ਜਲੰਧਰ : ਨੌਕਰ ਨੂੰ ਕਿਡਨੈਪ ਕਰਕੇ ਥਰਡ ਡਿਗਰੀ ਟਾਰਚਰ ਦਿੰਦੇ ਹੋਏ 5 ਦਿਨ ਤੱਕ ਬੰਧਕ ਬਣਾਉਣ ਦੇ ਇਲਜ਼ਾਮ ਵਿੱਚ ਨਾਮਜ਼ਦ ਕੀਤੇ ਗਏੇ ਭਾਜਪਾ ਨੇਤਾ ਸ਼ੀਤਲ ਅੰਗੁਰਾਲ ਅਤੇ ਉਸ ਦੇ 3 ਦੋਸਤ ਬੁੱਧਵਾਰ ਸ਼ਾਮ ਕਰੀਬ 4 ਵਜੇ ਥਾਣਾ 5 ਵਿੱਚ ਪੁਲਿਸ ਦੇ ਸਾਹਮਣੇ ਪੇਸ਼ ਹੋ ਗਏ।ਇਨ੍ਹਾਂ ਤੋਂ ਰਾਤ ਸਵਾ ਅੱਠ ਵਜੇ ਤੱਕ ਪੁੱਛਗਿਛ ਕੀਤੀ ਗਈ।
ਪੁਲਿਸ ਨੁੰ ਸ਼ੀਤਲ ਨੇ ਉਸ ਮੋਬਾਈਲ ਨੂੰ ਦੇ ਦਿੱਤਾ ਹੈ, ਜਿਸ ਤੋਂ ਨੌਕਰ ਦੀ ਵੀਡੀਓ ਬਣਾ ਕੇ ਫੇਸਬੁੱਕ ਤੇ ਵਾਇਰਲ ਕੀਤੀ ਗਈ ਸੀ।ਕੇਸ ਵਿੱਚ ਪੰਜਵੇਂ ਮੁਲਜ਼ਮ ਭਾਜਪਾ ਨੇਤਾ ਰਾਜਨ ਅੰਗੁਰਾਲ ਅਤੇ ਜਿੰਮੀ ਵੀਰਵਾਰ ਨੂੰ ਜਾਂਚ ਦਾ ਹਿੱਸਾ ਬਣਨਗੇ।ਐਸਐਚਚਓ ਰਵਿੰਦਰ ਕੁਮਾਰ ਨੇ ਕਿਹਾ ਕਿ ਸ਼ਾਮ ਕਰੀਬ 4 ਵਜੇ ਸ਼ੀਤਲ ਅੰਗੁਰਾਲ, ਦੀਪਾ, ਚਿਰਾਗ ਅਤੇ ਸਾਗਰ ਥਾਣੇ ਵਿੱਚ ਜਾਂਚ ਅਧਿਕਾਰੀ ਦੇ ਸਾਹਮਣੇ ਪੇਸ਼ ਹੋ ਗਏ।
ਪੁਲਿਸ ਨੇ ਸ਼ੀਤਲ ਤੋਂ 4 ਘੰਟੇ ਤੱਕ ਸਵਾਲ ਜਵਾਬ ਕੀਤੇ।ਵੀਡੀਓ ਬਣਾਉਣ ਵਾਲੇ ਮੋਬਾਈਲ ਦੀ ਮੰਗ ਕੀਤੀ ਤਾਂ ਸ਼ੀਤਲ ਨੇ ਦੇ ਦਿੱਤਾ।ਗਰੇ ਰੰਗ ਦੀ ਗੱਡੀ ਦੇ ਬਾਰੇ ਸ਼ੀਤਲ ਨੇ ਕਿਹਾ ਕਿ ਉਨ੍ਹਾਂ ਦੀ ਫੈਮਿਲੀ ਵਿੱਚ ਇਸ ਰੰਗ ਦੀ ਗੱਡੀ ਨਹੀਂ ਹੈ।
ਸ਼ੀਤਲ ਨੇ ਜਾਂਚ ਦੇ ਦੌਰਾਨ ਕੇਸ ਵਿੱਚ ਮੁਲਜ਼ਮ ਬਣਾਏ ਗਏ ਜਿਮੀ ਦੀ ਬਰਥਡੇ ਪਾਰਟੀ ਦੀ ਫੋਟੋ ਅਤੇ ਵੀਡੀਓ ਦਿਖਾਈ ਅਤੇ ਕਿਹਾ ਕਿ 14 ਮਾਰਚ ਨੂੰ ਜਿਮੀ ਦਾ ਜਨਮਦਿਨ ਸੀ।ਰਾਤ ਵਿੱਚ ਉਨ੍ਹਾਂ ਦੇ ਦਫਤਰ ਵਿੱਚ ਪਾਰਟੀ ਰੱਖੀ ਗਈ ਸੀ।ਇਸ ਪਾਰਟੀ ਵਿੱਚ ਨੌਕਰ ਨਜ਼ਰ ਆ ਰਿਹਾ।ਉਹ ਮਟਨ ਦਾ ਆਨੰਦ ਲੈ ਰਿਹਾ ਸੀ।
ਜੇਕਰ ਉਨ੍ਹਾਂ ਨੇ 11 ਮਾਰਚ ਤੋਂ ਨੌਕਰ ਨੂੰ ਬੰਧਕ ਬਣਾ ਕੇ ਰੱਖਿਆ ਸੀ ਤਤਾਂ ਉਹ ਪਾਰਟੀ ਵਿੱਚ ਮੌਜ ਕਿਵੇਂ ਕਰ ਰਿਹਾ ਹੈ।ਇਹ ਜ਼ਰੂਰ ਹੇ ਕਿ ਨੌਕਰਰ ਨੇ ਉਸ ਨੂੰ ਸੱਚ ਦੱਸ ਦਿੱਤਾ ਸੀ ਕਿ ਕੁਝ ਲੋਕ ਉਨ੍ਹਾਂ ਦੀ ਹੱਤਿਆ ਦੀ ਸਾਜਿਸ਼ ਤੋਂ ਲੈ ਕੇ ਫਸਾਉਣ ਦੀ ਸਾਜਿਸ਼ ਬਣਾ ਰਹੇ ਹਨ, ਜਿਸ ਦੀ ਵੀਡੀਓ ਦਫਤਰ ਵਿੱਚ ਬਣਾਈ ਗਈ ਸੀ, ਨਾਾ ਕਿ ਮੁਕੇਰਰੀਆਂ ਲੈ ਜਾ ਕੇ।ਪੁਲਿਸ ਉਨ੍ਹਾਂ ਦੇ ਦਫਤਰ ਦੀ ਜਾਂਚ ਕਰ ਲਵੇ ਤਾਂ ਕਿ ਵੀਡੀਓ ਵਿੱਚ ਦਿਖਾਈ ਗਈ ਜਗ੍ਹਾ ਕਲੀਅਰ ਹੋ ਸਕੇ।ਪੁਲਿਸ ਨੇ ਕਿਹਾ ਹੈ ਕਿ ਉਹ ਦੁਬਾਰਾ ਬੁਲਾ ਸਕਦੇ ਹਨ।ਮੁਲਜ਼ਮ ਚਿਰਾਗ ਅਤੇ ਦੀਪਾ ਨੇ ਕਿਹਾ ਕਿ 11 ਮਾਰਚ ਨੂੰ ਉਹ ਲੋਕ ਆਪਣੇ ਕੰਮ ਤੇ ਸਨ।