ਲੁਧਿਆਣਾ : ਪੰਜਾਬ ਯੂਨੀਵਰਸਿਟੀ ਚੰਡੀਗੜ ਦੇ ਵਿਦਿਆਰਥੀ ਨੇਤਾ ਰਹੇ ਗੈਂਗਸਟਰ ਰੁਪਿੰਦਰ ਸਿੰਘ ਉਰਫ ਗਾਂਧੀ ਦੇ ਕਤਲ ਕੇਸ ਵਿੱਚ 2 ਮੁਲਜ਼ਮਾਂ ਨੂੰ ਅਦਾਲਤ ਨੇ ਕਿਡਨੈਪਿੰਗ ਦਾ ਦੋਸ਼ੀ ਕਰਾਰ ਦਿੱਤਾ ਹੈ l ਬੁੱਧਵਾਰ ਨੂੰ ਜ਼ਿਲ੍ਹਾ ਐਡੀਸ਼ਨਲ ਜੱਜ ਦੀ ਅਦਾਲਤ ਨੇ ਰਮਜੋਧ ਸਿੰਘ ਅਤੇ ਰਾਜਕੁਮਾਰ ਨੂੰ ਅੱਠ ਅੱਠ ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ l ਦੱਸ ਦਈਏ ਕਿ ਸਾਲ 2003 ਵਿੱਚ 5 ਸਤੰਬਰ ਨੂੰ ਖੰਨਾ ਦੇ ਥਾਣਾ ਸਦਰ ਇਲਾਕੇ ਵਿੱਚ ਪਿੰਡ ਰਸੂਲੜਾ ਦੇ ਰੁਪਿੰਦਰ ਗਾਂਧੀ ਨੂੰ ਅਪਹਰਣ ਕਰਕੇ ਕਤਲ ਕੀਤੇ ਜਾਣ ਦਾ ਮਾਮਲਾ ਦਰਜ ਕੀਤਾ ਗਿਆ ਸੀ l ਇਸ ਹੱਤਿਆ ਕਾਂਡ ਵਿੱਚ ਗਾਂਧੀ ਦੇ ਦੋਸਤ ਹਰਪ੍ਰੀਤ ਸਿੰਘ ਦੀ ਸ਼ਿਕਾਇਤ ‘ਤ ਦਰਜ ਕੇਸ ਵਿੱਚ 11 ਮੁਲਜ਼ਮ ਨਾਮਜ਼ਦ ਕੀਤੇ ਗਏ ਸਨ l ਇਨ੍ਹਾਂ ਵਿੱਚੋਂ 9 ਮੁਲਜ਼ਮਾਂ ਨੂੰ ਪਹਿਲਾਂ ਹੀ ਇਸ ਮਾਮਲੇ ਵਿੱਚ ਕਿਡਨੈਪਿੰਗ ਦਾ ਦੋਸ਼ੀ ਮੰਨਦੇ ਹੋਏ ਅੱਠ ਅੱਠ ਸਾਲ ਕੈਦ ਦੀ ਸਜ਼ਾ ਸੁਣਾਈ ਜਾ ਚੁੱਕੀ ਹੈ l ਸ਼ਿਕਾਇਤਕਰਤਾ ਹਰਪ੍ਰੀਤ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਸੀ ਕਿ ਘਟਨਾ ਵਾਲੇ ਦਿਨ ਉਹ ਰੁਪਿੰਦਰ ਦੇ ਨਾਲ ਪਿੰਡ ਨੋਲਦੀ ਤੋਂ ਸਕੂਟਰ ਵਾਪਸ ਆ ਰਿਹਾ ਸੀ.ਸਲੌਦੀ ਪਿੰਡ ਦੇ ਕੋਲ ਸਾਰੇ ਮੁਲਜ਼ਮ ਕਾਰ ਵਿੱਚ ਆ ਕੇ ਰੁਕੇl ਇਨ੍ਹਾਂ ਵਿੱਚੋਂ ਇੱਕ ਮੁਲਜ਼ਮ ਨੇ ਹਵਾਈ ਫਾਇਰ ਕਰ ਕਤਲ ਦੀ ਨੀਅਤ ਨਾਲ ਰੁਪਿੰਦਰ ਗਾਂਧੀ ਨੂੰ ਕਿਡਨੈਪ ਕਰ ਲਿਆ ਸੀ l
ਹੱਤਿਆ ਅਤੇ ਕਿਡਨੈਪਿੰਗ ਦੇ ਮਾਮਲੇ ਵਿੱਚ ਦੋ ਨੂੰ ਅੱਠ ਅੱਠ ਸਾਲ ਦੀ ਕੈਦ
