ਜਲੰਧਰ : ਸੰਤੋਖਪੁਰਾ ਅਤੇ ਲੰਮਾ ਪਿੰਡ ਏਰੀਏ ਵਿੱਚ 11 ਮਾਰਚ ਨੂੰ ਬਿੱਲ ਨਹੀਂ ਦੇਣ ਤੇ ਕੱਟੇ ਗਏ ਬਿਜਲੀ ਦੇ 20 ਕਨੈਕਸ਼ਨ ਜੋੜਨ ਤੇ ਪੁਲਿਸ ਨੇ ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਅਤੇ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਤੇ ਦੋ ਕੇਸ ਦਰਜ ਕਰਵਾਏ ਹਨ।ਇੱਕ ਪਰਚਾ ਥਾਣਾ ਡਿਵੀਜ਼ਨ ਨੰਬਰ 8 ਅਤੇ ਦੂਸਰਾ ਥਾਣਾ ਰਾਮਾਮੰਡੀ ਵਿੱਚ ਦਰਜ ਕੀਤਾ ਗਿਆ ਹੈ।ਪੀਐਸਪੀਸੀਐਲ ਦੇ ਸਹਾਇਕ ਕਰਮਚਾਰੀ ਇੰਜੀਨੀਅਰਰ ਅਮਰਿੰਦਰਪਾਲ ਸਿੰਘ ਨੇ ਪੁਲਿਸ ਨੂੰ ਸਿ਼ਕਾਇਤ ਦਿੱਤੀ ਕਿ ਸੰਤੋਖਪੁਰਾ ਦੇ ਮੁਹੱਲਾ ਬਾਵਾ ਵਿੱਚ ਬਿਜਲੀ ਬਿੱਲ ਨਾ ਦੇਣ ਤੇ 5 ਮਾਰਚ ਨੂੰ ਕੁਝ ਲੋਕਾਂ ਦੇ ਕਨੈਕਸ਼ਨ ਕੱਟੇ ਗਏ ਸਨ।45 ਦਿਨ ਦੇ ਅੰਦਰ ਬਿੱਲ ਦਾ ਭੁਗਤਾਨ ਨਾ ਕਰਨ ਤੇ ਮੀਟਰ ਉਤਾਰਨ ਦਾ ਵਿਭਾਗ ਦੇ ਕੋਲ ਅਧਿਕਾਰ ਹੈ।11 ਮਾਰਚ ਨੂੰ ਬੈਂਸ ਨੇ ਡਿਫਾਲਟਰਾਂ ਦੇ ਬਿਜਲੀ ਕੁਨੈਕਸ਼ਨ ਖੁਦ ਜੋੜ ਦਿੱਤੇ ਸਨ ਜਿਸ ਕਾਰਨ ਉਨ੍ਹਾਂ ਤੇ ਕੇਸ ਦਰਜ ਕੀਤੇ ਗਏ ਹਨ।
ਬਿਜਲੀ ਦੇ ਬਿੱਲ ਦੇ ਕਾਰਨ ਬੈਂਸ ਤੇ ਹੋਏ ਦੋ ਪਰਚੇ
