ਅੰਮ੍ਰਿਤਸਰ : ਗੁਮਟਾਲਾ ਵਿੱਚ ਸ਼ਰਾਬ ਪੀਣ ਦੇ ਬਾਅਦ 10 ਰੁਪਏ ਨਾ ਦੇਣ ‘ਤੇ ਗੁੱਸੇ ‘ਚ ਆਏ ਤਸਕਰਾਂ ਨੇ ਸ਼ਖ਼ਸ਼ ਦੀ ਸੂਏ ਮਾਰ ਮਾਰ ਕੇ ਹੱਤਿਆ ਕਰ ਦਿੱਤੀ l ਇਸ ਦੇ ਬਾਅਦ ਮੁਲਜ਼ਮਾਂ ਨੇ ਉਸ ਵਿਅਕਤੀ ਨੂੰ ਮੋਢੇ ‘ਤੇ ਚੁੱਕ ਕੇ ਘਰ ਤੱਕ ਵੀ ਛੱਡ ਆਉਂਦਾ l ਘਰਵਾਲਿਆਂ ਨੂੰ ਕਿਹਾ ਕਿ ਸ਼ਰਾਬ ਜ਼ਿਆਦਾ ਪੀ ਰੱਖੀ ਹੈ ਸੰਭਾਲੋ ਇਸ ਨੂੰ l ਘਰਵਾਲਿਆਂ ਨੇ ਦੇਖਿਆ ਤਾਂ ਉਹ ਖੂਨ ਨਾਲ ਲਿਬੜਿਆ ਸੀ l ਮ੍ਰਿਤਕ ਦੀ ਪਹਿਚਾਣ ਗੁਰਮੇਜ ਸਿੰਘ ਉਰਫ ਗੇਜਾ ਦੇ ਰੂਪ ਵਿੱਚ ਹੋਈ ਹੈ l ਮ੍ਰਿਤਕ ਦੇ ਘਰਵਾਲਿਆਂ ਨੇ ਆਲੇ ਦੁਆਲੇ ਦੇ ਸੀਸੀਟੀਵੀ ਵੀ ਦੇਖੀਆਂ, ਜਿਸ ਵਿੱਚ ਸਾਫ ਆ ਰਿਹਾ ਸੀ ਕਿ ਕੁਝ ਨੌਜਵਾਨਾਂ ਨੇ ਗੇਜਾ ਨੂੰ ਮੋਢੇ ‘ਤੇ ਚੁੱਕਿਆ ਹੋਇਆ ਹੈ l ਉਹ ਪੂਰੀ ਤਰ੍ਹਾਂ ਬੇਹੋਸ਼ ਸੀ l ਰਿਸ਼ਤੇਦਾਰਾਂ ਨੇ ਇਸ ਦੀ ਸ਼ਿਕਾਇਤ ਐਤਵਾਰ ਨੂੰ ਚੌਂਕੀ ਗੁਮਟਾਲਾ ਨੂੰ ਵੀ ਕੀਤੀ, ਪਰ ਪੁਲਿਸ ਨੇ ਸਿਰਫ 174 ਦੀ ਕਾਰਵਾਈ ਕੀਤੀ l ਸੋਮਵਾਰ ਨੂੰ ਗੁੱਸੇ ਵਿੱਚ ਆਏ ਇਲਾਕਾ ਵਾਸੀਆਂ ਨੇ ਗੁਮਟਾਲਾ ਬਾਈਪਾਸ ਚੌਂਕ ਦਾ ਘਿਰਾਓ ਕੀਤਾ l ਇਸ ਦੇ ਬਾਅਦ ਪੁਲਿਸ ਨੇ ਮੁਲਜ਼ਮ ਤਰਸੇਮ ਸਿੰਘ, ਪ੍ਰਿੰਸ, ਨੋਨੀ, ਬੱਬੀ ਅਤੇ ਸਾਬਾ ਦੇ ਖਿਲਾਫ ਕਤਲ ਦਾ ਕੇਸ ਦਰਜ ਕਰ ਲਿਆ l ਘਰਵਾਲਿਆਂ ਦੇ ਅਨੁਸਾਰ ਮੁਲਜ਼ਮ ਇਲਾਕੇ ਵਿੱਚ ਨਸ਼ੇ ਵੇਚਦੇ ਹਨ l ਗੁਰਮੇਜ ਦੇ ਭਾਈ ਪੰਨੂੰ ਨੇ ਦੱਸਿਆ ਕਿ ਐਤਵਾਰ ਨੂੰ ਹੀ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਪਰ ਕਾਰਵਾਈ ਨਹੀਂ ਕੀਤੀ ਗਈ l ਥਾਣਾ ਕੰਟੋਨਮੈਂਟ ਦੇ ਮੁਖੀ ਰਣਜੀਤ ਸਿੰਘ ਦਾ ਕਹਿਣਾ ਹੈ ਕਿ ਮੁਲਜ਼ਮਾਂ ਦੀ ਗ੍ਰਿਫਤਾਰੀ ਦੇ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ l
ਸ਼ਰਾਬ ਦੇ 10 ਰੁਪਏ ਨਾ ਦੇਣ ‘ਤੇ ਸੂਏ ਮਾਰ ਮਾਰ ਕੇ ਕੀਤਾ ਅਜਿਹਾ ਹਾਲ
