ਲੁਧਿਆਣਾ : ਜਿੱਥੇ ਚੋਰੀ ਦੀਆਂ ਵਾਰਦਾਤਾਂ ਦਿਨ ਪ੍ਰਤੀਦਿਨ ਵੱਧ ਰਹੀਆਂ ਹਨ l ਉਥੇ ਹੀ ਇਨ੍ਹਾਂ ਵਾਰਦਾਤਾਂ ‘ਤੇ ਨੱਥ ਪਾਉਣ ਵਾਲੀ ਪੁਲਿਸ ਵੀ ਇਨ੍ਹਾਂ ਕੇਸਾਂ ਵਿੱਚ ਅਣਗਹਿਲੀ ਕਰਦੀ ਆਮ ਵੇਖੀ ਜਾ ਸਕਦੀ ਹੈ l ਕਿਉਂਕਿ ਚੋਰ ਸ਼ਰੇਆਮ ਚੋਰੀ ਕਰਦੇ ਹਨ.ਪੀੜਿਤ ਪੁਲਿਸ ਨੂੰ ਸੀਸੀਟੀਵੀ ਫੁਟੇਜ ਵੀ ਦੇ ਦਿੰਦੇ ਹਨ ਪਰ ਪੁਲਿਸ ਫੇਰ ਕਾਰਵਾਈ ਕਰਨ ਵਿੱਚ ਅਣਗਹਿਲੀ ਕਰਦੀ ਹੈ ਜਾਂ ਕਾਰਵਾਈ ਨੂੰ ਟਾਲ ਦਿੰਦੀ ਹੈ l
ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਲੁਧਿਆਣਾ ਵਿੱਚ.ਜਿੱਥੇ ਘਰ ਦੇ ਬਾਹਰ ਤੋਂ ਬਾਈਕ ਚੋਰੀ ਹੋਈ ਅਤੇ ਪੀੜਿਤ ਨੇ ਸੀਸੀਟੀਵੀ ਫੁਟੇਜ ਤੋਂ ਆਪਣੀ ਬਾਈਕ ਖੁਦ ਹੀ ਲੱਭੀ l ਪਰ ਪੁਲਿਸ ਨੇ ਕਾਰਵਾਈ ਕਰਨ ਦੀ ਬਜਾਏ ਕਿਹਾ ਕਿ ਚੋਰ ਨੂੰ ਵੀ ਲੈ ਆਓ.ਦੇਖ ਲਵਾਂਗੇ l ਇਹ ਮਾਮਲਾ ਹੈ ਲੁਧਿਆਣਾ ਦੇ ਦਰੇਸੀ ਸਥਿਤ ਨਾਨਕ ਨਗਰ ਇਲਾਕੇ ਵਿੱਚ ਸੋਮਵਾਰ ਦੀ ਸਵੇਰ ਚੋਰ ਨੇ ਇੱਕ ਡਰਾਈਵਰ ਦੀ ਘਰ ਦੇ ਬਾਹਰ ਤੋਂ ਬਾਈਕ ਚੋਰੀ ਕਰ ਲਈ l ਪੀੜਿਤ ਨੇ ਇਸ ਦੀ ਸ਼ਿਕਾਇਤ ਪੁਲਿਸ ਨੂੰ ਦਿੱਤੀ ਤਾਂ ਕੋਈ ਮਦਦ ਨਹੀਂ ਮਿਲੀ l ਇਸ ‘ਤੇ ਪੀੜਿਤ ਨੇ ਸੀਸੀਟੀਵੀ ਫੁਟੇਜ ਦੀ ਮਦਦ ਨਾਲ ਚੋਰ ਦੇ ਨਾਲ ਨਾਲ ਬਾਈਕ ਦੀ ਵੀ ਭਾਲ ਕਰ ਲਈ ਪਰ ਕਾਰਵਾਈ ਕਰਨ ਦੀ ਬਜਾਏ ਪੁਲਿਸ ਉਸ ਨੂੰ ਹੀ ਪਰੇਸ਼ਾਨ ਕਰਨ ਲੱਗ ਪਈ l ਪਰ ਉੱਚ ਅਧਿਕਾਰੀਆਂ ਨੂੰ ਸ਼ਿਕਾਇਤ ਕਰਨ ਦੇ ਬਾਅਦ ਥਾਣਾ ਦਰੇਸੀ ਦੀ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ l ਫਿਲਹਾਲ ਮੁਲਜ਼ਮ ਫਰਾਰ ਹਨ l
ਘਰ ਦੇ ਬਾਹਰ ਤੋਂ ਹੋਈ ਬਾਈਕ ਚੋਰੀ, ਸੀਸੀਟੀਵੀ ਫੁਟੇਜ ਦੇਖ ਪੀੜਿਤ ਨੇ ਖੁਦ ਲੱਭੀ, ਐਸਆਈ ਨੇ ਕਿਹਾ ਚੋਰ ਵੀ ਫੜ ਕੇ ਥਾਣੇ ਲੈ ਆਓ ਆਪਾਂ ਦੇਖ ਲੈਣੇ ਆ
