਪਿਸਤੌਲ ਨਾਲ 6 ਗੋਲੀਆਂ ਮਾਰ ਦਿੱਤੀਆਂ l ਜਿਨ੍ਹਾਂ ਵਿੱਚ ਤਿੰਨ ਗੋਲੀਆਂ ਭੂਆ ਦੇ ਸਿਰ ਵਿੱਚ ਅਤੇ ਇੱਕ ਗੋਲੀ ਜਬੜੇ ਵਿੱਚ ਲੱਗੀ, ਜਦਕਿ ਦੋ ਗੋਲੀਆਂ ਦਾਦੀ ਦੀ ਲੱਤਾਂ ਵਿੱਚ ਜਾ ਲੱਗੀਆਂ l ਮੁਕਤਸਰ ਦੇ ਪਿੰਡ ਸੱਮੇਵਾਲੀ ਵਿੱਚ ਹੋਈ ਵਾਰਦਾਤ ਦੇ ਬਾਅਦ ਮੁਲਜ਼ਮ ਫਰਾਰ ਹੋ ਗਿਆ l ਇੰਨੀਆਂ ਗੋਲੀਆਂ ਲੱਗਣ ਦੇ ਬਾਵਜੂਦ ਜ਼ਖ਼ਮੀ ਸੁਮੀਤ ਕੌਰ ਨੇ ਮਾਂ ਸੁਖਜਿੰਦਰ ਕੌਰ ਨੂੰ ਚੁੱੱਮਿਆ ਅਤੇ ਖੁਦ ਕਾਰ ਚਲਾ ਕੇ 28 ਕਿਲੋਮੀਟਰ ਦੂਰ ਹਸਪਤਾਲ ਪਹੁੰਚ ਗਈ l ਡਾਕਟਰਾਂ ਦੇ ਮੁਤਾਬਿਕ ਸੁਮੀਤ ਕੌਰ(42), ਅਤੇ ਸੁਖਜਿੰਦਰ(65) ਨੂੰ ਲੱਗੀਆਂ ਗੋਲੀਆਂ ਕੱਡ ਦਿੱਤੀਆਂ ਗਈਆਂ ਹਨ l ਦੋਨਾਂ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ l ਸੁਮੀਤ ਦੇ ਹੌਂਸਲੇ ਨੂੰ ਦੇਖ ਕੇ ਡਾਕਟਰ ਵੀ ਹੈਰਾਨ ਰਹਿ ਗਏ l ਉਸਦੀ ਖੋਪੜੀ ਵਿੱਚ ਤਿੰਨ ਗੋਲੀਆਂ ਅਤੇ ਇੱਕ ਗੋਲੀ ਪਿੱਛੇ ਗਰਦਨ ਵਿੱਚ ਫਸੀ ਹੋਈ ਸੀ, ਪਰ ਜ਼ਖ਼ਮੀ ਸੁਮੀਤ ਕੌਰ ਫਿਰ ਵੀ ਹੋਸ਼ ਵਿੱਚ ਸੀ l ਉੱਥੇ ਹੀ ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਦੋਨਾਂ ਦੇ ਬਿਆਨਾਂ ‘ਤੇ ਭਤੀਜੇ ਕੰਵਰਪ੍ਰੀਤ ਸਿੰਘ ਦੇ ਖ਼ਿਲਾਫ਼ ਕੇਸ ਦਰਜ ਕਰਕੇ ਤਲਾਸ਼ ਸ਼ੁਰੁ ਕਰ ਦਿੱਤੀ ਹੈ l ਸੁਮੀਤ ਕੌਰ ਨੇ ਦੱਸਿਆ ਕਿ ਕੰਵਰਪ੍ਰੀਤ ਆਪਣੇ ਪਿਤਾ ਹਰਿੰਦਰ ਸਿੰਘ ਦੇ ਨਾਲ ਮੁਕਤਸਰ ਦੀ ਅਬੋਹਰ ਰੋਡ ਗਲੀ ਨੰਬਰ 7 ਵਿੱਚ ਰਹਿੰਦਾ ਹੈ l ਮੇਰਾ ਤਲਾਕ ਹੋ ਚੁੱਕਿਆ ਹੈ ਅਤੇ ਮੈਂ ਮਾਂ ਦੇ ਨਾਲ ਪਿੰਡ ਵਿੱਚ ਰਹਿੰਦੀ ਹਾਂ l ਪੁਸ਼ਤੈਨੀ ਜਾਇਦਾਦ ਨੂੰ ਲੈ ਕੇ ਇਨ੍ਹਾਂ ਨਾਲ ਵਿਵਾਦ ਹੈ l ਸੁਮੀਤ ਕੌਰ ਦਾ ਕਹਿਣਾ ਕਿ ਕੰਵਰਪ੍ਰੀਤ ਅਕਸਰ ਮਿਲਣ ਆਉਂਦਾ ਸੀ l ਮੰਗਲਵਾਰ ਸ਼ਾਮ ਨੂੰ ਵੀ ਉਹ ਘਰ ਆਇਆ ਅਤੇ ਦਾਦੀ ਦੇ ਕੋਲ ਹੀ ਰੁਕ ਗਿਆ l ਬੁੱਧਵਾਰ ਸਵੇਰੇ ਕੰਵਰਪ੍ਰੀਤ ਨੇ ਦਾਦੀ ਨੂੰ ਕਿਹਾ ਕਿ ਮੈਂ ਸ਼ਹਿਰ ਟਿਊਸ਼ਨ ਜਾਣਾ ਹੈ, ਇਲਸ ਲਈ ਚਾਹ ਬਦਾ ਕੇ ਦੇ ਦੋ l ਜਦ ਮਾਂ ਚਾਹ ਬਣਾਉਣ ਰਸੋਈ ਵਿੱਚ ਗਈ ਤਾਂ ਉਸਨ ਕਾਰ ਵਿੱਚੋਂ ਪਿਸਤੌਲ ਕੱੜ ਕੇ ਮੇਰੇ ‘ਤੇ ਫਾਇਰਿੰਗ ਕਰ ਦਿੱਤੀ, ਰੌਲਾ ਸੁਣਦੇ ਹੀ ਮਾਂ ਬਾਹਰ ਆ ਗਈ ਤਾਂ ਉਸ ਨੇ ਉਨ੍ਹਾਂ ‘ਤੇ ਵੀ ਗੋਲੀਆਂ ਚਲਾ ਦਿੱਤੀਆਂ l ਜ਼ਖ਼ਮੀ ਸੁਮੀਤ ਕੌਰ ਨੇ ਦੱਸਿਆ ਕਿ ਮਾਂ ਦੇ ਕੋਲ ਕਰੀਬ 40 ਏਕੜ ਪੁਸ਼ਤੈਨੀ ਜ਼ਮੀਨ ਹੈ, ਜਿਸ ਵਿੱਚੋਂ ਕੁਝ ਜ਼ਮੀਨ ਮੇਰੇ ਕੋਲ ਹੈ l ਕੰਵਰਪ੍ਰੀਤ ‘ਤੇ ਉਸਦਾ ਪਰਿਵਾਰ ਜ਼ਮੀਨ ‘ਤੇ ਕਬਜ਼ਾ ਕਰਨਾ ਚਾਹੁੰਦੇ ਹਨ, ਜਿਸਦੇ ਕਾਰਨ ਉਨ੍ਹਾਂ ਨੇ ਹਮਲਾ ਕੀਤਾ l