ਨੰਗਲ : ਯੂਪੀ ਦੇ ਅਨਾਮੀਕਾ ਕਾਂਡ ਦੀ ਤਰ੍ਹਾਂ ਪੰਜਾਬ ਵਿੱਚ ਵੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ।ਸਰਕਾਰੀ ਸਕੂਲ ਦੇ ਕਲਰਕ ਨੇ ਇੱਕ ਕਰੋੜ ਦਾ ਘੋਟਾਲਾ ਕਰ ਦਿੱਤਾ।ਉਪਮੰਡਲ ਨੰਗਲ ਦੇ ਪਿੰਡ ਕੁਲਗਰਾਂ ਦੇ ਸਰਕਾਰੀ ਸਕੂਲ ਵਿੱਚ ਇੱਕ ਕਰੋੜ ਰੁਪਏ ਦੇ ਘਪਲੇ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਨੰਗਲ ਪੁਲਿਸ ਨੇ ਉਪਮੰਡਲ ਦੇ ਪਿੰਡ ਕੁਲਗਰਾਂ ਦੇ ਸਰਕਾਰੀ ਹਾਈ ਸਕੂਲ ਦੇ ਕਲਰਕ ਅਤੇ ਪ੍ਰਿੰਸੀਪਲ ਦੇ ਖਿਲਾਫ ਲਗਭਗ ਇੱਕ ਕਰੋੜ ਦਾ ਘਪਲਾ ਕਰਨ ਦਾ ਕੇਸ ਦਰਜ ਕੀਤਾ ਹੈ।
ਮਾਮਲੇ ਦੇ ਅਨੁਸਾਰ, ਕਲਰਕ ਸਕੂਲ ਦੇ ਬਿਲਾਂ ਨਾਲ ਛੇੜਛਾੜ ਕਰ ਕੇ ਅਤੇ ਜਾਲੀ ਬਿੱਲ ਬਣਵਾਕੇ ਇਹ ਰਾਸ਼ੀ ਆਪਣੇ 2 ਬੈਂਕ ਖਾਤਿਆਂ ਵਿੱਚ ਟਰਾਂਸਫਰ ਵੀ ਕਰਾਂਦਾ ਰਿਹਾ।ਇਹੀ ਨਹੀਂ ਮੁਲਜ਼ਮ ਨੇ ਇੱਕ ਸਾਇੰਸ ਟੀਚਰ ਦਾ ਫਰਜ਼ੀ ਖਾਤਾ ਵੀ ਖੋਲ ਰੱਖਿਆ ਸੀ, ਜਿਸ ਦੀ ਸੈਲਰੀ ਸਹਿਤ ਕਈ ਲਾਭ ਉਹ ਚੁੱਕ ਰਿਹਾ ਸੀ।ਵਿੱਤ ਵਿਭਾਗ ਨੇ ਵੀ ਇਸ ਦੀ ਜਾਂਚ ਕਰਵਾਣਾ ਮੁਨਾਸਿਬ ਨਹੀਂ ਸਮਝਿਆ।
ਜਿਲਾ ਸਿੱਖਿਆ ਅਧਿਕਾਰੀ ਰਾਜ ਕੁਮਾਰ ਖੋਸਲਾ ਨੇ ਕਿਹਾ ਕਿ ਮਾਮਲੇ ਦਾ ਖੁਲਾਸਾ ਤਦ ਹੋਇਆ ਜਦ ਆਡਿਟ ਵਿਭਾਗ ਨੂੰ ਕੁਝ ਗੜਬੜੀਆਂ ਲੱਗੀਆਂ।ਇਸ ਦੇ ਬਾਅਦ ਆਡਿਟ ਵਿਭਾਗ ਡੀਈਓ ਨੂੰ ਸਿ਼ਕਾਇਤ ਦੀ ਅਤੇ ਜਾਂਚ ਦੇ ਲਈ ਜਿਲਾ ਲੈਵਲ ਕਮੇਟੀ ਦਾ ਗਠਨ ਕੀਤਾ ਗਿਆ।ਇਸ ਵਿੱਚ ਪ੍ਰਿੰਸੀਪਲ ਮੇਜਰ ਸਿੰਘ ਅਤੇ ਪ੍ਰਿੰਸੀਪਲ ਅਵਤਾਰ ਸਿੰਘ ਜਾਂਚ ਅਧਿਕਾਰੀ ਸਨ।
ਜਾਂਚ ਦੇ ਬਾਅਦ 11 ਮਈ 2020 ਨੂੰ ਜਿਲਾ ਪੁਲਿਸ ਮੁਖੀ ਨੂੰ ਕਲਰਕ ਅਤੇ ਸਕੂਲ ਦੇ ਪ੍ਰਿੰਸੀਪਲ ਦੇ ਖਿਲਾਫ ਸਿ਼ਕਾਇਤ ਕੀਤੀ ਅਤੇ16 ਜੂਨ ਨੂੰ ਨੰਗਲ ਪੁਲਿਸ ਨੇ ਕਲਰਕ ਰਾਜੀਵ ਕੁਮਾਰ ਅਤੇ ਸਕੂਲ ਦੇ ਪ੍ਰਿੰਸੀਪਲ ਸੁਰੇਸ਼ ਕੁਮਾਰ ਦੇ ਖਿਲਾਫ 99 ਲੱਖ 27 ਹਜ਼ਾਰ 517 ਰੁਪਏ ਦੇ ਘਪਲੇੇ ਦਾ ਮਾਮਲਾ ਦਰਜ ਕੀਤਾ।ਉਨ੍ਹਾਂ ਨੇ ਦੱਸਿਆ ਕਿ ਜਾਂਚ ਵਿੱਚ ਪਾਇਆ ਹੈ ਕਿ ਮੁਲਜ਼ਮ ਕਲਰਕ ਨੇ ਘਪਲੇ ਦੀ ਰਾਸ਼ੀ ਐਸਬੀਆਈ ਬੈਂਕ ਦੇ 2 ਖਾਤਿਆਂ ਵਿੱਚ ਜਮਾਂ ਕਰਵਾਈ ਸੀ।
ਪੁਲਿਸ ਦੁਆਰਾ ਦਰਜ ਐਫਆਈਆਰ ਦੇ ਅਨੁਸਾਰ ਸਕੂਲ ਦੇ ਸਾਰੇ ਕਰਮਚਾਰੀਆਂ ਦੀ ਤਨਖਾਹ ਅਤੇ ਹੋਰ ਬਿੱਲਾਂ ਦਾ ਭੁਗਤਾਨ ਵਿੱਚ ਦਫਤਰ ਵਿੱਚ ਹੁੰਦਾ ਹੈ।ਇਸ ਵਿੱਚ ਜੀਪੀਐਫ ਸਹਿਤ ਸਾਰੇ ਬਿੱਲ ਕਲਰਕ ਬਣਾਉਂਦਾ ਸੀ ਅਤੇ ਵਿਭਾਗ ਵੱਲੋਂ ਜਾਰੀ ਡੋਂਗਲ ਤੇ ਨੈਟ ਚਲਾ ਕੇ ਪਾਸ ਕਰਵਾਉਣ ਦੇ ਨਾਲ ਨਾਲ ਹਾਰਡ ਕਾਪੀ ਤੇ ਸਕੂਲ ਦੇ ਪ੍ਰਿੰਸੀਪਲ ਤੇ ਸਾਈਨ ਵੀ ਕਰਾ ਲੈਂਦਾ।
