ਨਾਜ਼ੁਕ ਅੰਗਾਂ ਤੇ ਬਿਜਲੀ ਦਾ ਕਰੰਟ ਲਗਾਉਣ ਕਾਰਨ ਔਰਤ ਦੀ ਮੌਤ; 5 ਪੁਲਿਸ ਵਾਲਿਆਂ ਤੇ ਮਾਮਲਾ ਦਰਜ਼

ਮਾਮਲਾ ਹੈ ਜ਼ਿਲ੍ਹਾ ਨਵਾਂ ਸ਼ਹਿਰ ਦਾ, ਜਿੱਥੇ ਪਿੰਡ ਦੇਨੋਵਾਲ ਵਿਖੇ ਜਸਵੀਰ ਕੌਰ ਨਾਂ ਦੀ ਔਰਤ ਰਹਿੰਦੀ ਸੀ | ਜਸਵੀਰ ਕੌਰ ਦਾ ਵੱਡਾ ਪੁੱਤਰ ਇਟਲੀ ਅਤੇ ਛੋਟਾ ਦਸਵੀਂ ਜਮਾਤ ਵਿਚ ਪੜ੍ਹ ਰਿਹਾ ਹੈ | ਘਰਵਾਲਾ ਕੁੱਝ ਸਿੱਧਾ ਹੋਣ ਕਰਕੇ ਦਿਹਾੜੀ ਦੱਪਾ ਲਗਾ ਮਜ਼ਦੂਰੀ ਕਰਦਾ ਹੈ | ਲੰਘੇ ਦਿਨੀ ਥਾਣਾ ਸਦਰ ਦੀ ਪੁਲਿਸ ਜਸਵੀਰ ਕੌਰ ਨੂੰ ਚਿੱਟਾ ਵੇਚਣ ਦੇ ਸ਼ੱਕ ਦੇ ਆਧਾਰ ਤੇ ਘਰੋਂ ਗ੍ਰਿਫਤਾਰ ਕਰਕੇ ਥਾਣੇ ਲੈ ਆਈ | ਉਸਦੇ ਪਰਿਵਾਰਕ ਜੀਆਂ ਅਤੇ ਪਿੰਡ ਵਾਸੀਆਂ ਵੱਲੋਂ ਲਾਏ ਗਏ ਦੋਸ਼ਾ ਦੇ ਆਧਾਰ ਤੇ ਥਾਣੇ ਅੰਦਰ ਉਸ ਨਾਲ ਪੁਲਿਸ ਜੋ ਕੁੱਝ ਕਰਦੀ ਹੈ ਉਹ ਬੇਹੱਦ ਸ਼ਰਮਨਾਕ ਤੇ ਭਿਆਨਕ ਸੀ |