ਨੋਟ : ਹਕੀਕਤ ਟੀਵੀ ਪੰਜਾਬੀ ਕਿਸੇ ਵੀ ਤਰ੍ਹਾਂ ਦੀ ਹਿੰਸਾ ਦਾ ਸਮਰਥਨ ਨਹੀਂ ਕਰਦਾ l
ਗੁਰਦਾਸਪੁਰ : ਇੱਥੇ ਇੱਕ ਨੌਜਵਾਨ ਦੀ ਹੱਤਿਆ ਦਾ ਮਾਮਲਾ ਸਾਹਮਣੇ ਆਇਆ ਹੈ l ਦੱਸ ਦਈਏ ਕਿ ਹੈਦਰਾਬਾਦ ਤੋਂ ਇੱਕ ਨੌਜਵਾਨ ਸ਼ਨੀਵਾਰ ਨੂੰ ਭਾਈ ਦੇ ਦੋਸਤ ਦੀ ਭੈਣ ਦੇ ਵਿਆਹ ਵਿੱਚ ਆਇਆ ਸੀ l ਡੀਜੇ ‘ਤੇ ਡਾਂਸ ਦੇ ਦੌਰਾਨ ਉਸ ਦੀ ਕੁਝ ਨੌਜਵਾਨਾਂ ਦੇ ਨਾਲ ਕਹਾਸੁਣੀ ਹੋ ਗਈ, ਜਿਸ ਦੇ ਬਾਅਦ ਉਸ ਨੂੰ ਚਾਰ ਨੌਜਵਾਨਾਂ ਨੇ ਕੁੱਟ ਕੁੱਟ ਕੇ ਮਾਰ ਦਿੱਤਾ l ਪੁਲਿਸ ਨੇ ਕੇਸ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੰਤੀ ਹੈ l ਇਸ ਵਾਰਦਾਤ ਵਿੱਚ 3 ਸਕੇ ਭਾਈ ਵੀ ਸ਼ਾਮਿਲ ਹਨ l
ਨੌਜਵਾਨ ਦੀ ਪਹਿਚਾਣ ਪਠਾਨਕੋਟ ਦੇ ਪਿੰਡ ਗੂੜਾ ਕਲਾਂ ਦੇ 24 ਸਾਲਾ ਰੋਮੀ ਕੁਮਾਰ ਦੇ ਰੂਪ ਵਿੱਚ ਹੋਈ ਹੈ l ਉਹ ਹੈਦਰਾਬਾਦ ਵਿੱਚ ਟਾਇਰ ਪੰਚਰ ਠੀਕ ਰਕ ਲਦਾ ਕੰਮ ਕਰਦਾ ਸੀ l ਸ਼ਨੀਵਾਰ ਸਵੇਰੇ ਹੀ ਹੈਦਰਾਬਾਦ ਤੋਂ ਘਰ ਪਹੁੰਚਿਆ ਸੀ l ਭਾਈ ਜੋਨੀ ਕੁਮਾਰ ਨੇ ਉਸ ਨੂੰ ਦੱਸਿਆ ਕਿ ਉਹ ਦੋਸਤ ਛਵੀ ਕੁਮਾਰ ਦੀ ਭੈਣ ਦੇ ਵਿਆਹ ਵਿੱਚ ਜਾ ਰਿਹਾ ਹੈ l ਇਸ ‘ਤੇ ਰੋਮੀ ਵੀ ਉਸ ਦੇ ਨਾਲ ਜਾਣ ਨੂੰ ਤਿਆਰ ਹੋ ਗਿਆ l ਦੋਨੋਂ ਭਾਈ ਸ਼ਨੀਵਾਰ ਦੁਪਹਿਰ 2 ਵਜੇ ਪਿੰਡ ਅਲੱੜਪਿੰਡੀ ਪਹੁੰਚ ਗਏ l
ਵਿਆਹ ਵਿੱਚ ਡੀਜੇ ‘ਤੇ ਨੱਚਣ ਦੇ ਦੌਰਾਨ ਕਿਸੀ ਗੱਲ ਨੂੰ ਲੈ ਕੇ ਉਨ੍ਹਾਂ ਦੀ ਪਿੰਡ ਦੇ ਕੁਝ ਨੌਜਵਾਨਾਂ ਨਾਲ ਕਹਾਸੁੁਣੀ ਹੋ ਗਈ l ਉੱਥੇ ਹੀ ਦੋਸਤ ਦੀ ਭੈਣ ਦੀ ਡੋਲੀ ਵਿਦਾ ਹੋਣ ਦੇ ਬਾਅਦ ਰਾਤ ਨੂੰ ਦੋਨੋਂ ਭਾਈ ਦੋਸਤ ਛਵੀ ਕੁਮਾਰ ਦੇ ਚਚੇਰੇ ਭਾਈ ਸੁਖਵਿੰਦਰ ਦੇ ਘਰ ਖਾਣਾ ਖਾ ਰਹੇ ਸਨ l ਇਸ ਦੌਰਾਨ ਪਿੰਡ ਅਲੰੜਪਿੰਡੀ ਦੇ ਅਮਰੀਕ ਕੁਮਾਰ ਉਰਫ ਮੀਕਾ, ਸਰਬਜੀਤ ਉਰਫ ਸਾਬਾ, ਦਲਜੀਤ ਕੁਮਾਰ ਤਿੰਨੋਂ ਭਾਈਆਂ ਅਤੇ ਗਗਨਦੀਪ ਉਰਫ ਗੱਗੂ ਪਹੁੰਚ ਗਏ l ਜੋਨੀ ਨੇ ਦੱਸਿਆ ਕਿ ਚਾਰਾਂ ਨੇ ਸ਼ਰਾਬ ਪੀਤੀ ਹੋਈ ਸੀ ਅਤੇ ਨਾਲ ਬੈਠ ਕੇ ਖਾਣਾ ਖਾਣ ਲੱਗੇ l ਇਸ ਦੌਰਾਨ ਚਾਰੋਂ ਰੁਮੀ ਕੁਮਾਰ ਨਾਲ ਬਿਨਾਂ ਵਜ੍ਹਾ ਬਹਿਸ ਕਰਨ ਲੱਗੇ l ਰਾਤ ਕਰੀਬ 10 ਵਜੇ ਉਹ ਦੋਨੋਂ ਭਾਈ ਘਰ ਤੋਂ ਬਾਹਰ ਗਲੀ ਵਿੱਚ ਚਲੇ ਗਏ l ਚਾਰੋਂ ਨੌਜਵਾਨ ਵੀ ਬਾਹਰ ਆ ਗਏ ਅਤੇ ਰੋਮੀ ਨਾਲ ਮਾਰ ਕੁੱਟ ਕਰਨ ਲੱਗੇ, ਜਿਸ ਨੂੰ ਦੇਖ ਕੇ ਛਵੀ ਕੁਮਾਰ ਵੀ ਘਰ ਤੋਂ ਬਾਹਰ ਆ ਗਿਆ l
ਜੋਨੀ ਅਤੇ ਛਵੀ ਨੇ ਚਾਰਾਂ ਤੋਂ ਰੋਮੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ l ਇੰਨੇ ਵਿੱਚ ਸਰਬਜੀਤ ਕੁਮਾਰ ਸਾਬਾ ਨੇ ਖੱਬੇ ਹੱਥ ਵਿੱਚ ਪਾਏ ਕੜੇ ਨਾਲ ਰੋਮੀ ਦੇ ਸਿਰ ‘ਤੇ ਵਾਰ ਕਰ ਦਿੱਤਾ l ਮੱਥੇ ‘ਤੇ ਕੜੇ ਵੱਜਣ ਨਾਲ ਰੋਮੀ ਬੇਹੋਸ਼ ਹੋ ਕੇ ਗਿਰ ਗਿਆ l ਇਸ ਤੋਂ ਬਾਅਦ ਵੀ ਚਾਰੋਂ ਉਸ ਦੇ ਨਾਲ ਮਾਰ ਕੁੱਟ ਕਰਦੇ ਰਹੇ l ਰੌਲਾ ਸੁਣ ਕੇ ਵਿਆਹ ਵਿੱਚ ਆਏ ਰਿਸ਼ਤੇਦਾਰ ਵੀ ਗਲੀ ਵਿੱਚ ਆ ਪਹੁੰਚੇ, ਜਿਨ੍ਹਾਂ ਨੂੰ ਦੇਖ ਕੇ ਉਹ ਚਾਰੋਂ ਭੱਜ ਗਏ l ਬੇਸੁੱਧ ਰੋਮੀ ਨੂੰ ਜੋਨੀ ਅਤੇ ਛਵੀ ਸਿਵਿਲ ਹਸਪਤਾਲ ਗੁਰਦਾਸਪੁਰ ਇਲਾਜ ਦੇ ਲਈ ਲੈ ਗਏ ਤਾਂ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤ ਘੋਸ਼ਿਤ ਕੀਤਾ l
ਡੀਜੇ ‘ਤੇ ਡਾਂਸ ਦੇ ਦੌਰਾਨ ਕਹਾਸੁਣੀ ਹੋਈ, 4 ਨੌਜਵਾਨਾਂ ਨੇ ਇੱਕ ਨੂੰ ਕੁੱਟ ਕੁੱਟ ਕੇ ਮਾਰ ਦਿੱਤਾ
