ਜਲੰਧਰ : ਰਾਮਾ ਮੰਡੀ ਵਿੱਚ ਵੀਰਵਾਰ ਸਵੇਰੇ ਬੀਐਸਐਫ ਦੇ ਬਰਖਾਸਤ ਮੁਲਾਜ਼ਮ ਨੇ ਆਪਣੇ ਕਮਰੇ ਵਿੱਚ ਦੇਸੀ ਪਿਸਤੌਲ ਨਾਲ ਗੋਲੀ ਮਾਰ ਕੇ ਆਤਮ ਹੱਤਿਆ ਕਰ ਲਈ l ਜਵਾਨ ਦੀ ਪਹਿਚਾਣ ਹਰਦੀਪ ਸ਼ਰਮਾ ਉਰਫ਼ ਬੱਬੂ ਦੇ ਰੂਪ ਵਿੱਚ ਹੋਈ ਹੈ l ਹਰਦੀਪ ਨੂੰ ਮਕਸੂਦਾਂ ਪੁਲਿਸ ਪਹਿਲਾਂ ਵੀ ਗੈਰ ਕਾਨੂੰਨੀ ਹਥਿਆਰਾਂ ਨਾਲ ਗ੍ਰਿਫ਼ਤਾਰ ਕਰ ਚੁੱਕੀ ਹੈ l ਘਟਨਾ ਦੀ ਸੂਚਨਾ ਮਿਲਣ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟ ਮਾਰਟਮ ਲਈ ਭੇਜ ਦਿੱਤਾ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ l ਐਸਪੀ ਸੈਂਟਰਲ ਹਰਸਿਮਰਤ ਸਿੰਘ ਦਾ ਕਹਿਣਾ ਹੈ ਕਿ ਹਰਦੀਪ ਦੀ ਮੌਤ ਕਨਪਟੀ ਤੇ ਗੋਲੀ ਲੱਗਣ ਨਾਲ ਹੋਈ ਹੈ l ਐਸਪੀ ਦਾ ਕਹਿਣਾ ਕਿ ਇਹ ਇੱਕ ਸੁਸਾਈਡ ਕੇਸ ਹੈ l
ਦੱਸ ਦਈੲ ਕਿ ਜਿਸ ਸਮੇਂ ਗੋਲੀ ਚੱਲੀ, ਹਰਦੀਪ ਆਪਣੇ ਕਮਰੇ ਵਿੱਚ ਇੱਕਲਾ ਹੀ ਸੀ l ਉਸਦੀ ਪਤਨੀ ਅਤੇ ਮੁੰਡਾ ਦੂਜੇ ਕਮਰੇ ਵਿੱਚ ਸਨ l ਗੋਲੀ ਦੀ ਆਵਾਜ਼ ਸੁਣ ਕੇ ਜਦੋਂ ਉਹ ਹਰਦੀਪ ਦੇ ਕਮਰੇ ਵਿੱਚ ਆਏ ਤਾਂ ਉਹ ਗੋਲੀ ਲੱਗਣ ਕਾਰਨ ਤੜਪ ਰਿਹਾ ਸੀ ‘ਤੇ ਕੁਝ ਹੀ ਮਿੰਟਾਂ ਵਿੱਚ ਮਰ ਗਿਆ l ਐਸਪੀ ਹਰਸਿਮਰਤ ਸਿੰਘ ਦਾ ਕਹਿਣਾ ਹੈ ਕਿ ਹਰਦੀਪ ਸ਼ਰਾਬ ਪੀਣ ਦਾ ਆਦੀ ਸੀ ਅਤੇ ਦੋ ਦਿਨ ਤੋਂ ਲਗਾਤਾਰ ਸ਼ਰਾਬ ਪੀ ਰਿਹਾ ਸੀ l ਹਰਦੀਪ ਸ਼ਰਮਾ ਨੇ ਆਪਣੇ ਸੀਨੀਅਰ ਦੇ ਨਾਲ ਬਦਸਲੂਕੀ ਕੀਤੀ ਸੀ l ਜਿਸ ਕਰਕੇ ਉਸਨੂੰ ਨੌਕਰੀ ਤੋਂ ਬਰਖਾਸ਼ਤ ਕਰ ਦਿੱਤਾ ਗਿਆ ਸੀ l ਨੌਕਰੀ ਜਾਣ ਤੋਂ ਬਾਅਦ ਹਰਦੀਪ ਸ਼ਰਮਾ ਮਾਨਸਿਕ ਤੌਰ ‘ਤੇ ਪਰੇਸ਼ਾਨ ਰਹਿਣ ਲੱਗ ਪਿਆ ਸੀ l ਉਸ ਨੂੰ ਮਕਸੂਦਾਂ ਥਾਣਾ ਦੀ ਪੁਲਿਸ ਨੇ ਦੋ ਪਿਸਤੌਲ ਦੇ ਨਾਲ ਗ੍ਰਿਫ਼ਤਾਰ ਕੀਤਾ ਸੀ, ਜਿਹੜਾ ਕੇਸ ਹਲੇ ਤੱਕ ਅਦਾਲਤ ਵਿੱਚ ਵਿਚਾਰਅਧੀਨ ਹੈ l ਪੁਲਿਸ ਨੇ ਲਾਸ਼ ਦਾ ਪੋਸਟ ਮਾਰਟਮ ਕਰਵਾਕੇ ਲਾਸ਼ ਵਾਰਿਸਾਂ ਦੇ ਹਵਾਲੇ ਕਰ ਦਿੱਤੀ ਹੈ ਅਤੇ ਹੱਤਿਆ ਦੇ ਅਸਲ ਕਾਰਨਾਂ ਦਾ ਪਤਾ ਕਰਨ ਵਿੱਚ ਜੁੱਟ ਗਈ ਹੈ l
ਬੀਐਸਐਫ ਦੇ ਬਰਖਾਸਤ ਮੁਲਾਜ਼ਮ ਨੇ ਗੁੱਸੇ ਚ ਕੀਤਾ ਆਹ ਕੰਮ! ਕਮਰਾ ਹੋਇਆ ਖੂਨੋ ਖੂਨ!
