ਇਹ ਤਸਵੀਰ ਕੇਂਦਰੀ ਜੇਲ੍ਹ ਲੁਧਿਆਣਾ ਦੀ ਹੈ ਜਿੱਥੇ ਇਸ ਜੇਲ੍ਹ ਦੇ ਅੰਦਰ ਅੱਜ ਦਾ ਸੀਨ ਬੇਹੱਦ ਭਾਵੁਕ ਕਰਨ ਵਾਲਾ ਹੈ, ਜਿਸਨੂੰ ਵੇਖ ਕੇ ਜਜ਼ਬਾਤੀ ਹੋ ਕਿਸੇ ਦੇ ਵੀ ਹੰਝੂ ਆਪ ਮੁਹਾਰੇ ਹੀ ਨਿਕਲ ਆਉਣ | ਰੱਖੜੀ ਦੇ ਪਵਿੱਤਰ ਤਿਓਹਾਰ ਦੇ ਮੌਕੇ ‘ਤੇ ਜੇਲ੍ਹਾਂ ‘ਚ ਬੰਦ ਆਪਣੇ ਵੀਰਾਂ ਨੂੰ ਰੱਖੜੀ ਬੰਨ੍ਹਣ ਆਈਆਂ ਭੈਣਾਂ ਨੇ ਜਿੱਥੇ ਬੁਸਕ ਬੁਸਕ ਕੇ ਉਹਨਾਂ ਦੇ ਗੁੱਟ ‘ਤੇ ਰੱਖੜੀ ਬੰਨ੍ਹ ਉਹਨਾਂ ਦੀ ਲੰਮੀ ਉਮਰ ‘ਤੇ ਛੇਤੀ ਰਿਹਾਈ ਦੀ ਸੁੱਖ ਮੰਗੀ ਓਥੇ ਹੀ ਭੈਣਾਂ ਦੇ ਪਿਆਰ ‘ਚ ਜਜ਼ਬਾਤੀ ਹੋ ਵੀਰਾਂ ਦੇ ਹੰਝੂ ਵੀ ਆਬਸ਼ਾਰ ਬਣ ਵਗਦੇ ਰਹੇ |
ਰੱਖੜੀ ਦੇ ਇਸ ਤਿਓਹਾਰ ਦੇ ਮੌਕੇ ਜੇਲ੍ਹ ਪ੍ਰਸ਼ਾਸਨ ਨੇ ਭੈਣਾਂ ਅਤੇ ਵੀਰਾਂ ਵਾਸਤੇ ਖਾਸ ਪ੍ਰਬੰਧ ਕੀਤੇ ਹੋਏ ਸਨ |
