ਫਿਰੋਜ਼ਪੁਰ ਅਦਾਲਤ ਬਾਹਰ ਪੁਲਿਸ ਤੇ ਨੌਜਵਾਨ ਨੂੰ ਧੱਕੇ ਨਾਲ ਚੁੱਕਣ ਦੇ ਆਰੋਪ
ਨੌਜਵਾਨ ਦੀ ਲੱਥੀ ਦਸਤਾਰ ਡਿੱਗੀ ਪੈਰਾਂ ਵਿੱਚ
ਹੋਇਆ ਜੰਮਕੇ ਹੰਗਾਮਾ ਜਬਰੀ ਇੱਕ ਕੇਸ ਵਿੱਚ ਚੱਕਣ ਆਈ ਸੀ ਪੁਲਿਸ
ਲੋਕਾਂ ਦੇ ਵਿਰੋਧ ਤੋਂ ਬਾਅਦ ਨੌਜਵਾਨ ਨੂੰ ਪੁਲਿਸ ਨੇ ਛੱਡਿਆ
ਨੌਜਵਾਨ ਆਇਆ ਸੀ ਇੱਕ ਮਾਮਲੇ ਵਿੱਚ ਤਰੀਕ ਭੁਗਤਨ ਅਦਾਲਤ ਨੇ ਪੁਲਿਸ ਨੂੰ ਲਗਾਈ ਫਟਕਾਰ ਅਤੇ ਨੌਜਵਾਨ ਰਿਹਾ ਕਰਨ ਦੇ ਦਿੱਤੇ ਹੁਕਮ
ਫਿਰੋਜ਼ਪੁਰ ਅਦਾਲਤ ਦੇ ਬਾਹਰ ਉਸ ਵੇਲੇ ਹੰਗਾਮਾ ਦੇਖਣ ਨੂੰ ਮਿਲਿਆ ਜਦ ਸਕੋਰਪੀਓ ਤੇ ਆਏ ਕੁਝ ਪੁਲਿਸ ਵਾਲੇ ਇੱਕ ਨੌਜਵਾਨ ਨੂੰ ਕੋਟ ਦੇ ਬਾਹਰੋਂ ਹੀ ਚੱਕ ਕੇ ਲੈ ਜਾਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਪੁਲਿਸ ਵਾਲੇ ਨੌਜਵਾਨ ਨੂੰ ਜਬਰੀ ਗੱਡੀ ਵਿੱਚ ਬਿਠਾਉਂਦੇ ਪਰ ਉਹ ਕਿਸੇ ਤਰ੍ਹਾਂ ਖਿੱਚ ਧੂ ਕੇ ਬਾਹਰ ਨਿਕਲ ਆਉਂਦਾ ਇਸ ਬਾਬਤ ਜਾਣਕਾਰੀ ਦਿੰਦੇ ਨੌਜਵਾਨ ਨੇ ਦੱਸਿਆ ਕਿ ਉਹ ਇੱਕ ਮਾਮਲੇ ਵਿੱਚ ਜਿਲਾ ਅਦਾਲਤ ਵਿੱਚ ਤਾਰੀਕ ਭੁਗਤਣ ਆਇਆ ਸੀ ਪਰ ਜਿਸ ਤਰ੍ਹਾਂ ਹੀ ਉਹ ਤਰੀਕ ਭੁਗਤ ਕੇ ਬਾਹਰ ਨਿਕਲਿਆ ਤਾਂ ਕੁਝ ਪੁਲਿਸ ਵਾਲੇ ਉਸ ਨੂੰ ਜ਼ਬਰਦਸਤੀ ਗੱਡੀ ਵਿੱਚ ਬਿਠਾਉਣ ਲੱਗੇ ਅਤੇ ਉਸ ਨੂੰ ਕੁੱਟਮਾਰ ਕਰਨ ਲੱਗੇ ਪਰ ਉਸਨੇ ਕਿਸੇ ਤਰ੍ਹਾਂ ਭੱਜ ਕੇ ਆਪਣੇ ਵਕੀਲ ਕੋਲ ਪਹੁੰਚ ਗਿਆ ਅਤੇ ਵਕੀਲ ਵੱਲੋਂ ਨੌਜਵਾਨ ਨੂੰ ਅਦਾਲਤ ਵਿੱਚ ਦੁਬਾਰਾ ਪੇਸ਼ ਕੀਤਾ ਗਿਆ।
ਉੱਥੇ ਪੁਲਿਸ ਵੀ ਪਹੁੰਚ ਗਈ ਅਦਾਲਤ ਵਿੱਚ ਪੁਲਿਸ ਨੇ ਆਪਣਾ ਪੱਖ ਰੱਖਦੇ ਹੋਏ ਕਿਹਾ ਕਿ ਉਕਤ ਨੌਜਵਾਨ ਉਹਨਾਂ ਨੂੰ ਇੱਕ 307 ਦੇ ਮੁਕਦਮੇ ਵਿੱਚ ਲੋੜੀਂਦਾ ਹੈ। ਜਿਥੇ ਵਕੀਲ ਨੇ ਦੱਸਿਆ ਕਿ ਉਸ ਕੇਸ ਵਿੱਚ ਮਾਨਯੋਗ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵੱਲੋਂ ਉਕਤ ਨੌਜਵਾਨ ਦੀ ਅਰੈਸਟ ਸਟੇ ਕੀਤੀ ਹੋਈ ਹੈ। ਦਲੀਲਾਂ ਸੁਣਨ ਤੋਂ ਬਾਅਦ ਮਾਨਯੋਗ ਅਦਾਲਤ ਨੇ ਨੌਜਵਾਨ ਨੂੰ ਰਿਹਾ ਕਰਨ ਦੇ ਆਦੇਸ਼ ਕੀਤੇ ਅਤੇ ਪੁਲਿਸ ਨੂੰ ਫਟਕਾਰ ਵੀ ਲਗਾਈ
ਉਥੇ ਹੀ ਨੌਜਵਾਨ ਅਤੇ ਉਸਦੇ ਵਕੀਲ ਨੇ ਪੁਲਿਸ ਤੇ ਕੁੱਟਮਾਰ ਅਤੇ ਬੇਅਦਬੀ ਦੇ ਵੀ ਆਰੋਪ ਲਗਾਏ ਹਨ ਕਿ ਨੌਜਵਾਨ ਦੀ ਦਸਤਾਰ ਪੈਰਾਂ ਵਿੱਚ ਰੋਲੀ ਗਈ ਹੈ। ਪੁਲਿਸ ਵੱਲੋਂ ਉਸ ਨਾਲ ਜਬਰੀ ਕੁੱਟਮਾਰ ਕੀਤੀ ਗਈ ਹੈ ਅਤੇ ਕਿਡਨੈਪ ਕਰਕੇ ਲਿਜਾਣ ਦੀ ਕੋਸ਼ਿਸ਼ ਕੀਤੀ ਗਈ ਪੀੜਤ ਨੇ ਆਰੋਪੀ ਪੁਲਿਸ ਵਾਲਿਆਂ ਉੱਪਰ ਕਾਰਵਾਈ ਦੀ ਜਿਲਾ ਪ੍ਰਸ਼ਾਸਨ ਕੋਲੋਂ ਮੰਗ ਕੀਤੀ ਹੈ।,,,,,,ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ‘ਤੇ ਕਲਿੱਕ ਕਰੋ……..
