ਲੁਧਿਆਣਾ : ਮੁੰਡੀਆਂ ਦੇ ਜੀਟੀਬੀ ਨਗਰ ਇਲਾਕੇ ਵਿੱਚ ਮੰਗਲਵਾਰ ਦੀ ਦੇਰ ਰਾਤ ਨੂੰ ਕੁੱਤਾ ਘੁਮਾਉਣ ਨੂੰ ਲੈ ਕੇ ਹੋਈ ਕਹਾਸੁਣੀ ਦੇ ਬਾਅਦ ਦੋ ਗੁੱਟ ਆਪਸ ਵਿੱਚ ਲੜ ਪਏ l ਦੋਨਾਂ ਗੁੱਟਾਂ ਵਿੱਚ ਖੂਬ ਲਾਠੀਆਂ, ਡੰਡੇ ਅਤੇ ਤਲਵਾਰਾਂ ਚੱਲੀਆਂ l ਮਾਰ ਕੁੱਟ ਦੇ ਦੌਰਾਨ ਦੋਨਾਂ ਗੁੱਟਾ ਦੇ ਕੁੱਲ 6 ਲੋਕ ਜਖ਼ਮੀ ਹੋ ਗਏ l ਸੂਚਨਾ ਮਿਲਦੇ ਹੀ ਥਾਣਾ ਜਮਾਲਪੁਰ ਅਤੇ ਚੌਂਕੀ ਮੁੰਡੀਆਂ ਕਲਾਂ ਦੀ ਪੁਲਿਸ ਮੌਕੇ ਤੇ ਪਹੁੰਚ ਗਈ l ਮਾਰਕੁੱਟ ਵਿੱਚ ਜ਼ਖ਼ਮੀ ਹੋਏ ਦੋਨਾਂ ਗੁੱਟਾਂ ਦੇ ਮੈਂਬਰਾਂ ਨੂੰ ਸਿਵਿਲ ਹਸਪਤਾਲ ਪਹੁੰਚਾਇਆ ਗਿਆ l ਜਿੱਥੇ ਇਲਾਜ ਦੇ ਬਾਅਦ ਦੋਨਾਂ ਗੁੱਟਾਂ ਦੇ ਜ਼ਖ਼ਮੀਆਂ ਨੂੰ ਛੁੱਟੀ ਦੇ ਦਿੱਤੀ ਗਈ l ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ l
ਇੱਕ ਗੁੱਟ ਦੇ ਹਰਵਿੰਦਰ, ਮਨਜੀਤਪਾਲ ਸਿੰਘ ਅਤੇ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਦੂਜੇ ਪੱਖ ਦੇ ਜਤਿੰਦਰ ਸਿੰਘ ਨੇ ਕੁੱਾ ਪਾਲ ਰੱਖਿਆ ਹੈ l ਉਹ ਰੋਜ਼ਾਨਾ ਕੁੱਤਾ ਘੁਮਾਉਣ ਦੇ ਲਈ ਨਿਕਲ ਪਿਆ ਹੈ l ਕੁੱਤਾ ਕਈ ਵਾਰ ਕਈ ਲੋਕਾਂ ਦੇ ਪਿੱਛੇ ਪੈ ਚੁੱਕਿਆ ਹੈ ਅਤੇ ਕਈ ਲੋਕ ਉਸ ਨੂੰ ਕਾਬੂ ਵਿੱਚ ਰੱਖਣ ਦੀ ਗੱਲ ਕਹਿ ਚੁੱਕੇ ਹਨ ਪਰ ਜਤਿੰਦਰ ਕਿਸੇ ਦੀ ਸੁਣਦਾ ਨਹੀਂ ਹੈ l ਉਹ ਕਈ ਵਾਰ ਉਨ੍ਹਾਂ ਦੇ ਘਰ ਦੇ ਅੱਗੇ ਕੁੱਤੇ ਨੂੰ ਬਾਥਰੂਮ ਵਿੱਚ ਸ਼ੌਚਾਲਿਆ ਕਰਵਾਉਂਦਾ ਹੈ l ਜਦ ਉਨ੍ਹਾਂ ਨੇ ਦੇਰ ਰਾਤ ਨੂੰ ਮਨ੍ਹਾਂ ਕੀਤਾ ਤਾਂ ਜਤਿੰਦਰ ਨੇ ਗਾਲ੍ਹਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ l ਜਦ ਉਨ੍ਹਾਂ ਨੇ ਵਿਰੋਧ ਕੀਤਾ ਤਾਂ ਜਤਿੰਦਰ ਅਤੇ ਉਸ ਦੇ ਮੁੰੰਡਿਆਂ ਨੇ ਉਸ ਉੱਤੇ ਹਮਲਾ ਕਰ ਦਿੱਤਾ l ਹਮਲਾਵਰਾਂ ਨੇ ਉਨ੍ਹਾਂ ਤੇ ਇੱਟਾਂ, ਪੱਥਰ, ਡੰਡੇ ਅਤੇ ਤੇਜ਼ਧਾਰ ਹਥਿਆਰ ਮਾਰ ਕੇ ਉਨ੍ਹਾਂ ਤਿੰਨਾਂ ਨੂੰ ਜ਼ਖ਼ਮੀ ਕਰ ਦਿੱਤਾ ਹੈ l
ਦੂਜੇ ਪੱਖ ਦੇ ਜ਼ਖ਼ਮੀ ਜਤਿੰਦਰ ਨੇ ਦੱਸਿਆ ਕਿ ਉਹ ਰੋਜ਼ ਦੀ ਤਰ੍ਹਾਂ ਕੁੱਤਾ ਗਲੀ ਵਿੱਚ ਘੁਮਾ ਰਹੇ ਸਨ l ਕੁੱਤਾ ਹਮਲਾਵਰਾਂ ਦੇ ਘਰ ਦੇ ਅੱਗੇ ਚਲਾ ਗਿਆ ਤਾਂ ਉਨ੍ਹਾਂ ਨੇ ਕੁੱਤੇ ਨੂੰ ਮਾਰਿਆ ਤਾਂ ਉਨ੍ਹਾਂ ਨੇ ਇਸ ਦਾ ਵਿਰੋਧ ਕੀਤਾ l ਇਸ ਦੌਰਾਨ ਹਰਵਿੰਦਰ ਅਤੇ ਮਨਜੀਤ ਨੇ ਉਨ੍ਹਾਂ ਨੂੰ ਗਾਲ੍ਹਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ l ਜਦ ਉਨ੍ਹਾਂ ਨੇ ਵਿਰੋਧ ਕੀਤਾ ਤਾਂ ਹਮਲਾਵਰਾਂ ਨੇ ਉਨ੍ਹਾਂ ਤੇ ਹਮਲਾ ਕਰ ਕੇ ਉਨ੍ਹਾ ਨੂੰ ਜ਼ਖ਼ਮੀ ਕਰ ਦਿੱਤਾ l ਚੌਂਕੀ ਮੁੰਡੀਆਂ ਕਲਾਂ ਦੇ ਇੰਚਾਰਜ ਸਬ ਇੰਸਪੈਕਟਰ ਹਰਭਜਨ ਸਿੰਘ ਨੇ ਦੱਸਿਆ ਕਿ ਦੋਨੋਂ ਪਾਸੇ ਤੋਂ ਉਨ੍ਹਾਂ ਦੇ ਕੋਲ ਸ਼ਿਕਾਇਤ ਆ ਗਈ ਹੈ l ਮੈਡੀਕਲ ਰਿਪੋਰਟ ਦਾ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ l ਰਿਪੋਰਟ ਮਿਲਣ ਦੇ ਬਾਅਦ ਅੱਗੇ ਦੀ ਕਾਰਵਾਈ ਕੀਤੀ ਜਾਵੇਗੀ l
ਕੁੱਤੇ ਪਿੱਛੇ ਬੁਰੀ ਤਰ੍ਹਾਂ ਲੜ ਪਏ ਬੰਦੇ, ਚੱਲੀਆਂ ਡਾਂਗਾਂ ਅਤੇ ਤਲਵਾਰਾਂ ਬੰਦੇ ਹਸਪਤਾਲ ਦਾਖਲ, ਕੁੱਤਾ ਆਰਾਮ ਨਾਲ ਘੁੰਮਦਾ ਰਿਹਾ
