ਸਮਾਣਾ : ਥਾਣਾ ਸਦਰ ਦੇ ਤਹਿਤ ਪਿੰਡ ਬੇਲੂਮਾਜਰਾ ਵਿੱਚ ਵਿਆਹੁਤਾ ਸਰਵਜੀਤ ਕੌਰ ਨੇ ਪੱਖੇ ਨਾਲ ਲਟਕ ਕੇ ਆਤਮ ਹੱਤਿਆ ਕਰ ਲਈ l ਸਰਵਜੀਤ ਦੇ ਭਾਈ ਕੁਲਤੀਪ ਸਿੰਘ ਨੇ ਭੈਣ ਦੇ ਸਹੁਰੇ ਪਰਿਵਾਰ ‘ਤੇ ਉਸ ਨੂੰ ਪਰੇਸ਼ਾਨ ਕਰਨ ਅਤੇ ਉਸ ਨੂੰ ਮਾਰਨ ਦੇ ਇਲਜ਼ਾਮ ਲਾਏ ਹਨ l ਉਸ ਨੇ ਕਿਹਾ ਕਿ ਉਸਦੇ ਜੀਜੇ ਦੇ ਕਿਸੇ ਦੂਜੀ ਔਰਤ ਨਾਲ ਸੰਬੰਧ ਸਨ l ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਦੁਪਹਿਰ ਵਿੱਚ ਜਦੋਂ ਉਸਦੀ ਸੱਸ ਅਤੇ ਜੇਠਾਣੀ ਖੇਤ ਵੱਲ ਗਈਆਂ ਹੋਈਆਂ ਸਨ, ਉਸਦੀ ਭੈਣ ਘਰ ਵਿੱਚ ਇੱਕਲੀ ਸੀ l ਬੱਚੇ ਸਕੂਲ ਗਏ ਹੋਏ ਸਨ l ਪਿੱਛੇ ਤੋਂ ਜਦੋਂ ਕੁਲਦੀਪ ਸਿੰਘ ਆਪਦੀ ਭੈਣ ਨੂੰ ਮਿਲਣ ਆਇਆ ਤਾਂ ਦਰਵਾਜਾ ਬੰਦ ਸੀ l ਦਰਵਾਜਾ ਖੋਲਿਆ ਤਾਂ ਦੇਖਿਆ ਕਿ ਸਰਵਜੀਤ ਕੌਰ ਦੀ ਲਾਸ਼ ਲਟਕੀ ਹੋਈ ਸੀ l ਸਰਵਜੀਤ ਦੀ ਸੱਸ ਨੇ ਮ੍ਰਿਤਕਾ ਦੇ ਪੇਕੇ ਪਰਿਵਾਰ ਵਾਲਿਆਂ ਵੱਲੋਂ ਲਾਏ ਸਾਰੇ ਦੋਸ਼ਾਂ ਨੂੰ ਗਲਤ ਕਿਹਾ ਹੈ l ਥਾਣਾ ਸਮਾਨਾਂ ਇੰਚਾਰਜ ਰਣਵੀਰ ਸਿੰਘ ਨੇ ਕਿਹਾ ਕਿ ਸੂਚਨਾ ਮਿਲੀ ਸੀ ਕਿ ਇਹ ਘਟਨਾ ਪਿੰਡ ਬੱਲੂ ਮਾਜਰਾ ਦੀ ਹੈ l ਕੁੜੀ ਦੇ ਪਰਿਵਾਰ ਦੀ ਸ਼ਿਕਾਇਤ ‘ਤੇ ਸੱਸ ਕੁਲਦੀਪ ਕੌਰ ਅਤੇ ਪਤੀ ਅਮਰੀਕ ਸਿੰਘ ‘ਤੇ ਹੱਤਿਆ ਦੀ ਧਾਰਾ ਤਹਿਤ ਕੇਸ ਦਰਜ ਕਰ ਲਿਆ ਹੈ l ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ l
ਵਿਆਹੁਤਾ ਨੇ ਕੀਤੀ ਖੁਦਕੁਸ਼ੀ, ਭਾਈ ਕਹਿੰਦਾ ਮਾਰਿਆ ਭੈਣ ਨੂੰ
