ਹਾਥਰਸ ਗੈਂਗਰੇਪ ਦੀ ਘਟਨਾ ਤੋਂ ਬਾਅਦ ਕਾਂਗਰਸ ਵਲੋਂ ਵੀ ਕੜਾ ਰੁੱਖ ਅਪਨਾਇਆ ਗਿਆ ਹੈ। ਪਾਰਟੀ ਦੇ ਸਾਬਕਾ ਰਾਸ਼ਟਰੀ ਪ੍ਰਧਾਨ ਰਾਹੁਲ ਗਾਂਧੀ ਅਤੇ ਮੁੱਖ ਸਕੱਤਰ ਪ੍ਰਿਯਕਾ ਗਾਂਧੀ ਦੋ ਦਿਨ ਪਹਿਲਾਂ ਹੀ ਪੀੜਤਾਂ ਨੂੰ ਮਿਲਣ ਹਾਥਰਸ ਨਿਕਲੇ ਸਨ ਉਸ ਵਕਤ ਪੁਲਿਸ ਨੇ ਦੋਹਾਂ ਨੂੰ ਗ੍ਰੇਟਰ ਨੋਇਡਾ ਦੇ ਪਰੀ ਚੌਕ ‘ਤੇ ਰੋਕ ਲਿਆ ਸੀ ਅਤੇ ਵਾਪਸ ਦਿੱਲੀ ਭੇਜ ਦਿੱਤਾ ਸੀ।
ਰਾਹੁਲ ਗਾਂਧੀ ਇਕ ਵਾਰ ਮੁੜ ਹਾਥਰਸ ਦੇ ਲਈ ਰਵਾਨਾ ਹੋਣਗੇ, ਰਾਹੁਲ ਗਾਂਧੀ ਨੇ ਹਾਥਰਸ ਜਾਣ ਦੇ ਲਈ ਰਵਾਨਾ ਹੋਣ ‘ਤੇ ਐਲਾਨ ਕੀਤਾ ਹੈ ਕਿ ਉਹਨਾਂ ਨੂੰ ਦੁਨੀਆਂ ਦੀ ਕੋਈ ਤਾਕਤ ਰੋਕ ਨਹੀਂ ਸਕਦੀ। ਰਾਹੁਲ ਗਾਂਧੀ ਨੇ ਟਵੀਟ ਕਰਦੇ ਕਿਹਾ ਹੈ ਕਿ ਇਸ ਪਿਆਰੀ ਬੱਚੀ ਨਾਲ ਜੋ ਯੂਪੀ ਪੁਲਿਸ ਨੇ ਅਤੇ ਸਰਕਾਰ ਨੇ ਕੀਤਾ ਹੈ ਉਹ ਵਿਹਾਰ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ। ਕਿਸੇ ਵੀ ਹਿੰਦੋਸਤਾਨੀ ਨੂੰ ਇਹ ਸਵੀਕਾਰ ਨਹੀਂ ਕਰਨਾ ਚਾਹੀਦਾ।
ਦੱਸਿਆ ਜਾ ਰਿਹਾ ਹੈ ਕਿ ਰਾਹੁਲ ਗਾਂਧੀ ਦੁਪਿਹਰ ਨੂੰ ਹਾਥਰਸ ਦੇ ਲਈ ਨਿਕਲਣਗੇ।ਉਨ੍ਹਾਂ ਦੇ ਨਾਲ ਪ੍ਰਿਯੰਕਾ ਗਾਂਧੀ ਅਤੇ ਸੰਸਦਾਂ ਦਾ ਇਕ ਦਲ ਵੀ ਹੋਵੇਗਾ। ਰਾਹੁਲ ਗਾਂਧੀ ਵਲੋਂ ਆਪਣੇ ਸਾਥੀਆਂ ਨਾਲ ਪੀੜਤ ਪੱਖ ਦਾ ਦੁੱਖ ਸਾਝਾਂ ਕੀਤਾ ਜਾਵੇਗਾ। ਕਾਂਗਰਸ ਨੇ ਪੀੜਤ ਪੱਖ ਨੂੰ ਇਨਸਾਫ ਤੋਂ ਦੂਰ ਰੱਖਣ ਦਾ ਇਲਜ਼ਾਮ ਲਗਾਇਆ ਹੈ।