ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈੱਲ ਨੇ ਮੁੱਠਭੇੜ ਦੇ ਬਾਅਦ ਬੱਬਰ ਖਾਲਸਾ ਇੰਟਰਨੈਸ਼ਨਲ ਅਤੇ ਖਾਲਿਸਤਾਨ ਲਿਬਰੇਸ਼ਨ ਫੋਰਸ ਨਾਲ ਜੁੜੇ 2 ਸ਼ੱਕੀਆਂ ਨੂੰ ਗਿ੍ਰਫਤਾਰ ਕਰ ਲਿਆ ਹੈ। ਮੁਠਭੇੜ ਸ਼ਨੀਵਾਰ ਰਾਤ ਨੂੰ ਹੋਈ। ਦੱਸਿਆ ਗਿਆ ਹੈ ਇਹਨਾਂ ਦੇ ਨਿਸ਼ਾਨੇ ‘ਤੇ ਪੰਜਾਬ ਦੇ ਕਈ ਹਿੰਦੂ ਨੇਤਾ ਸਨ। ਗਿ੍ਰਫਤਾਰ ਕੀਤੇ ਗਏ ਸ਼ੱਕੀਆਂ ਦੀ ਪਛਾਣ ਭੁਪਿੰਦਰ ਸਿੰਘ ਓਰਫ ਦਿਲਾਵਰ ਸਿੰਘ ਅਤੇ ਕੁਲਵੰਤ ਸਿੰਘ ਨਿਵਾਸੀ ਰਾਏਕੋਟ ਲੁਧਿਆਣਾ ਦੇ ਤੌਰ ‘ਤੇ ਕੀਤੀ ਗਈ ਹੈ।
ਫੜੇ ਗਏ ਦੋਹਾਂ ਸ਼ੱਕੀਆਂ ਨੇ ਕੁਝ ਦਿਨ ਪਹਿਲਾਂ ਰਾਏਕੋਟ ‘ਚ ਇੱਕ ਪਾਣੀ ਦੀ ਟੈਂਕੀ ਅਤੇ ਤਹਿਸੀਲ ਦਫਤਰ ‘ਚ ਕੇਸਰੀ ਝੰਡਾ ਲਹਿਰਾਇਆ ਸੀ। ਇਸ ਦੇ ਬਾਅਦ ਦੋਹੇ ਦਿੱਲੀ ਰਵਾਨਾ ਹੋ ਗਏ ਸਨ। ਉਹਨਾਂ ਤੋਂ ਜਿਹੜੇ ਮੋਬਾਇਲ ਮਿਲੇ ਹਨ ਉਨ੍ਹਾਂ ‘ਚ ਐੱਸਵਾਈਐੱਲ ( ਸਤਲੁਜ-ਯਮੁਨਾ ਲੰਿਕ) ਦੀਆਂ ਤਸਵੀਰਾਂ ਤੇ ਵੀਡੀਓ ਮਿਲੇ ਹਨ, ਜਿਹੜੇ ਕੇ ਪਾਕਿਸਤਾਨ ਭੇਜੀਆਂ ਗਈਆਂ ਸਨ।
ਦੋਹਾਂ ਦੇ ਖਿਲਾਫ ਪੰਜਾਬ ‘ਚ ਕਈ ਕੇਸ ਦਰਜ ਹਨ। ਦਿੱਲੀ ਦੇ ਡਿਪਟੀ ਪੁਲਿਸ ਕਮਿਸ਼ਨਰ ( ਸਪੈਸ਼ਲ ਸੈੱਲ) ਸੰਜੀਵ ਯਾਦਵ ਨੇ ਦੱਸਿਆ ਹੈ ਕਿ ਇਹਨਾਂ ਦੇ ਕੋਲੋ 7 ਪਿਸਟਲਾਂ ਅਤੇ 45 ਗੋਲੀਆਂ ਅਤੇ ਗੋਲਾ ਬਾਰੂਦ ਵੀ ਬਰਾਮਦ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਦੋਵੇਂ ਅੱਤਵਾਦੀ ਟਾਰਗੇਟ ਕਿਲੰਿਗ ਦੇ ਲਈ ਹਥਿਆਰ ਲੈਣ ਦਿੱਲੀ ਪਹੁੰਚੇ ਹੋਏ ਸਨ ਅਤੇ ਵੱਡੀ ਘਟਨਾ ਨੂੰ ਅੰਜ਼ਾਮ ਦੇਣ ਦੀ ਫਿਰਾਕ ‘ਚ ਸਨ।
