ਹੁਣ ਪ੍ਰਾਈਵੇਟ ਲੈਬ ਵਿੱਚ 3500 ਰੁਪਏ ਵਿੱਚ ਹੋਵੇਗਾ ਸਵਾਈਨ ਫਲੂ ਟੈਸਟ

ਪਟਿਆਲਾ : ਹੁਣ ਸਵਾਈਨ ਫਲੂ ਦੇ ਮਰੀਜ਼ ਪ੍ਰਾਈਵੇਟ ਲੈਬ ਵਿੱਚ ਵੀ ਟੈਸਟ ਕਰਵਾ ਸਕਦੇ ਹਨ l ਸਰਕਾਰ ਨੇ ਇਸ ਬਾਰੇ ਵਿੱਚ ਨੋਟੀਫਿਕੇਸ਼ਨ ਵੀ ਜਾਰੀ ਕਰ ਦਿੱਤਾ ਹੈ l ਲੈਬ ਨੂੰ ਮਨਜ਼ੂਰ ਕਰਵਾਉਣ ਲਈ ਸਰਕਾਰ ਦੀਆਂ ਸ਼ਰਤਾ ਨੂੰ ਪੂਰਾ ਕਰਨਾ ਪਵੇਗਾ l ਟੈਸਟ ਦੇ ਲਈ ਲੈਬ ਪ੍ਰਬੰਧਕ ਮਰੀਜ਼ ਤੋਂ 3500 ਰੁਪਏ ਫੀਸ ਵਸੂਲ ਕਰ ਸਕਦੇ ਹਨ l ਓਵਰਚਾਰਜਿੰਗ ਦੀ ਸ਼ਿਕਾਇਤ ਮਿਲਣ ‘ਤੇ ਉਨ੍ਹਾਂ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਵੀ ਕੀਤੀ ਜਾਵੇਗੀ l ਸਿਵਿਲ ਸਜਨ ਡਾ. ਹਰੀਸ਼ ਮਲਹੋਤਰਾ ਨੇ ਦੱਸਿਆ ਕਿ ਲੈਬ ਨੂੰ ਮਨਜ਼ੂਰੀ ਲੈਣ ਦੇ ਲਈ ਪਹਿਲਾਂ ਅਪਲਾਈ ਕਰਨਾ ਪਵੇਗਾ l ਉਸ ਦੇ ਬਾਅਦ ਲੈਬ ਐਨਏਬੀਐਲ ਤੋਂ ਮਨਜ਼ੂਰ ਹੋਣੀ ਚਾਹੀਦੀ ਹੈ ਅਤੇ ਲੈਬ ਵਿੱਚ ਆਰਟੀ ਪੀਸੀਆਰ ਦੀ ਸੁਵਿਧਾ ਦੇ ਨਾਲ ਬੀਐਲ 2 ਹੋਣੀ ਚਾਹੀਦੀ ਹੈ l ਲੈਬ ਵਿੱਚ ਟਰੈਂਡ ਸਟਾਫ ਦਾ ਹੋਣਾ ਜ਼ਰੂਰੀ ਹੋਵੇਗਾ l ਇਹ ਸੁਵਿਧਾਵਾਂ ਉਪੱਲਬਧ ਹੋਣ ‘ਤੇ ਡਿਸਟਰਿਕਟ ਸਿਵਿਲ ਸਰਜਨ ਵੱਲੋਂ ਮਨਜ਼ੂਰੀ ਦਿੱਤੀ ਜਾਵੇਗੀ l